الموضوع: أحذروا الاكس باندينو

مش انتا لوحدك ضيف عليهم الجيلي الامجراند 7 اللي رحت كشفت عليها في هياكل قليوب وقالولي مافيهاش صدأ في الابواب...ويشاء القدر ان السقف يقشر بعدها بسنة والاقي صدأ...والكبوت الاقي فيه صدأ ده غير ان صاجها ورق

المشاركة الأصلية كتبت بواسطة MAHMED50

ياجماعة الخير انا حبيت اشير معاكو تجربتي مع الاكس باندينو عشان اللي مقبلين على الشراء
1- انا جبت العربية في 7/2014 موديل 2014 ب 80000 جنيه يعني بقالها معايا تقريبا سنه ونص وعملت بيها لحد دلوقتي 65000 كيلو
2- بعمل صيانتها في التوكيل بتغيير الزيوت وكل حاجه
3- العربية اول سنه كانت فلة وماقدرش اقول عليها حاجة غير ان التوكيل غالي جدا في الصيانة وقطع الغيار

4- وبعد اول سنه بدات المشاكل :

المشكلة الاولى كانت في الكشافات الاماميه كنت كل شوية بغير اللمبات بتاعتهم وتتحرق لدرجة ان اخر فترة كنت بغيرها اسبوعيا وفي التوكيل يقولولي تلاقيك خدت مطبه جامد او حفرة ولما عملت مشكلة في التوكيل كشفو عليها قالولي الكشافات عايزه تتغير عشان الضفيره بتاعتهم محروقه "" طب ماقالوش من الاول ليه!!! ""
والكشاف الواحد ب 800 جنيه يعني 1600 من غير مصنعية ودا هيبقى بره الضمان عشان عديت ال 30000 طبعا انا من 20000 وانا بقولهم على المشكلة بس هما اللي ماكانوش بيكشفو على طول قلبت على الوش الرائع وشتيمه وتهزيء وصوت عالي في الاخر قالولي في الضمان تمام. وفعلا اتغيرو في الضمان.

المشكلة الاخيرة: اختصارا للوقت العربية جابت فتيس ازاي ماعرفش بس روحت بيها التوكيل قالولي دا ممكن يبقى عيب صناعة الكلام دا من نص ديسمبر ولغاية دلوقتي لسه مش لاقيين الفتيس بقالي شهر ونص العربية عندهم وكل شوية يقولو القطعة مش متوفرة في المخازن واخيرا احنا بعتنا نجيبها من الصين بقالهم شهر بيجيبوها من الصين دي لو جابوها عوم كان زمانها جت .
واخيرا نصيحة لكل واحد بيفكر في الاكس باندينو بلاش احسن ماتندم زيي زود 15 وجيب بيكانتو كوري احسنلك وابعد عن الصيني وارفه.
اللهم اني بلغت اللهم فاشهد.

الفتيس عادى ولا اوتوماتيك ؟؟؟؟؟؟!!

كلام منقول

طبعا الصين مشكوره عملت فتيس جيللى اوتوماتيك لما يعطل يترمي مهما حاولت فيه عمره ميرجع زي الآول بس بجد الحمد لله ربنا سهلها ووقعت في واحد حل المشكله من جزوره واي واحد عنده عربية جيلي ميقلقش

اهم مشكله كانت في الفتيس الاتوماتيك والحمد لله عملنلها تعديل بفتيس ياباني واتجرب ونجح جدا واي قطع غيار بنحاول نوفرها والعربيه جيللى تحافظ عليها تستحمل

انا عندي ورشة لصيانة واصلاح جميع السيارات الصينية في الجيزه
م.محمد
٠١٢٨١١٥٦٩٨

اصلاح وتعديل سيارات جيلي في مصر تعديل مواتير وفتيسات وجميع الصيانات وتوفير قطع الغيار قديم وجديد لحد ال FC MK CK1 CK2 Sparky Furta CK2 automatic وباندينو واكس باندينو
Eng.mohamed
0128115698



واحد في شبرا متخصص فتيس مانيوال اسمة تيسير صليب وده رقمة 01001440601 ارجو ان اكون قد افدتك وبالتوفيق فى اصلاح فتيسك ان شاء الله !

السلام عليكم ورحمة الله وبركاته المشكله ياحضراة مش المنتج الصينى المشكله الحقيقية فى بلدنا احنا مفيش جهاز مراقبة الجودة على الاستيراد لاى منتج من الابره للسيارة واى منتج بيدخل البلد وخلاص طالمة بيدفع الرسوم طب مافى منتجات صينى فى اوربا وامريكا ومفيش عيوب تصنيع ياحضراة العيب فينا احنا المصريين كلنا كلنا حطين قدينا فى جيوب بعض من المستورد للمستهلك للاسف كل الاسف الشعب المصرى بقى بيكره نفسه

لا ، العربيات الصيني من شركات صينيه في كل مكان سيءه، واللي بيشتريها جايبها عشان رخيصه وعارف انه مش هياخد اعتماديه. النسبه الاعظم لمبيعاتها داخل الصين. ومليانه اخطاء واحد مبتداء تصنيع.
ونفس الكلام واسواء للسيارات الهندي من شركات هنديه.ولسه من قريب واحد حب يسترخص واشتري لوط. فلاتر للفولفو معمول في الصين . وفوجيء بدوبان حشو الفلتر مع الزيت. طرمبات جاز مبتعيش ٦ شهور.
جنوط بتنكسر. العربيات البيك اب اقولك مش عارفين يعملوا متور. جابوا متسوبيشي ونقلوا للكمنز.وغيره وغيره.

