الموضوع: نيسان سنترا وسيات توليدو

توليدو

سيات توليدو أفضل فى السواقة

الاتنين حلوين والفلوس فيهم حلال
انا حجزت التوليدو بعد تفكير اربع شهور ومقارنات بينها وبين الكروز والسنترا والفلوانس وكنت بايت في جروباتهم علي فيس بوك

التوليدو عربيه حكايه وبفلوس حلوه علي الامكانيات اللي فيها
التوليدو سنتين تلاته واي حد هيشتغل فيها لانها تقريبا جيتا واسكودا
اتفرج علي الجيتا النضيفه دلوقتي موديل مثلا 2008 بعد 8 سنين لسه معجزتش وشكلها محترم جدا
نفس اللي هيحصل مع التوليدو .. حافظ عليها وانت تلاقيها ماسكه نفسها ومش بتعجز
شوف احتياجاتك ايه في العربيه وعلي اساسها اابقي اختار

دي ياباني تقفيل مصري وعربيه كويسه وسمعتها حلوه بس انا مش بثق في نيسان من بعد الصني الجديده ومشاكلها مع اغلب الناس

التوليدو نازله بماتور الاسكودا A7
الليون الجديده نفس فتيس الليون الاستبترونيك مش ال dsg
كل قطع الغيار العفشه والميكانيكا فلوكس يعني موجوده رز وبتعيش اكتر

واستخير كده وان شاء الله توصل لقرار

المشاركة الأصلية كتبت بواسطة khmshry

طب الارتفاع عامل معاك ايه في المطبات والعفشه عامله ايه ناعمه ولا ناشفه
وانا شوفت فتحات بجوار نور الصالون دي عباره عن ايه في سقف الصالون وتكييفها عامل ايه قوي ولا ضعيف لاني بسمع ان الاوروبي التكييف تعبان

انا لسه مستلمتش هستلم كمان اسبوعين ان شاء الله
عموما الجروب بتاعنا علي الفيس بوك هيفيدك كتير
seat toledo owners-egy official group
الفتحات دي المفروض بتاعت المايك بس طبعا عشان ال 2016 نازله من غير بلوتوث فملهاش لازمه وبرده زرار البلوتوث في الطاره ملوش لازمه
تكيفها تمام متقلقش منه ... العربيه الماني تصنيع تشيكي كل قطع غيارها اسكودا وفولكس
العربيه علي كلام الناس ما شاء الله تحفه وناعمه طبعا بس الجنط اللي بتنزل بيه اللي هو 16 مع النقر الجامده اوي بيعمل بلالين

المشاركة الأصلية كتبت بواسطة aymanabdelwhab

انا لسه مستلمتش هستلم كمان اسبوعين ان شاء الله
عموما الجروب بتاعنا علي الفيس بوك هيفيدك كتير
seat toledo owners-egy official group
الفتحات دي المفروض بتاعت المايك بس طبعا عشان ال 2016 نازله من غير بلوتوث فملهاش لازمه وبرده زرار البلوتوث في الطاره ملوش لازمه
تكيفها تمام متقلقش منه ... العربيه الماني تصنيع تشيكي كل قطع غيارها اسكودا وفولكس
العربيه علي كلام الناس ما شاء الله تحفه وناعمه طبعا بس الجنط اللي بتنزل بيه اللي هو 16 مع النقر الجامده اوي بيعمل بلالين

هى اسبانى تقفيل تشيكى علشان الناس ماتتلخبطش.
موضوع البلالين ده سببه إنخفاض ضغط الهوا فى العجل. لو ضبطته صح زى ما الكتالوج كاتب مش حايعمل بلالين ولا حاجة.

المشاركة الأصلية كتبت بواسطة khmshry

وتكييفها عامل ايه قوي ولا ضعيف لاني بسمع ان الاوروبي التكييف تعبان

ما لهم بس تكييفات الأوروبي.
كويسين. هو تكييف الفانتازيا او الجيتا كان وحش.
أنا راكب أوروبي من التسعينات حتى الآن مافيش مشكلة مع التكييف.