الموضوع: موضوعين هايجننوني في الفيرنا

مساء الخير علي المنتدي الجميل
انا معايا فيرنا 2009 يادوبك عامله 27 الف كيلو
يعني مشاويري بيها قليله جدا
بس عندي مشكلتين
1- ان العربيه في الشتا مش بتتحرك كتير وكل اسبوع بسخنها بس لاحظت و بقالها كام مره الصبح بس وانا بدورها هي بتدور عادي جدا بس بعد اول دقيقه او قبلها او بعدها العربيه تحس انها هاتطفي و تكركب مني وصوتها يعلي و بعد كدا الصوت و الكركبه يروح الكركبه والصوت دول بيقعدوا مثلا دقيقه او اكتر او اقل .. الميكانيكي البروح عنده بيقولي بوجيهات مع اني لسه مغيرهم في ال 23 الف كيلو و هو قالي بس علشان البرد الشديد دا ولازم تتسخن كل 3 ايام عالاكتر انا لسه ماجبتش بوجيهات جديده بس حبيت اعرف ايه السبب لان مش عايز اجيب حاجه واركنها
2- صوت صادر من الفرده القدام زاي عصافير بيبان لما اسرع شويه الصوت قبل كدا راح بعد الغسيل و كان تمام خالص بس مشيت في مره علي طريق وحش و كله زلط ورمل وميه علشان كان لسه هايترصف والصوت ظهر تاني بعديها ... هل ممكن تكون وساخه عالتيل ولا تكون جلب مقصات او بلي لان اعتقد لو الحاجه دي بايظه كان الصوت يفضل ظاهر و مايسكتش لكن بعد الغسيل بيروح و يرجع تاني وساعات مايرجعش
ياريت ياجماعه تفيدوني في الموضوعين دول
شكرا جدا

تم الكشف عالفشه واتغيرت فيها جلب مقصات و ميزان و بيض صغير وكبير
بس حاسه بيشتغلني بس العربيه حاسسها ثبتت شويه و الصراحه الصوت راح هو قالي الجلب اتشققت و فعلا كانت متشققه بس البيض مافهمتش فيه لان بيقولي وهو بيحركها بعد مافكها من المقص ان حركتها بقت طريه اوووي انا مافهمش اوووي عالعموم انا كان بقالي 6 سنين ماغيرتش حاجه و العربيه ماشيه 26 الف كيلو