العربيه اتخبططت وهيا راكنه اعمل فيها ايه

**yaya_tearoy** · 26-12-2015 11:37 PM

سلام عليكم لو سمحتم العربيه لسه عامله لسه مكملتش 10000كم واتخبطت خابطه محترمه ومش عارف اعمل فيها ايه

**hatemfox2005** · 27-12-2015 01:43 AM

قدر الله وقول الحمد لله
انا عربيتي اتخبطت بعد 4 ايام من الشراء ما كنتش عامله 2000 كم وكنت واقف بردو
بص لو مامن علي العربيه وديها التوكيل مش مامن سيبها شويه تاخد العين وبعد كده وديها عن سمكري محترم ويظبطهلك وترش دهان فرن العربيه ان شاء الله ها ترجع زي الاول

**yaya_tearoy** · 27-12-2015 04:21 PM

انا لسه مجدد التامين فبفكر اعمل فيها اي حاجه مؤقتا لعل وعسي تتخبط تاني د لسه باقي ف فتره التامين 8 شهور وبصراحه خايف اعملها دلوقتي تتخبط تاني حد عنده حل من فضلكم

**hatemfox2005** · 27-12-2015 09:47 PM

احسن خليها قبل التامين ما ينتهي بشهر

**yaya_tearoy** · 28-12-2015 12:47 AM

طيب من خلال الصوره د اعمل فيها ايه حاليا ولا اوديها لمين وحتتكلف كام تقريبا

**mhaddad** · 28-12-2015 11:08 AM

المشاركة الأصلية كتبت بواسطة yaya_tearoy

طيب من خلال الصوره د اعمل فيها ايه حاليا ولا اوديها لمين وحتتكلف كام تقريبا

قدر الله وماشاء فعل... بس من خلال تجربتي زمااان وعلى حد علمي مش هينفع تستنى التأمين في الآخر لأن لازم تعمل محضر بالواقعة والتاريخ عشان توديه بعد كده شركة التأمين و ينزل معاين يصورها وتشوف هتصلحها تبعهم ولا في التوكيل ... بس لازم محضر كده كده ... واتصل اسال في شركة التأمين وإن شاء الله ربنا يكفيك شرها ...

**khaled edrise** · 28-12-2015 04:37 PM

بص يا باشا انا هقولك الزتونه انا عربيتي اتخبطت بعد 700 كيلو واحد صاحبي قالي سييبك من التامين و اعملهه بره و طبعا ده كلام غلط غلط غلط من هنه لبعد بكره الي هتعمله كالتالي حضرتك تروح القسم الي تبع المنطقه الي اتخبطت فيهه و طبعا عربتك معاك تعمل محضر لمجهول و تزكر فيه كل شئ في العربيه و تاخد وانتي ماشي صورة المحضر و تروح طالع علي شركة التامين و معاك المحضر همه هياخدوه صوره منه و تقلوهم عملهه في التوكيل و تروح طالع علي التوكيل بعد ما هيتصلو عليك علشان يحددولك اسم و رقم تليفون الخبير الي هيعاين حلو تروح تسلمهه في التوكيل و تقلوهم علي اسم الخبير الي هيعمل لمعاينه و تكلم الخبير و تقوله علي رقم العربيه و الزي منه جميل هتقعد في التوكيل من اسبوعين الي ثلاثه و بعدين التوكيل هيكلمك و هيقولك التكلفه كام انته الي هتتدفع و بعد كده تاخد الفاتوره و تروح علي شركة التامين هيدفعولك الفلتروه و هيقللو منهه 10% لان العربيه موديل السنه الي فتت بس هتاخد العربيه زيرو زرو موش هتعرفهه علي فكره همه اكيد هيغبرو الباب بس نصيحه طالما انته عامل تامين شامل يبقي التوكيل هيرجعهاللك زيو اللن نفس اللون بالملي و اتحدي حد لو عايز تبيع بعد كده يقوللك رشه النصيحه لوجه الله التوكيل انا عملت كده و لو سمعت كلام صاحبي كونت لبست اسود

**khaled edrise** · 28-12-2015 04:45 PM

خود بالك الخبطه دي هتكلفك في التوكيل حوالي 10000 جنيه علشان تبقي عامل حسابك و هيرجعلك منهم من 9000 الي 8000 جنيه بس هيغيرو الباب و ممكن الرفرف ألمامي و هيرد الحته الصغيره الي في الباب الي ورا و هيرشو باب و رفرف هيخشو في 6000 جنيه زائد المصنعيات يعني داخل علي العشره لو المبلغ موش متوافر دلوقتي امشي بيهه لغاية المبلغ مل يتوفر و بعدين اعمل المحضر و قولهم العربيه لسه مخبوطه النهارده عاديييي يابيه حدد وقت المحضر حسب وقتك المناسب و حسب جاهزيتك و اعمل المحضر بس و انه بتعمل المحضر هتقول العربيه لسه مخبوطه بصراحه انان مقدر الحزن الي انته فيه لاني كونت فيه علشان كده بقوللك علي الصح و نشناء الله العربيه هترحع زي الول بالضبط و ما تزعلش