المشاركة الأصلية كتبت بواسطة Mecha

لا ، العربيات الصيني من شركات صينيه في كل مكان سيءه، واللي بيشتريها جايبها عشان رخيصه وعارف انه مش هياخد اعتماديه. النسبه الاعظم لمبيعاتها داخل الصين. ومليانه اخطاء واحد مبتداء تصنيع.
ونفس الكلام واسواء للسيارات الهندي من شركات هنديه.ولسه من قريب واحد حب يسترخص واشتري لوط. فلاتر للفولفو معمول في الصين . وفوجيء بدوبان حشو الفلتر مع الزيت. طرمبات جاز مبتعيش ٦ شهور.
جنوط بتنكسر. العربيات البيك اب اقولك مش عارفين يعملوا متور. جابوا متسوبيشي ونقلوا للكمنز.وغيره وغيره.

ممكن اقولك معلومة الفيرنا اللى كل مصر راكبنها هندى وموتور هتدى لان هيونداى الكورية وقفت انتاجها من 2004 وغبور بية بيجمعها من شركة تاتا الهندية و الفيرنا مش موجودة غير فى مصر وبس واقولك الانوس كمان مش كورى دى بلغارى واقوللك اية علاقة شيفرولية الامريكية بلشيفرولية المصرى العلامة التجارية والميكروباص الشيفرولية n300 كلة صينى والاويترا صينى وليها فبديو ع اليوتيوب اسمة فضيحة شيفرولية اوبترا صينى مو2011 وبتتباع انها مو 2015 الغش زى المياه والهوا فى بلدنا

المشاركة الأصلية كتبت بواسطة mohamed desoky

ممكن اقولك معلومة الفيرنا اللى كل مصر راكبنها هندى وموتور هتدى لان هيونداى الكورية وقفت انتاجها من 2004 وغبور بية بيجمعها من شركة تاتا الهندية و الفيرنا مش موجودة غير فى مصر وبس واقولك الانوس كمان مش كورى دى بلغارى واقوللك اية علاقة شيفرولية الامريكية بلشيفرولية المصرى العلامة التجارية والميكروباص الشيفرولية n300 كلة صينى والاويترا صينى وليها فبديو ع اليوتيوب اسمة فضيحة شيفرولية اوبترا صينى مو2011 وبتتباع انها مو 2015 الغش زى المياه والهوا فى بلدنا

شوف ، الفيرنا نزلت حول العالم بمسميات تانيه زي الفيفا وغيره مش متذكر، وبتتعمل في الهند زي نيسان الصني وغيره لكن التكنولوجيا ومكونات كتيره من هونداي او نيسان او سوزوكي. في سوال ملح ، الفيرنا الهندي اللي باعت كتير كدا ، ليه تاتا منزلتش زيها باسمها ؟؟ . عشان مش عارفين
زي ما ذكرت المشكله بتحصل من شركات محليه بتصنع سياره بنفسها بدون دعم من شركات متمرسه معروفه
ايا كان مكان التصنيع ، العميل بيشتري عشان الاسم والمركه ، التاتا بتعافر الامرين عشان تبيع عربياتها بسبب تاريخ سيء.
اللي بيشتري شيفروليه الدبابه وبيعرف ويقلب العربيه
هيتاكد انها ايسوزو ايا كان مكان التصنيع وعلي هذا الاساس بيدفع فلوسه.
مبدا ان المستورد بيجيب الاسواء مش غالبا صحيح. بدليل تيوتا المكروباص هياس اللي مغرق مصر لا مرسيدس ولا فورد ولا هونداي ولا كيا سدوا معاه في نفس الفءه واعلي.
موضوع صنع في دولة كذا اصبح تاريخ ، المهم صنع بشركة كذا . دي اللي بتطمن الناس وتدفع فلوسها

المشاركة الأصلية كتبت بواسطة Mecha

شوف ، الفيرنا نزلت حول العالم بمسميات تانيه زي الفيفا وغيره مش متذكر، وبتتعمل في الهند زي نيسان الصني وغيره لكن التكنولوجيا ومكونات كتيره من هونداي او نيسان او سوزوكي. في سوال ملح ، الفيرنا الهندي اللي باعت كتير كدا ، ليه تاتا منزلتش زيها باسمها ؟؟ . عشان مش عارفين
زي ما ذكرت المشكله بتحصل من شركات محليه بتصنع سياره بنفسها بدون دعم من شركات متمرسه معروفه
ايا كان مكان التصنيع ، العميل بيشتري عشان الاسم والمركه ، التاتا بتعافر الامرين عشان تبيع عربياتها بسبب تاريخ سيء.
اللي بيشتري شيفروليه الدبابه وبيعرف ويقلب العربيه
هيتاكد انها ايسوزو ايا كان مكان التصنيع وعلي هذا الاساس بيدفع فلوسه.
مبدا ان المستورد بيجيب الاسواء مش غالبا صحيح. بدليل تيوتا المكروباص هياس اللي مغرق مصر لا مرسيدس ولا فورد ولا هونداي ولا كيا سدوا معاه في نفس الفءه واعلي.
موضوع صنع في دولة كذا اصبح تاريخ ، المهم صنع بشركة كذا . دي اللي بتطمن الناس وتدفع فلوسها

صديقى الحبيب لا تقارن المصريين كشعب او تفكير باءى شعب فى العالم مش كده ولا ايه ؟؟!!نحن متفردون!!؟؟