الموضوع: الفلتر الرياضي في كيا ريو

عاوز أخد رأي حضراتكوا في حاجة تهمني ومحتاج مساعدتكم

معايا كيا ريو 2014 وكنت عاوز أجيبلهافلتر هواء سبور

وفعلا جبت واحد صيني ( كتجربة ) وركبته على طول في الماسورة الاصلية بتاعة العربية كاوتش طبعا

حسيت طبعا بفرق في الصوت وهو ده اللي عاوزه .. ميهمنيش زيادة في الاداء لان أداء العربية راضيني ومش محتاج ازوده ولاني عارف عشان ازود الاداء بالفلتر لازمله قطع تانية معاه سواء الانتيك كامل او بوجيهات والشكمان والحوار ده كله
بس زي ماقولت لحضراتكم انا عاوز أضيف صوت رياضي بس مش اكتر

وكمان حسيت بفرق في دوسة البنزين
يعني في الاول لما كنت مركب الفلتر الاصلي كان العزم عالي .. لما ادوس بنزين على لفات موتور قليلة الاقي العربية بتنط كده
الموضوع ده قل شوية لما ركبت الفلتر الاسبور
فهل ده طبيعي اصلا مع الفلاتر الاسبور ولا عشان ده صيني ؟

بصراحة انا عاوز اجيب واحد اصلي بس عاوز اعرف بالظبط تأثيره والتغيير اللي هيحصل قبل ما اجيبه

وكمان عاوز أفهم موضوع حساس الهواء ده بالذات انا معرفش الريو فيها حساس هوا ولا ايه معنديش خبره في الموضوع ده بس لو موجود هل عادي معاه موضوع الفلتر الاسبور ولا فيه خطوات بتتعمل الاول ؟؟
وله ضرر على الموتور حتى لو على المدى البعيد ؟
حاجة كمان هل الفلتر الاصلي هيفرق في الصوت عن الصيني ولا الفرق أداء فقط لو ركبناه كامل ؟

انا اسف جدا طولت في الكلام بس انا محتاج افهم كويس الموضوع ده ..