تراخيص انشاء كشك مطعم (Booth)

**Anti_virus_abdo** · 21-12-2015 08:06 PM

عارف ان العنوان مش موضح بس مش عارف هو اسمة ايه
انا كنت عاوز اعرف تراخيص انشاء الاكشاك الصغيرة زي الي في المولات و النوادي و تجمع الكافيهات و كدا الي بيبيعوا waffles مثلا و crepe زي بطاطس و زلابيا كدا للي يعرفة.
الي اعرفة بيبقي فيه ايجار شهري لو في نادي او مول, طب لو في الشارع نفسه بيبقي تبع الحي ولا اية؟ و ايه الاجراءات و التراخيص زي وزارة الصحة و كدا؟
و هل من حقي اصلا اعمل booth في اي حتة, زي مثلا شارع 9 في المعادي؟
يا ريت لو حد مر علية الموضوع دا اوعندة اي معلومات يفدني بيها

شكرا :)

**acura** · 21-12-2015 09:06 PM

شرح طريقة الحصول على ترخيص كشك بجمهورية مصر العربية

مشروع كشك بطاطس و كيفية ترخيص والاجراءات المطلوبة لعمل المشروع

**amrelsha3er** · 21-12-2015 10:17 PM

بالتوفيق ان شاءالله

**طارق _عبد السلام** · 22-12-2015 01:11 AM

موفق ان شاء الله

**Anti_virus_abdo** · 23-12-2015 07:49 PM

المشاركة الأصلية كتبت بواسطة amrelsha3er

بالتوفيق ان شاءالله

يا رب ان شاء الله
شكرا يا باشا :)

المشاركة الأصلية كتبت بواسطة طارق _عبد السلام

موفق ان شاء الله

امين يا رب
الف شكر ليك :)

المشاركة الأصلية كتبت بواسطة gade2

بص ممكن تسال مبدئيا واحد فاتح كشك عادى فى نفس منطقتك واعرف منه خبايا الموضوع ثانيا اسال فى الحى
وبالمحورين دول هتعرف الدنيا ماشيه ازاى

ما انا فكرت اعمل كدا فعلا ربنا يسهل و لو عرفت حاجة هكتبها هنا بردة عشان لو حد عاوز يستفاد

**Anti_virus_abdo** · 23-12-2015 07:50 PM

المشاركة الأصلية كتبت بواسطة acura

شرح طريقة الحصول على ترخيص كشك بجمهورية مصر العربية

مشروع كشك بطاطس و كيفية ترخيص والاجراءات المطلوبة لعمل المشروع

مش عارف اقولك ايه, انت جبت من الاخر

بس هو فيه حاجات مش مفهومة في تاني لينك
النقطة "تقديم الموقف المالي و العقاري لأن ليسكل الناس لديهم القدرة علي الحصول علي ترخيص كشك فمن له الحاجة فقط" دية غريبة جدا, ممكن تكون بتطبق علي الاكشاك العادية بس حتي الحاجات الي بقول عليها دية؟!
يا ريت لو حد فاهمها يوضح

**Anti_virus_abdo** · 25-01-2016 05:20 PM

حبيت اكتب للمتابع و مهتم بالموضوع
انا رحت الحي و للأسف عرفت هناك ان الاكشاك ممنوعة و مفيش تراخيص انشاء اكشاك من 2014 في القاهرة كلها
سألتهم و الاكشاك الي اتفتحت بعد كدا قلولي كلها مخالفة و اي بلاغ بتتقفل و بيدفعوا غرامات
كالعادة بلد عشوائية مينفعش تعمل فيها حاجة قانونية

**طارق _عبد السلام** · 25-01-2016 07:00 PM

المشاركة الأصلية كتبت بواسطة anti_virus_abdo

حبيت اكتب للمتابع و مهتم بالموضوع
انا رحت الحي و للأسف عرفت هناك ان الاكشاك ممنوعة و مفيش تراخيص انشاء اكشاك من 2014 في القاهرة كلها
سألتهم و الاكشاك الي اتفتحت بعد كدا قلولي كلها مخالفة و اي بلاغ بتتقفل و بيدفعوا غرامات
كالعادة بلد عشوائية مينفعش تعمل فيها حاجة قانونية

ولو فكرت فى القانونى الموظفين هيكرهوك فى حياتك وفى العيشه واللى عايشينها...انا كنت ذكرت قيل كده انى ماشى فى اجراءات ترخيص من سنوات بجرى فيها فى الاخر من شهر واكتر آخر لجنه من الحى جاءت لى وبعد فحص وتمحيص وتعقيد اخيرا قالوا لى مبروك تعال لنا كمان اسبوع ادفع رسوم الترخيص.......وبعد اسبوع لقيت موظفه بتقول لى روح المجلس اعمل تعاقد نضافه رحت لهم قالوا لازم تدفع لنا 150 جنيه نضافه كل شهر...ليه ياظلمه ما انا بدفع على عدادات الكهرباء..لا هى كده ولو تاخرت عن الدفع 5 اشهر هتتغرم وتدفع الضعف.....ماشى اتعاقدنا... ونسلم الحى التعاقد تعالى كمان اسبوع وبعدين تانى كمان اسبوع ..وبعدين روح هات لنا شهاده من التامينات ..ما انا عامل لكم 100 شهاده قبل كده .. لا اسمع الكلام وخليك مطيع وهات شهاده...رايح بكره اعملها لان النهارده اجازه ..... وياعالم اخر الهرى والتعب ده ايه...........كرهت اى كائن اسمه موظف حكومى بيتلذذ بعذاب البشر

-

الموضوع: تراخيص انشاء كشك مطعم (Booth)

LinkBack

أدوات الموضوع

عرض

تراخيص انشاء كشك مطعم (Booth) - انشر الموضوع فى :

-

-

-

-

-

-

المواضيع المتشابهه

مشروع مطعم أكل :)

في حد هنا أكل من مطعم ومبي !

توكيل مطعم

مطعم شامي

مطعم شيك

الكلمات الدلالية لهذا الموضوع

المفضلات

المفضلات

ضوابط المشاركة