الموضوع: استشارة بخصوص شراء بيجو 307 استيشن من وحوش البيجو

بص ياباشا لو حضرتك مش من محبي البيجو او معندكش سابق معرفة وتعامل معاها يبقي سيبك منها
لكن لو العكس يبقي اتوكل علي الله وانت مغمض بس لازم تشتريها نضيفة وسليمة نمرة 1 يعني
قطع الغيار غالية بالنسبة للكوري والصيني اه لكن هي فرنساوي ومعمرة جدا ومنتشرة وموجودة استيراد وجديد مفيهاش مشاكل بس خليك من 2006 فيما فوق البيجو زي الالماني BMW والمرسيدس يصنف من الفئة الاولي يعني ولازم برضو حضرتك تكون تعاملها معاملة خاصة شوية من غير اهانة يعني هاتلاقيها اصيييييلة جدا لكن لو حضرتك عاوز اي عربية وخلاص يبقي بلاش منها بكل بساطة انا عملت بيها 1700 كيلو في يوم واحد Direct والعربية دايرة 16 ساعة بطلت فيهم 20 دقيقة فقط اسمع واحكم انت

شكرا ليكم علي سرعة الرد
انا فعلا عمري مركبت بيجو قبل كدا بس بصراحة العربية داخلة دماغي وبقارن بينها وبين الميجان وانا عارف ان الاوربي لازم صيانات بميعاد عن واحد متخصص وقطع غيار اصلية علشان الواحد ياخاد من العربية الاعتمادية ومتعطلشي كل شوية.
انا بس كنا عايز اغرف هل في اعطال دايمة زي الفتيس مثلا وهل ليها حل لان الموضوع الي مكتوب قديم شوية
وكنان عايز اعرف اسعار قطع الغيار لأن الميجان مثلا اسعار قطع غيارها معقولة جدا
واخيرا لو حد يعرف فرق الاوبشن بينها وبين الميجان ياريت يقلنا

يا عزيزي برضو الفتيس اعطالة مش دايمة لازم يكون حصل حاجة غلط عشان يبوظ يعني مثلا اتشخص عيب قبل كده غلط وحد افتي في الفتيس ولعب فيه او حد غير حاجة مالهاش علاقة بالفتيس اثرت عليه

احنا معانا العربية من 2008 والحمدلله حتي الان لم نشتكي من الفتيس نهائي ادخل عالفيس علي جروب بيجو 307 واسمع راي الناس اهم وشوف بعنيك وبعدين ماينفعش تقارن بينها وبين الميجان دي حاجة ودي حاجة تاني

وبالتوفيق

طيب كويس ربنا يطمنك انا كنت خايف من موضوع الفتيس دا جدا بس كدا كويس
يبقي قطع الغيار والكهرباء اية رئيك في النقطتين دول؟
ولية ماينفعش اقارنها بالميجان العربيتين نفس الفئة ونفس الموديل وكل شيء متطابق تقريبا

نفس الفئة ازاي؟؟
البيجو استيشن والميجان سيدان
البيجو سقف بانوراما وتكيف تاتش واوبشن كتيييييير ورفاهية اكتر

الميجان كمان في منها استيشن وفيها نفس اوبشن السيدان
وفيها تكيف تاتش و6 ايرباج ودرج تابلوة مبرد ومفتاح استارت انجن للمتور وسقف بانوراما والاتنين تقريبا متطابقين في كل الاوبشن
احساسي الشخصي ان جودة صناعة البيجو اعلي من الميجان يمكن دا بسبب اسم بيجو القديم في مصر
انا بس خايف يطلع فيها عيوب شائعة كتير لاني علي ما بسمع ان كهربتها معقدة جدا وبرضو عايز اعرف هل مشاكل الفتيس حاليا بقي ليها حل
واخيرا رنج اسعار قطع الغيار
وشكرا لتفاعلك معايا ومستني ردك انت وباقي وحوش البيجو

انا افتكرتك بتتكلم عالميجان السيدان عشان هي المنتشرة اكتر ومطلوبة اكتر

عموما الراحة النفسية بقي هي اللي هاتحكم في الموضوع حاول تجرب تركب دي وتقعد فيها وتمشي بيها مشوار كده وتركب البيجو وبرضو تروح بيها مشوار عشان تحس وتقدر تقيم الفرق كويس