الموضوع: بيجو 301 2015 أوتوماتيك هاي لاين

المشاركة الأصلية كتبت بواسطة د.مروان راغب

العربية كويسة جدا،انا معايا 2016 و الفرامل ما شاء الله كويسة جدا الا ان التيل بيخلص بسرعة فعلا.
اما عن التوكيل لسه ما عملتش صيانة ال 10000 و صيانة ال2500 كم مش مقياس.
بشكل عام سيارة رائعة و صفقة رابحة.

أنا بشكر حضرتك جدا على التجاوب

لكن إيه الكلام الكتير اللي بيتقال على المنتدى عنها، وبالذات على الفرامل والتوكيل ؟؟
وبرده مش فاهم معنى ان الفرامل بتخلص بسرعة، هل هي كده على طول ولا لو اتغيرت يتصلح الموضوع ده؟؟

المشاركة الأصلية كتبت بواسطة د.مروان راغب

السيارة تقفيل اسبانى.

التقفيل الأسباني فيه ناس قالتلي إن مش تمام، مش عارف صراحة الكلام ده إيه

السلام عليكم
انا معايا 2015 هاى لاين و عامل بيها 30000 - عملت صيانة 4 مرات (2500 - 10000 - 20000 - 30000)
العربية كويسة جدا فى ظل الفئة السعرية - تقفيل كويس جدا - موضوع التيل نسبى بالنسبة لنوعية السواقة بتاعتك و عموما التيل الجديد كله بيخلص بسرعة علشان صديق للبيئة و لكن برضه يعتمد على طربقة السواقة.
بالنسبة للتوكيل سىء للاسف مش على سمعة العربية - البيجو منتشرة لكن عدد مراكز الصيانة قليلة جدا.
من وجهة نظرى فى ظل الفئة السعرية 140000 جنية هيا احسن حاجة موجودة.
ربنا يوفقك لما فيه الخير.
السلام عليكم

المشاركة الأصلية كتبت بواسطة bassem.aly

السلام عليكم
انا معايا 2015 هاى لاين و عامل بيها 30000 - عملت صيانة 4 مرات (2500 - 10000 - 20000 - 30000)
العربية كويسة جدا فى ظل الفئة السعرية - تقفيل كويس جدا - موضوع التيل نسبى بالنسبة لنوعية السواقة بتاعتك و عموما التيل الجديد كله بيخلص بسرعة علشان صديق للبيئة و لكن برضه يعتمد على طربقة السواقة.
بالنسبة للتوكيل سىء للاسف مش على سمعة العربية - البيجو منتشرة لكن عدد مراكز الصيانة قليلة جدا.
من وجهة نظرى فى ظل الفئة السعرية 140000 جنية هيا احسن حاجة موجودة.
ربنا يوفقك لما فيه الخير.
السلام عليكم

رد وافي جدا بشكر حضرتك جدا

وأنا بدأت أفكر في نيسان سنترا أو فلونس لأعتبارات أخرى، لا أستطيع ذكرها

وفعلا عربية بيجو 301 محترمه جدا ماعدا موضوع الفرامل والتوكيل أظن فيه تواتر على إنه فيهم مشاكل لكن مجمل العربية جمييييييييله جدا وربنا يبارك للي راكبها

المشاركة الأصلية كتبت بواسطة د.مروان راغب

اولا دى اول مرة اسمع فيها تعليق سلبى على التقفيل الاسبانى،طبعا حلو مع الاخذ فى الاعتبار الفئة السعرية،يعنى لو قارنتها بالسيارات الاخرى فى نفس الفئة السعرية هتلاقيها اما افضل او مثل وليس اقل مطلقا الى جانب العزل الرائع للصوت.
ثانيا:التيل الاصلى هو نوعه كدة بيخلص بسرعة بس الحل الجيد هو تغيير التيل باحدى الماركتين(فاليو فرنسى ب 250 جنيه او ريمسا اسبانى ب 220 جنيه)مع العلم انا لسه ما غيرتش بس الكل بيشكر فيهم و طبعا ده برة التوكيل.
ثالثا:التوكيل كما ذكرت لحضرتك انى ماجربتوش غير فى صيانة ال 2500 كم ودى غير كافية للتقييم لانها check فقط ولا يتم فيها اى تغييرات.

أنا بشكر حضرتك جدا على المعلومة، بس أنا مضطر ما أجيبتش بيجو لأن مكاني مافيش بجواره توكيل خالص

لكن كما ذكرت العربية ممتازه في فئتها السعرية، وموضوع الفرامل اللي بيخلص والتوكيل اللي تعامله مش جيد كما يقال دي حسب التعايش معها، ومافيش عربية كاملة الأوصاف

ربنا يباركلكوا فيها يارب

المشاركة الأصلية كتبت بواسطة د.مروان راغب

اولا دى اول مرة اسمع فيها تعليق سلبى على التقفيل الاسبانى،طبعا حلو مع الاخذ فى الاعتبار الفئة السعرية،يعنى لو قارنتها بالسيارات الاخرى فى نفس الفئة السعرية هتلاقيها اما افضل او مثل وليس اقل مطلقا الى جانب العزل الرائع للصوت.
ثانيا:التيل الاصلى هو نوعه كدة بيخلص بسرعة بس الحل الجيد هو تغيير التيل باحدى الماركتين(فاليو فرنسى ب 250 جنيه او ريمسا اسبانى ب 220 جنيه)مع العلم انا لسه ما غيرتش بس الكل بيشكر فيهم و طبعا ده برة التوكيل.
ثالثا:التوكيل كما ذكرت لحضرتك انى ماجربتوش غير فى صيانة ال 2500 كم ودى غير كافية للتقييم لانها check فقط ولا يتم فيها اى تغييرات.

طيب هي العربية الي معايا 2015 و لسه في الضمان ينفع اجيب تيل نوع مختلف و يركبه في التوكيل لان اخر كشف قال ان التيل عاوز يتغير ممكن علي الصيانة القادمة و هي عاملة دلوقتي 27000 كم