الموضوع: مشكله طبيه غريبه جدا..... و تحذير لنا جميعا

ليا واحد زميلي في الشغل شاب سنه 25 سنه تقريبا كانت عنده مشكله غريبه انه بيركب الهوا بسهوله جدا يعني لو حد لمسه مجرد لمس او حط ايده علي كتفه ينط لفوق سواء و هو ماشي او راكب عربيه او قاعد

و الموضوع ده طبعا كان مسبب له مشاكل بين زماليه اللي شايفين دي حاله اشتغاله ممتازه

من 6 شهور راح لدكتور اعصاب شرح له الحاله و الدكتور -الله يسامحه- اداله حقنه من عنده قاله ان المشكله دي هتتحل بعد الحقنه دي.

فعلا و بشكل غريب الراجل بقي عادي جدا و الحاله دي شبه انتهت . لكن المشكله بعد شهر من الحقنه المشئومه دي بدأ يفقد حواسه الشم اولا و بعدين السمع قل جدا و لاحظ ان السكر عالي جدا و بدأ ياخد علاج سكر. طبعا الدكتور نفي علاقه الحقنه دي بالاعراض اللي حصلت و مش راضي يديه اسمها او اي معلومات عنها.

فنصيحه بلاش علاجات تجريبيه لسه لم تعتمد خصوصا في الحالات غير الحرجه او ميئوس من شفائها

المشاركة الأصلية كتبت بواسطة أحمد كمال

خفة دم المصريين دي بتبهرني

واحد بيركب الهوا ...... خلاص زمايله يركبوه الهوا مرة اتنين تلاتة ..... خلاص الموضوع مابقاش دمه خفيف

بالذات لو هو بيتضايق

مرة واحد ركبني الهوا اديته بالقلم و قلت له انا كمان باهزر ...... من ساعتها بطل يركبني الهوا تاني

الموضوع كان عنده اوفر بزياده جدا. يعني لو اتهوش بس من غير لمس كان بينط في الهوا و الموضوع اتحول لاشتغاله مش مجرد هزار