انفي وايمجراند وبي واي دي

**Abdallah Reda** · 15-12-2015 06:10 PM

السلام عليكم ورحمة الله وبركاته

انا اولا لسه قدامي سنة لحد اما اجيب عربية بس انا محتار بين التلاتة دول

وهما صيني كلهم بس سعرهم علي قدي وامكانيات اي هستخدمها

بس محتار بين الانفي LS
والايمجراند EC7
وبي واي دي F3 L3

الايمجراند بصراحة كنت معجب بيها اوي شكل حلو وامكانيات جميلة بس كل شوية الناس تقول فيها عيوب صانعة انا قولت تكييف والفرامل حاجات بسيطة تتظبط لكن لما سمعت ان الجنوط تتكسر بصراحة قفلت منها

والبي واي دي F3 جلوة امكانيتها حلوة وكل حاجة بس شكلها مش عاجبني بصراحة والتوكيل جديد ومش معروف اللي هو الامل !!! وحاسس ان مفيهاش رفاهية شبابية

والبي واي دي L3 فخامة وحلوة واوبشنز بس بردو مشكلة التوكيل انه جديد وكمان غالية 95 الف مانيوال حرام اني اجيب صيني بالسعر ده وتوكيله مش معروف والعربية لسه جديدة محدش جربها

والانفي انا جربتها ومع قريبي وبيقولي حلو وتوكيل كويس والعربية شكلها حلو

فانا محتار ايه الافضل عن تجربة مش اي كلام ارجوكم

**hugan** · 15-12-2015 06:27 PM

مفيش انفي حاليا
اتتظر الشراكه الجديده بين غبور وابو الفتوح

**hugan** · 15-12-2015 09:10 PM

المشاركة الأصلية كتبت بواسطة abdallah reda

طب حضرتك الايمجراند هي فعلا الجنط بيتكسر لوحده او علي السرعات العالية او اني اكل مطب علي السريع !!! ولا بيبقي خطأ من السواق !!

الجنط مش مشكله لو العربيه تستحق
اغير الاربع جنوط بحاجه محترمه

**Mohamed Desoky** · 15-12-2015 11:38 PM

السلام عليكم ورحمة الله وبركاته الشيرى a5 وده اسمها الحقيقى وفى مصر اسبيرانزا انفى عربية موجودة عند جيران جانبى وكلهم شكره فيها وفى برضة ناس عندهم الاميجراند وناس بتتكلم عن البارومة بتمسك فيها والموتور فى مشاكل فى النهايه فشلت فى مصر وقيبى عنده بى واى دى بيشتكى من التوكيل سئى جدا وقطع غيار مش موجودة فى السوق وسعرها غالى على فكره الانفى اخدت موافقة الاتحاد الاوربى والتيجو كمان ومبيعاتهم جيده وانا ارشحهالك وربنا يوفقك

**osamahawam** · 16-12-2015 11:08 PM

المشاركة الأصلية كتبت بواسطة abdallah reda

السلام عليكم ورحمة الله وبركاته

انا اولا لسه قدامي سنة لحد اما اجيب عربية بس انا محتار بين التلاتة دول

وهما صيني كلهم بس سعرهم علي قدي وامكانيات اي هستخدمها

بس محتار بين الانفي ls
والايمجراند ec7
وبي واي دي f3 l3

الايمجراند بصراحة كنت معجب بيها اوي شكل حلو وامكانيات جميلة بس كل شوية الناس تقول فيها عيوب صانعة انا قولت تكييف والفرامل حاجات بسيطة تتظبط لكن لما سمعت ان الجنوط تتكسر

بصراحة قفلت منها

والبي واي دي f3 جلوة امكانيتها حلوة وكل حاجة بس شكلها مش عاجبني بصراحة والتوكيل جديد ومش معروف اللي هو الامل !!! وحاسس ان مفيهاش رفاهية شبابية

والبي واي دي l3 فخامة وحلوة واوبشنز بس بردو مشكلة التوكيل انه جديد وكمان غالية 95 الف مانيوال حرام اني اجيب صيني بالسعر ده وتوكيله مش معروف والعربية لسه جديدة محدش جربها

والانفي انا جربتها ومع قريبي وبيقولي حلو وتوكيل كويس والعربية شكلها حلو

فانا محتار ايه الافضل عن تجربة مش اي كلام ارجوكم

جرب بريليانس اف ار فى كروس .... توكيل محترم وثبات وكماليات ممتازة