ارجو االمساعده في نيسان صني 2012

**rob3a** · 29-12-2015 01:54 PM

الحمد لله اشتريت نيسان صني 2012سوبر صالون
العربيه كل لما اجي افولها الاقي في بنزين بيتكب عي الارض من نص العربيه من تحت حوالي لترين او تلاته في كل تفويله مع العلم اني بنزل اقف مع الراجل الي بيحط البنزين وبخليه يشيل المسدس مع اول تكه للمسدس
هل دا طبيعي ولا انا عندي كدا مشكله
والعربيه استهلاكها للبنزين عالي جدا انا عملت 270 كيلو جوا البلد مش سفر عملت 34 لتر بنزين

**mummy_47** · 29-12-2015 03:13 PM

انا شايف ان الاستهلاك معقول لان 270 كم/34 تساوي 7.9 كم/لكل لتر وده المعدل الطبيعي من 7.5 ال 8 كم /لتر...
بالنسبة للبنزين اللي بتلاقيه..ممكن يكون فايظ البنزين او بخر البنزين ...ممكن حد يبصلك عليه...الموضوع بسيط ان شاء الله

**rob3a** · 29-12-2015 05:43 PM

شكرا لرد حضرتك وانا فعلا روحت لميكانيكي بصلي علي العربيه والحمد لله طلع التنك سليم بس المشكلة طلعت ان جوان طرمبة البنزين هو الي بيسرب لما التنك بيتملي وجاري تغييره

**mummy_47** · 29-12-2015 08:09 PM

طرمبة البنزين جوه التنك والجوان بين الطرمبة وبين الشاسية تحت الكنبة الخلفية .....معنى كده ان التسريب داخل الصالون لو الجوان بايظ !!؟؟.....يمكن قصدك جوان الزور اللي بين فتحة ملي البنزين والانبوبة الواصلة للتنك

على العموم الحمدالله انك لقيت المشكلة بسيطة...

**rob3a** · 30-12-2015 12:58 AM

فعلا الجوان الي بين الطرمبة وبين الشاسيه هو الي بيسرب عشان كان ف بنزين تحت الكنبه ولما كنت بفول العربيه التسريب كان بيبقي نازل من تحت العربيه الجوان بيسرب فتلاقي البنزين نازل من الجنبين بتوع التنك من تحت
وانا بشكر حضرتك جدا للاهتمام