الموضوع: فولفو اس 80 او مرسيدس سي 200

بلاش الفولفو و الله ورق - خليك ف المرسيدس - انا كسرت واحدة s80 2015 قبل رمضان دخلت فى عربيتى النوبيرا عربيتى اتصلحت بتكاليف بسيطة و هى اتدمرت رغم ان سرعتنا كانت 60كم بس و كلفت 70000 جنيه و منعنى اصورها لانه ظابط و هرب و مدفعش تكاليف عربيتى و معرفتش اعمله محضر بس عرفته و عرفت ايه حصل لعربيته و حذرنى عشان ابعد عن سكته
http://www.nilemotors.net/Nile/468963-a.html

المشكلة ان السوق بيفرض اختيارات علي الواحد.....المرسيدس فيها فرق سعر للعرض والطلب ....يعني ممكن تجيب بي ام 320 موديل او اودي ايه 4 نفس سنة المرسيدس وارخص بكتير.....وهيه عربيات مش كبيرة برضه
فيه ناس بتنصح بالبيجو أو الاوبل....انا عاجباني الباسات اكتر لو عربية زيرو
الواحد في البلد دي لازم يجيب عربية كويسة بس مش زيرو علشان يتحمل تكاليف الصيانة وفرق إعادة البيع

بس برضه حضرتك هتدفع فعلا زيادة فى المرسيدس بس هتفضل ماسك فيها فلوس مش لما تيجى تبيع تانى تخسر جامد غير فرق الانتشار وقطع الغيار وقلة الاعطال وحاجات تانية كتير تتفوق فيها المرسيدس بجدارة وده الى مخليها ماسكة سعر عالى

الباسات مريحة بس ليها نمط قيادة خاص لتطويل عمر الفتيس الى مقلق الناس مع انة اداؤة تحفة .. العربية بفضل الله معايا من عشر شهور زى الفل بس تقيلة شوية على المطالع الشديدة اﻹنحدار لكن خاصية اوتو هولد بتحل المشكلة .. الشكل الجديد و فى جميع البﻻد مش نازل خارج اوروبا فى العام الحالى.. باسات b7 مشكلتها الى مضايقانى انها واطية على اﻷرض بتحك فى المطبات العالية غير كدة انتا بتاخد امكانات محترمة بسعر معقول

شكراً للسادة الافاضل علي آرائهم القيمة.....
أنا نظرتي لمسألة شراء عربية في مصر اختلفت مع التجارب المختلفة واللي عرفت الواحد إن الأولويات في العربية في مصر يجب أن تتماشي مع الواقع والظروف....فمثلا استعجب من المقارنات اللي بتشوف ان عربية بتتسارع من صفر ل100 في 11 ثانية ويقول انها مش الأفضل لان في عربية ثانية بتتسارع في 10 ثواني أو 9 ثواني....طبعا دي حاجات مش مهمه للاستعمال العادي بالنسبة للناس اللي مش هتحاول توصل 100 كيلو في الساعة كل يوم الصبح وهيه رايحه الشغل في عشر ثواني.....
أنا شايف إن فيه أولويات تانيه زي :
- القيمية مقابل الفلوس....ايه أحسن مواصفات اقدر أخدها مقابل المبلغ اللي هدفعه
- تكاليف التشغيل.....تكون معقولة بالنسبة للأسعار خصوصا ان فيه أنواع زي البي ام تكاليف الصيانة عالية جدا والسعر كمان بينزل
- حجم العربية.....عندي أهم من قوة الموتور اللي مش هتستخدمه كتير في الزحمة بتاعتنا...اخرك 60 كم
- الاعتمادية.....يعني عايز عربية قطع غيارها تعمر وتسافر بيها من غير قلق...
- الانتتشار.....يعني لو فيها مشكلة تلاقي ناس كتير تصلحها وتلاقي قطع غيار بسهولة

طبعا ده كلام نظري معروف عند معظم الناس....بس لما نيجي نطبقه منلاقيش عربيه يتوافر فيها الكلام ده بسهولة.....الكوري بالنسبة ليا بره الاختيارات...والأمريكاني مش متوفر وغالي علشان السي سي....يتبقي مرسيدس وبي ام واودي وباسات وفولفو

المرسيدس بتحتفظ بسعرها والباقي بيقل كتير بعد أول سنتين
المنطق بيقول عربية عدي عليها سنتين تلاتة من الماركات دي للاستفادة من اهيار السعر مع امتلاك عربية بمواصفات عالية...
ميزة الفولفو ال اس 80 ان حجمها كبير يقارن بفئة ال إي في المرسيدس وبالفئة الخامسة في البي ام
وبتاخدها باقل من سعر المرسيدس السي
بس مش لاقي حد جربها يعرف عيوبها أو اعتماديتها.....حد ممكن يقولنا؟؟

المشاركة الأصلية كتبت بواسطة wildknight3

شكراً للسادة الافاضل علي آرائهم القيمة.....
أنا نظرتي لمسألة شراء عربية في مصر اختلفت مع التجارب المختلفة واللي عرفت الواحد إن الأولويات في العربية في مصر يجب أن تتماشي مع الواقع والظروف....فمثلا استعجب من المقارنات اللي بتشوف ان عربية بتتسارع من صفر ل100 في 11 ثانية ويقول انها مش الأفضل لان في عربية ثانية بتتسارع في 10 ثواني أو 9 ثواني....طبعا دي حاجات مش مهمه للاستعمال العادي بالنسبة للناس اللي مش هتحاول توصل 100 كيلو في الساعة كل يوم الصبح وهيه رايحه الشغل في عشر ثواني.....
أنا شايف إن فيه أولويات تانيه زي :
- القيمية مقابل الفلوس....ايه أحسن مواصفات اقدر أخدها مقابل المبلغ اللي هدفعه
- تكاليف التشغيل.....تكون معقولة بالنسبة للأسعار خصوصا ان فيه أنواع زي البي ام تكاليف الصيانة عالية جدا والسعر كمان بينزل
- حجم العربية.....عندي أهم من قوة الموتور اللي مش هتستخدمه كتير في الزحمة بتاعتنا...اخرك 60 كم
- الاعتمادية.....يعني عايز عربية قطع غيارها تعمر وتسافر بيها من غير قلق...
- الانتتشار.....يعني لو فيها مشكلة تلاقي ناس كتير تصلحها وتلاقي قطع غيار بسهولة

طبعا ده كلام نظري معروف عند معظم الناس....بس لما نيجي نطبقه منلاقيش عربيه يتوافر فيها الكلام ده بسهولة.....الكوري بالنسبة ليا بره الاختيارات...والأمريكاني مش متوفر وغالي علشان السي سي....يتبقي مرسيدس وبي ام واودي وباسات وفولفو

المرسيدس بتحتفظ بسعرها والباقي بيقل كتير بعد أول سنتين
المنطق بيقول عربية عدي عليها سنتين تلاتة من الماركات دي للاستفادة من اهيار السعر مع امتلاك عربية بمواصفات عالية...
ميزة الفولفو ال اس 80 ان حجمها كبير يقارن بفئة ال إي في المرسيدس وبالفئة الخامسة في البي ام
وبتاخدها باقل من سعر المرسيدس السي
بس مش لاقي حد جربها يعرف عيوبها أو اعتماديتها.....حد ممكن يقولنا؟؟

تعرف ان ال 4 جنوط بتوع ال s80 ب 20 ألف جنيه