الموضوع: أسعار بى ام دبليو x1 2016 ومواصفاتها

المشاركة الأصلية كتبت بواسطة mohaismail

هي كده اغلى من الفئة الثالثة اللى اعلى فئة فيها ب 380 الف مع ان بره الفئة الثالثة اغلى !

بالظبط

المفروض تبقى أرخص منها او بالكتير بنفس التمن

بس هما غلوها لسببين ، اولا ماتوقفش سوق التالته ، ثانيا هما عارفين ان ال suv عليه طلب اكتر عشان الإرتفاع فإستغلوا النقطه دى

المشاركة الأصلية كتبت بواسطة asarhan

يعنى الموتور ده اضعف من الشكل القديم ولا أيه ؟؟

لا بالعكس أقوى منه

الموتور القديم كان 2000 سى سى 150 حصان 200 نيوتن التسارع بتاعه 0-100 في 10.4 ث ومتوسط الإستهلاك كان 8.4 لتر لكل 100 كيلو

الموتور الجديد 1500 سى سى تربو 136 حصان 220 نيوتن التسارع 0-100 في 9.7 ث ومتوسط الإستهلاك 5.6 لنر لكل 100 كيلو ، وشغال ب 92 عادى

المشاركة الأصلية كتبت بواسطة amrmaamon

المشكله انها واضح انها فقيره قوي من ناحية الكماليات كالعاده لا حساسات ولا فتحة سقف ولا xdrive

الكماليات مش واضحه اوى عالسايت بس الفئتين sDrive مفيش دفع رباعى xDrive

وفيهم حساسات ومفيهومش فتحة سقف

المشاركة الأصلية كتبت بواسطة amrmaamon

استاذ حسام الوقتي لو بتقارن بين bmw x1 sport line و audi q3 high line ايه رأيك

العربيتين طبعا ممتازين والمقارنه بينهم صعبه ، بس في سبب أساسى هايخلينى أفضل البى ام وهو السعر

ال Q3 تعتبر Overpriced جدا لان سعر العربيتين في المانيا تقريبا واحد ، واصلا انا باعتبر ال X1 مبالغ في سعرها شويه مابالك بال Q3

بس لو السعر مش محطوط في الإعتبار هايبقى الإختيار صعب

أهم مميزات ال Q3 هي الموتور أقوى من ال X1 وتسارع أفضل وتانك البنزين بتاعها أكبر 64 لتر ، اما ال X1 تانكها 51 لتر

أهم مميزات ال X1 قاعدة عجلات أكبر وشنطه أكبر 505 لتر وإرتفاع عن الأرض 18.3 سم ، اما ال Q3 شنطتها 460 لتر وإرتفاعها 17 سم

العربيتين يشتغلوا ب 92 عادى ، البى ام مش قايلين هايأثر عالاداء ولا لأ ، اما اودى قايلين ان 92 هايأثر عالاداء ، والعربيتين تقريبا نفس إستهلاك البنزين

الاتنين جر امامى

الشكل طبعا أذواق والعربيتين شكلهم حلو

الأوبشنز معنديش فكره عنها بالتفصيل وهى نقطه مهمه في المقارنه