سيارة اوتو فى حدود 115 الف

**مها محمد** · 25-01-2016 03:37 PM

السلام عليكم

لقد تابعتكم لفترة غير قليله و لاحظت انكم جروب محترم جدا و علشان كده ارجو منكم المشورة
انا اريد شراء سيارة اوتو زيرو لا تتعدى 115 الف و لاحظت ان كثير بيشتكو من الافيو و انا لا احب الفيرنا
فكرت فى اللوجان 2016 و لكن اخاف من مشاكلها خاصة انى اعلم ان اهمها ارتباطنا بالتوكيل حيكون لا مفر منه فى الصيانة و قطع الغيار. افيدونى يا اهل الخبرة و شكرا

**aelsayed74** · 25-01-2016 05:06 PM

ارشحلك اللوجان لانها الافضل فى فئتها ومع اتنين زمايلى فى الشغل وبيشكروا فيها
بالنسبة للتوكيل معروف عنه انه من احسن التوكيلات فى مصر

**مها محمد** · 25-01-2016 05:22 PM

متشكرة جدا على نصيحتك حضرتك بس ايه رأيهم فى المشاكل اللى بنسمعها عن نتشة الفتيس و عن التكييف و عدم الثبات و الا دى بتبقى مشاكل فردية مش حالات عامة؟

**scientist9508** · 26-01-2016 12:47 AM

المشاركة الأصلية كتبت بواسطة مها محمد

متشكرة جدا على نصيحتك حضرتك بس ايه رأيهم فى المشاكل اللى بنسمعها عن

نتشة الفتيس

تقصدين فيتيس مانيوال أم أوتوماتيك؟ . . . لأننى قدت بنفسى السياره أكثر من مره و كان الفيتيس مانيوال و لم يكن به أى همسه . . بل كان ناعم جدآ و كأن السياره تنزلق على ستائر من حرير
. . و بصفه عامه فإن آداء الفيتيس (مانيوال أو أوتوماتيك) مرتبط بدرجه كبيره جدآ بمهارات السائق نفسه

و عن التكييف

لا أظن الشكوى عامه و أعتقد أنها حالات فرديه و يمكنك أن تتأكدى بمن يستخدم المكيف و لكن بعد تليين السياره لأن آداء المكيف قبل التليين شىء و بعده شىء مختلف تمامآ

و عدم الثبات

السياره ثابته على الملفات عند سرعه تتراوح من 100 إلى 120 كم/ساعه فى الملفات الواسعه و على الخط المستقيم من 140 إلى 160 كم/ ساعه . . و بصفه عامه لا تتوقعين منها ثبات الألمانى و لا حتى ثبات الفلوينس حتى لا تحملين السياره ما يفوق قدراتها الفعليه

و الا دى بتبقى مشاكل فردية مش حالات عامة؟

**مها محمد** · 26-01-2016 06:18 AM

انا قصدت الفتيس الاوتوماتيك . على العموم انا صليت استخارة على اللوجان وربنا يوفقنى. انا متشكرة جدا لحضرتك . و ارجو لو فى اى اختيار اخر تنصحونى بيه..

**hanyyacot** · 26-01-2016 09:37 AM

بروتون جين 2 كويسة اوى فى الفئة دى , مافيش مشاكل فى الفتيس , وثبات ممتاز , وتقدرى تعملى الصيانة فى اى مكان

**renaultstepway** · 26-01-2016 09:53 AM

ارشحلك هيونداى i10 اى نعم 1300 سى سى لكن كافة على حجمها و مريحة و اعتمادية

**AhmedSalemz** · 26-01-2016 10:01 AM

ارشحلك سيارة لادا جرانتا اوتو عربية ممتازة بس التوكيل غير جيد ولكن ممكن تعمل صيانتها عند اى حد وقطع الغيار بدات تتوفر

**مها محمد** · 26-01-2016 07:49 PM

الف شكر على الردود . كلها اقتراحات قيمة . ان شاء الله ربنا يوفقنى للصالح

**مها محمد** · 29-01-2016 12:20 PM

السلام عليكم, ناس كتير دلوقت بتنصحنى بالبعد عن الفرنساوى و خلينى فى المضمون (هيونداى) و بيرشحولى جراند اي تن بالرغم من ان امكانيتها اقل بس بيقولولى ان غبور متعودين عليه و قطع الغيار ممكن نلاقيها بره و العربية مافيش شكوى جوهرية منها. ايه رأيكم لوجان بكل امكانيتها و نخاطر و الا جراند اىتن بضعف امكانيتها ؟ اجو النصيحة