عايز ميكانيكي وكهربائي لبريليانس اف ار في 2009 قريب من عين شمس

**Hamada_lovemsg** · 23-12-2015 11:13 AM

السلام عليكم

عندي مشكلة رعشة في الدركسيون بعد ٦٠ كيلو وعايز اعمل صيانة للعربية بعيدا عن التوكيل لا اسعاره عالية

ياريت حد يقولي مكان ميكانيكي وكهربائي وعفشجي كويس بيتعامل مع العربية اوديله العربية يظبطلي اللي فيها بر التوكيل

**Darsh Shoman** · 23-12-2015 10:47 PM

بص يا زميل .. رعشة الدريكسيون دي ترصيص .. و اي حد بتاع ظبط زوايا هيعملهالك و ملهاش دخل بالعربية
ميكانيكي , مش ضروري تروح لواحد بتاع بريليانس .. روح لاي حد عنده ضمير و يفضل لو كان شغال في الياباني
عفشجي , نفس الكلام , بس يستحسن حد بتاع سكودا او شغال في الالماني بوجه عام عدا بتوع الاوبل
كهربائي , من غير ما اطول عليك , نفس الكلام :d اهم شئ يكون عنده ضمير و كهربة العربية دي مش صعبة .. لكن ده الوحيد اللي "نسمع" ان في كهربائي متخصص و اسعاره كويسة في البشاير في 6 اكتوبر و حط تحت "نسمع" دي مليون خط :d

**emadhamdi89** · 24-12-2015 09:07 AM

السلام عليكم

شكرا جدا للمعلومات و انا معايا frv 2009 1600 و كنت عاوز اعرف ايه البدايل لقطع الغيار ديه :
1) تيل الفرامل امامي و خلفي
2) الكبالن
3) بلى العجل
4) جلب المقاصات
يا ترى كلها لانسر 2007 ولا ايه ؟

و فى حاجة انا وانا ماشى عالسريع و قافل الزجاج بسمع صوت جاى من الشنطة فهل ده بلى العجل الخلفى ولا ممكن يكون ايه ؟

**Darsh Shoman** · 24-12-2015 04:50 PM

المشاركة الأصلية كتبت بواسطة emadhamdi89

و فى حاجة انا وانا ماشى عالسريع و قافل الزجاج بسمع صوت جاى من الشنطة فهل ده بلى العجل الخلفى ولا ممكن يكون ايه ؟

مشكلة في معظم العربيات البريليانس الهاتشباك .. باب الشنطة مش مقفول عدل .. اما انك تروح لسمكري يظبطهولك او انك بنفسك ممكن تشتري بكرة شريط لحام بتاع الكهرباء (شكرتون) و تلفه حوالين الحديدة اللي قفل الشنطة بيمسك فيها .. لف كتير , يمكن ربع البكرة كده و اقفل الشنطة هتلاقيها مسكت مظبوط و انت ع السريع مش هتخبط

**emadhamdi89** · 27-12-2015 09:16 AM

الف شكر يا غالي

دلوقتى انا لما بجرى بالعربية مش بتجيب ال 100 خالص و لو جابتها بيكون صوت الماتور عالى و عداد ال rpm بيزيد قوى و حتى فالطلعة على كوبرى مثلا او كده بدوس بنزين و عداد ال rpm يعلى قوى و استجابة العربية للسرعة بطيئة جدا

هل ده اربة فتيس ولا ده ممكن يكون ايه ؟