عملت مفتاح جديد عند السعد (عصام وسعيد سابقا)

**shaheenOnco** · 23-01-2016 02:21 PM

مفاتيحي كانت ضاعت وفيها مفتاح الريموت ستروين c4 2006
رحت للسعد اللي في ش الطيران (ليهم فرع تاني في اخر جسر السويس في عمارات التوفيقية جنب شبراوي)
غيرته ب ٥٥٠ ج
معاملتهم مش كويسه اووي
كنت سألت عند عزب حسيت ان معاملتهم احسن بس المفاتيح الجديدة كانت هاتجيلهم لسه بعد شهر
بعد ما عملت المفتاح كان عاوز ١٠٠ ج زيادة علشان اخد منه شغل!!!!
عموما الحمد لله جت بسيطة و احسن من قلق ان العربية كلها تتاخد
معلومة: المفتاح القديم هايفتح الباب عادي (مانيوال) بس مش هايدور العربيه ولا الريموت هايشتغل.. لو حبيت انه حتي ميفتح الباب هاغير الكالون بقي وشغلانه
لو حد حصل معاه كده لاقدر الله يحاول يجيب المفتاح من برا (السعودية او دبي) ويكوده عنا.. هايبقي ارخص كتيير..
الحمد لله

**lancer06** · 24-01-2016 01:45 AM

الحمد لله انها جت على قد كده
السعر فعلا مبالغ فيه
لكن قضى اخف من قضى

**pepo2011** · 24-01-2016 10:15 AM

الحمدلله هو عموما الموضوع ده بيعضرك للوقوع في زنقة مع معدومي الضمير اللي بيصطاد في المية العكرة وطبعا انت مزنوق واللي بيعملو المفتاح ده قليلين جدا وغالبا بيقول السعر حسب العربية وشياكة الزبون رغم ان خامة المفاتيح كلها واحدة بيفرق العلامة والفحمة والكارتة اللي في المفتاح بس
عموما الحمدلله انا للاسف مريت بالموضوع ده في مفتاح عربيتي BMW 318i
واحد قاللي 1000 وواحد قالي 900 وواحد قالي 500 وفي الاخر عملتة ب250 في مدينة نصر في السابع بس مش فاكر فين بالظبط لاني روحت مع واحد ظابط ومهندس من الحي فطبعا الراجل عمل الواجب