ارحمونى وردو ا عليا ... فورد فيستا ولا رينو ميجان بلاى

**medo eldighady** · 16-01-2016 08:12 PM

انا مقبل على شراء سيارة وبفضل انها تكون لاسره مكونة من اربع افراد وعايز فيها شنطة واسعة وواسعة من جوه ....
المهم عجبانى الميجان شكل داخلى وخارجى و امان و قوة وثبات وامكانيات واوبشن كتير وواعة وشنطتها واسعة
شوفت الفورد فيستا عجبانى برة وجوة كتابلوه وليس وسع حاسس انها ضيقة انا مركبتهاش بس شوفتها يوتيوب شنطتها معقوله وامكانيتها حلوه وبصراحة بدات افكر فيها بجدية بعد ما فورد نزلت خصم بيوصل لتلاتين الف
المهم ... انا قلت اسال قبل ما اقررر وان شاء الله اللى هتقولوا هيفدنى

**Mohamed_abdo** · 17-01-2016 08:24 AM

ربنا معاك وحد يفيدك

**azhk** · 17-01-2016 08:44 PM

اشترى السيارة التى تجد لها فطع غيار لو احتجتها ومتكونش معقده علسان متكونش تحت رحمة توكيلات ميعرفوش حاجة الا انهم يدفعوك دم قلبك وتقدر تحولها لمال سائل اذا احتجت ذلك والسيارتان لاينطبق عليهما ايا من ذلك

**Anxs111** · 19-01-2016 05:39 AM

أنا ركبت الفوكاس كذا مرة ، عربية من أسوأ ما يمكن ....شكل جذاب علي الفاضي ....مش فاهم هما مضيقنها كدة ليه ورا وأدام .... عربيه سيئة جدا

ما بالك لو فورد فيستا بئة ....

**K.Ossama** · 20-01-2016 12:34 AM

المشاركة الأصلية كتبت بواسطة anxs111

أنا ركبت الفوكاس كذا مرة ، عربية من أسوأ ما يمكن ....شكل جذاب علي الفاضي ....مش فاهم هما مضيقنها كدة ليه ورا وأدام .... عربيه سيئة جدا

ما بالك لو فورد فيستا بئة ....

هى الفوكاس ضيقة فعلا. بس ده ما يخليهاش عربية سيئة....

**tasaka** · 20-01-2016 04:01 AM

خليك فى يابانى او كورى .. و بلاش وجع القلب

و رأيى الشخصى .. الامريكى لا يقارن نهائيا باليابانى .. و موش معمر زى اليابانى .. و افضل الامريكى من وجهه نظرى هو الفورد

انا موش عارف الناس هنا بتشتريه على ايه .. الامريكان نفسهم بييفضلوا اليابانى على الامريكى

**medo eldighady** · 20-01-2016 12:27 PM

حضراتكو كده محدش افادنى نهايا بس من كلامكو الفورد وحشة خلاص استبعدتها طب اجيب الميجان ولا اعمل ايه وم هفكر فى كورى علشان مش بطيقه ولا اليابانى عشان مش معايا فلوسه بعدين اليابانى والكورىاستعبطوا فيها اوى من الخر اعمل ايه وياريت لو حد معاه مجان او فلوانس يفيدنا

**KarimKhaled** · 20-01-2016 07:09 PM

Boss 7adretak l fiesta de minihatchback fa hya salonha dy2 f3ln shbaby msh 3a2lya bs rkoba mo7trma , l megane family hatchback fa mn gwa aws3 wl nas btshkor feha w fl tawkeel bs ll asaf msh montshra awi , lw yhemak mwdo3 l entshar ans7k enk tzwd shwia w shoof kia ceed aw seat leon dool a7sn hatch fe 7dod l mbl3' l btdwr beh 3la 3rbya

**tasaka** · 20-01-2016 09:27 PM

المشاركة الأصلية كتبت بواسطة medo eldighady

بعدين اليابانى والكورىاستعبطوا فيها اوى من الخر اعمل ايه وياريت لو حد معاه مجان او فلوانس يفيدنا

على حد علمى
و الفلوينس واخده من نيسان سنترا

ده بسبب الشراكه بين رينو و نيسان .. و لو انت بتقارن بين الاثنين فاعتقد الفلوينس احسن

لو انت بتحب رينو و ممكن تفكر تجيب مستعمل .. يبقى رينو سكالا .. هى نيسان صنى سوبر صالون الشكل القديم .. فقط تغيير فى البودى .. لا تعطل نهائيا .. و سعرها هادئ جدا

**ahmed azaizy** · 21-01-2016 03:33 AM

انا معايا رينو ميجان بلاى 2016 .. انا هتكلم عن عربيتى لأنى بصراحه معرفش الفيستا
الميجان عربيه جميله وتقريبا هى الفلوانس بس هاتش باك
انا عامل بيها 1000 كيلو فقط ولسه طبعا صعب الحكم النهائى عليها
لكن بشكل مبدأى العربيه حلوه وشنطتها معقوله جدا ومن جوه عاديه (لا واسعه ولا ضيقه)
فخمه طبعا وعاليه جدا عن الارض لدرجه مريحه جدا ومش بتحك فى مطبات الحمد لله وده كان شيئ مهم بالنسبه ليا
الموتور ناعم ولسه هينعم اكتر .. السحب هو ده اللى هيفرق انت نازل من ايه؟؟؟
انا مثلا كنت غير راضى عن السحب لأنى نازل من المانى ,, لكن بدأت اتعود عليه
انا بحس دايما انى مميز فى الشارع لأنى راكب عربيه مش منتشره (دى ميزه وعيب طبعا)
نصيحه اخيره بلاش هاتش باك اصلا لو انت مهتم اوى بسعر اعاده البيع عشان صعب جدا تلاقى حد يدفع فوق الـ150 الف فى عربيه هاتش باك .. السوق المصرى هيقولك يا عم اروح اجيب لانسر شارك الفئه التالته ولو حبيت ابيعها هبيعها فى 24 ساعه!!
اما لو انت زى حلاتى بتركب عشان تستمتع يبقى الميجان صفقه كويسه
انا تحت امرك فى اى استفسار حتى لو حابب تشوف العربيه