تقرير الالف كيلو لـ هيونداى توسان 2017

**Hossam Hemdan** · 09-02-2016 02:31 AM

الطريق الدولي الساحلي
اولا: السياره المظهر العام رائع ملفت للنظر .
التقفيل هايل والدهانات والطلاء ممتاز.
التابلوه يميل الي البساطه بشياكه بس قريب جدا من كل سيارات هيونداي الحديثه بصفه عامه..خاماته ممتازه وتقفيله كويس..بس طبعا فقير الي حد ما شويه بالنسبه للسعر ككماليات طبعا..سقف البانوراما حكايه الصراحه..احساس تاني خالص مع الفتح والقفل الكهربائي مريح جدا.شكل السياره مش محتاج ديفيندرات الصراحه..ممكن بس النواكل للشبكه الاماميه والخلفيه.
ثانيا: المحرك 1600 مش ضعيف نهائي علي حجم السياره وخصوصاانها سياره عائليه واللي يقولك غير مده يبقي بيضحك عليك..انا ركبت التويوتا الفورتشنر 2700..مش فارقه كتير عن تجربه.
ثالثا: الثبات .ممتاز جدا في الملفات وعند الفرامل الفجائيه مع الفرامل واعتقد اللي هيحس بيها قوي اللي معاه الهاي لاين.محربتش الفئات الاولي واللي هيعمل اختبار منهم ياريت يعرف الناس.
رابعا: العزل ممتاز..مع السرعه مش حاسس باي هوا ولا صوت محرك..
خامسا: العفشه ناعمه جدا مقارنة بالسيارات الكروس الاوفر زي ماقولنا قبل كده مش مقارنه باي عربيه سيدان..كذلك الثبات...وتحس بنعومة السياره اكتر مع استبدال هواء الاطارات بنيتروحين بيفرق جدا مع نعومة العفشه.طيعا علي ظبط 35.
سادسا: النظام الصوتي بخلاف ان الكاسيت مش تاتش وشاشه وده من فقر السياره الا انه النظام الصوتي جميل جدا مع تظبيط التون والاصوات علي مزاجم من التابلوه..
ده اختبار مبدئي برضه وياريت محدش يجرب يرفع سرعات عاليه الابعد ال1000 كيلو بعد مرحلة التليين..انا عملت الاختبار ده بعد اول 1000 كيلو ووصلت ل185 كم/س
قبل ماروح اعمل الصيانه الاولي...والعربيه كان سحبها عالي..بس مرضيتش اعلي بالسرعه اكتر من كده الا لما اعمل الصيانه.
سابعا:مثبت السرعه هايل ودقيق مع الشاشه الديجيتال بتاعة السرعه..

**عﻻء سالمان** · 09-02-2016 05:02 AM

مبروك

**Mecha** · 09-02-2016 06:50 AM

هيونداي توسان اوtucson
لا مجال للمقارنه مع تويوتا فورتشنر fortuner
Fortuner مبنيه علي فريم هايلكس
والهايلكس افضل بيك اب لتويوتا للحجم المتوسط وناجحه جدا جدا.التكسون عربيه مريحه ومرفهه لكن كروس اوفر ومش هتستحمل زي فورتشنر
المقارنه زي كيا بستا مع تويوتا هياس في الميكروباص
تحياتي

**man1974** · 09-02-2016 02:38 PM

ألف مبروك يا باشا

أشتريت بالسعر الرسمي من الوكيل ولا دفعت أوفر برايس لمعرض؟

ومدة الحجز كانت قد إيه؟

**Abdoelfeky** · 11-02-2016 01:45 PM

هي العربية فيها عداد سرعات ديجيتال

**Hossam Hemdan** · 14-02-2016 07:25 PM

سعر الوكيل الرسمي..مدة الحجز شهر كانت شهر
التبلوه فيها شاشه 4.2 بوصه فيها كل حاجه ...وبتختار الوضع اللي انت عاوزه من استهلاك البنزين او شاشه ديجيتال للسرعه

**man1974** · 15-02-2016 05:44 AM

المشاركة الأصلية كتبت بواسطة hossam hemdan

سعر الوكيل الرسمي..مدة الحجز شهر كانت شهر
التبلوه فيها شاشه 4.2 بوصه فيها كل حاجه ...وبتختار الوضع اللي انت عاوزه من استهلاك البنزين او شاشه ديجيتال للسرعه

ألف مبروك، ولك جزيل الشكر