استفسار بخصوص مروحة رادياتير 516

**erada** · 24-12-2015 03:11 AM

بدون دخول في تفاصيل توجع الدماغ انا شغلي في منطقة مكسرة وبضطر كتير افضل ماشي عالغيار الاول فترة لا تقل عن 25 دقيقة متواصلة (علي سرعة حوالي 20-30 كم في المتوسط)لكثرة التوقف بسبب التكاتك والطرق البايظة
والسؤال المفروض الصح مروحة الرادياتير تشتغل امتي لان زى ما واضح في الصورة مؤشر حرارة الماتور بتوصل لنص المشوار من غير ما المروحة تنطق علما باني مغير زيت من اسبوع وبكشف على مستوى المية الخضرا باستمرار وتاكدت من فيوز المروحة انه سليم

وشكرا مقدما لكل رد

**mohamedbook** · 24-12-2015 07:09 AM

طيب هو المفروض الطبيعي ايه تكون في النصف ولا اقل من النصف
لان الموضوع ده بيختلف من سيارة لاخري
حيث ان الاسكودا او الفولكس مثلا مؤشر الحرارة في النصف عي ال 90
اما التويوتا والنيسان مثلا علي الثلث المؤشر تقريبا
فلو ده الطبيعي عندك يبقي العربية تمام ووالثرموثتات شغال تمام اما لو كانت بتعلي عن النصف يبقي فيه مشكلة عندك