الموضوع: تحذير من مركز صيانة شيفروليه شربين

عربيتي عملت حادثه شهر رمضان اللي فات وديتها التوكيل مشيت في اجراءات التأمين خلصت واقلتلهم صلحوا يوم 26-8-2015 جميل؟ لسه مستلم العربيه امبارح30-12-2015!!!!!
مستوى المهندسين هناك والله اقل من ميكانيكية التكاتك والله لا يفقهوا شئ
والكلام ده على مسؤليتي رامي مصطفى محمد رضا ومقدم فيهم شكوى للمركز الرئيسي ولا عبروني
ابسط الابداعات بتاعتهم بعد ما خلصوا علياوخلصوا السمكره ركبوا الماتور وجربوه قالك فيه مشكله الكرنك مكسور ولازم نفك الماتوور.....ماشي يا جهابزه فكوه
بعد ما طلعوا عيني اسبوعين قالولي تعالى استلم العربيه روحت قالولي ثانيه هنغير ما الريداتير بماء اخضر وهما بينزلو الماء نازل بزيت! ايه ياجماعه والشكمان لما تشغل وتدوس بنزين بيطلع حنفية ماء!
ايه يا جماعه مش انتوا مجربين العربيه قالوا ايوه بقالها يومين شغاله . فضلوا يتوشوشوا شويه وسابوني ومشيوا !!!!ربع ساعه ماحادش عبرني روحت قالولي الماتور هيتفك تاني فيه مشكله في وش السلندر.زعقت شويه قالولي معلش هنفكها حالا فك الوش وداه المخرطه وقاسه وكبسه وقالي لا تمام مافيش مشكله حتى الجوان طالع سليم!!
طيب فيه ايه قالولي ممكن كان الماتور مبخر مايه في علبة الشكمان والزيت من الفك وكده معلش تعالى بكره هنكرب الوش ونجربها وتاخدها.
تاني يوم اتصلت بيهم قالولي ركبنا كل حاجه بس العربيه سخنت وجابت الالمايه على الزيت ولازم نفك الماتور تالت مره فك الماتور وبعد يومين قالي معلش الماتور مش نافع عايزين ماتور استيراد!!!!
طيب الوش كله سليم اجيب النصف التحتاني الشورت وخلاص قالي لاااااااااااااااااااااااا ااااا
لازم الماتور على بعضه استاندارد
ياجماعه استاندارد ايه قالوليلازم كده
جيبت ماتور بفاضي ب 3000ج كوري بدل من الشورت بلوك ب1400ج علشان مارضيتش ازعل الاستاندارد
سيبته وروحت ثالث يوم قالوا ركبناه وتعالى استلم روحت لاقيتهم فكوا النص العلوي وركبوه في الماتور الجديد !!!
ايه ياجماعه قالي النص بتاعك شكلوا انضف!!!!!
ولبسوني 1600ج ع الفاضي طبعا مش دي المشكله لأنهم لبسوني فاتوره بثمن عربيه ماروتي مستعمله 2010
قولتلهم على ملاحظات على ما ظبطوها يلا آخذ العربيه قالوا لأ معلش الخزنه قفلت تعالى بكره ادفع الفاتوره واستلم
وطبعاتاني يوم قالولي معلش استنى اصل احنا جربناها ولاقينا مشكله في الفرامل هنظبطها والمهم اخدتها
طبعا ده والله ربع الموضوع عملوا معايا اكتر من كده في حوار السمكره.
خلوا بالكوا مافيش مستوى اصلا علشان اقيمهم واقول اقل من المستوى والله ما عندهم ابسط الفنيات
طيب والله والله لما جم يركبو السربنتينه بتاعت التكييف والله 3 فنيبن واقفين ادام العربيه مش عارفينها بتركب من ادام السدر ولا من جوه زي الريداتير وواحد قال للتاني فيه عربيه لانوس بره شوفها متركبه ازاي؟؟؟؟؟؟
والله واالله طلعت السربنتينه بتاعت افيوا ومصروفه من عندهم غلط والله على العلبه مكتوب افيو بالبنط العريض شكلهم مابيعرفوش يقرأو كمان.
والكلام ده على مسؤليتي
ولوا فيه حرف غلط خلوا راجل من عندهم يكدبني ورقمي متسجل عندهم 01018144416
شويه كده ارتاح واكملكوا ايه حصل في السمكره واخر النكت اصلي تعبت من الكتابه مش هيبأو هما وانتوا كماااان...هههههه
مش عارف والله اضحك ولا اعيط
مركز المنصور شيفروليه شربين

ربنا معاك لاتحزن هيه الناس كده للاسف