اغرب مشكلة فى برايد هتشباك 99 وارجو الرد والافادة احسن محدش من اهلى عاوز يركب العربية

**zoory** · 04-01-2016 09:42 PM

المشكلة بختصار ان فى عريسة بتتدخل العربية وطبعا بتعمل فيها حمام وبتجيب ا
بواقى عظم ولحم فاسد داخل العربية وطبعا الريحة داخل العربية لا تطاق وتقريبا بغسلها يوم ويوم المهم ان السروجى سد كل الفتحات الامامية وقى انا عملت كل حاجة ومعندكشى فتحات تانى ممكن اسدها وطبعا نفس الكلام قالو السمكرى ونفس الكلام قالو الكهاربائى وكلهم قالولى مافيش فتحات تانى . وبرضه العرسة بتدخل ومافيش فايدة قولوى اعمل اية احسن انا تعبت وقرفت من الصنيعية ومن الغسيل ومن الريحة المقرفة . والحمد لله على كل شئ . ولو فى حد ثقة ممكن يشوفهلى يبقى ياريت والف شكر لكم جميعا .

**tasaka** · 05-01-2016 08:04 AM

زمان كان معايا كيا شوما .. نفس القصه .. عرسه بتدخل ( بس بدون روائح و الكلام اللى انت قلته .. فقط الاحظ وجود عظم )

كان فيه قطع فى كاوتشه الدركسيون و صلحته .. و بصيت على العربيه كلها .. بس كانت برضه بتدخل .. شيى عجيب !!

حاول تبص على عزل كاوتشه عصايه الفتيس .. فى بعض العربيات فى فتحات البوابات للتكييف ( موش قتحه الهواء الخارجى ) ممكن تكون باسقل فى صدر حوض الموتور مثلا ؟؟ .. فيه عربيات بيكون فيها فتحه فى الشنطه لاخراج هواء الصالون .. برضه اتأكد من النقطه دى .. قتحه خروج الماء اسفل الاستبن فى الشنطه

انا رأيى .. فك الكنسول الوسطى الامامى ( ده كان المكان اللى كانت العرسه بتكون فيه عندى ) .. نظف كل شيى و رش اى مطهرات او سموم فى المكان ده .. و بعدين قفل على نظافه .. و شوف اى مكان مفتوح وراء الكنسول

و عربيتى كانت بحاله ممتازه .. يعنى مفيش كاوتش دايب او خلافه .. بعت العربيه و انا لم استطيع معرفه مكان دخولها منين .. شيئ عجيب

الملحوظه الوحيده ان العربيه ده كانت بتاعه السفر الاسبوعى .. فكانت بتتركن فترات طويله بدون استعمال ( يعنى استعمالها يوم فى الاسبوع فقط للسفر ) .. يمكن يكون ده سبب انها استوطنت عندى

و كان معايا كيا سيقيا فى نفس التوقيت ( للاستعمال اليومى ) .. الاثنين بيتركنوا جنب بعض .. العرسه لم تدخلها ابدا