الموضوع: استفسار بخصوص نيسان صنى الشكل القديم 2015

المشاركة الأصلية كتبت بواسطة ahmed9003

السلام عليكم ورحمة الله وبركاته

انا معروض عليا عربية نيسان صنى الشكل القديم اكس صالون 2015 وعايز اعرف كام حاجة عنها :

اولا : هل العربية فيها نظام إيموبليزر ضد السرقة

ثانيا : العربية مافيهاش فرامل abs بس هل ممكن اركبوه فى التوكيل وبكام

ثالثا هل الموديل دا فيه عمود او قضيب الاتزان الامامى

رابعا : هل تنصحونى بأى شئ تانى بخصوص العربية والموديل دا للناس اللى جربته

وجزاكم الله كل خير

العربية مفيهاش ايموبوليزر لكن فيها (NATS (Nissan Anti Theft System يعني من اراء الاعضاء انها مش ممكن تتفتح الا بمفتاحها وانا سالت في التوكيل عن هذا النظام قالوي روح للبيع ...روحت للبيع قالولي انها مش ممكن تتفتح الا بمفتاحها ...اعتقد اني مفهمتش حاجة برضه ..

العربية فعلا مفيهاش ABS ولو ركبتهم هيكلفوك جامد جدا جدا جدا..الناس فاهمه ان ال ABS بيساعد على قوة الفرملة ..ال ABS مهمته ان يخلي العربية متقلبش لو مشيت على ارض مزحلقة زي مياه او زيت او رملة يعني بيطول عمر الفرملة كانك بتكارك بالظبط ..

العربية مفيهاش عمود اتزان .ممكن تركبه في التوكيل يكلفك جوالي 1600 ج او تركبه مستعمل هيكلفك نصف القيمة ديه تقريبا

بالنسبة لنصيحتي ليك بالنسبة للموديل ده:
العربية عفشتها ناعمة جدا وشكلها جميل لكن صوتها عالي وباور تقيل واستهلاك بنزين عالي وكنبة ضيقة
انا رايي المتواضع فكر في السنترا ..

متابع

المشاركة الأصلية كتبت بواسطة mummy_47

العربية مفيهاش ايموبوليزر لكن فيها (nats (nissan anti theft system يعني من اراء الاعضاء انها مش ممكن تتفتح الا بمفتاحها وانا سالت في التوكيل عن هذا النظام قالوي روح للبيع ...روحت للبيع قالولي انها مش ممكن تتفتح الا بمفتاحها ...اعتقد اني مفهمتش حاجة برضه ..

العربية فعلا مفيهاش abs ولو ركبتهم هيكلفوك جامد جدا جدا جدا..الناس فاهمه ان ال abs بيساعد على قوة الفرملة ..ال abs مهمته ان يخلي العربية متقلبش لو مشيت على ارض مزحلقة زي مياه او زيت او رملة يعني بيطول عمر الفرملة كانك بتكارك بالظبط ..

العربية مفيهاش عمود اتزان .ممكن تركبه في التوكيل يكلفك جوالي 1600 ج او تركبه مستعمل هيكلفك نصف القيمة ديه تقريبا

بالنسبة لنصيحتي ليك بالنسبة للموديل ده:
العربية عفشتها ناعمة جدا وشكلها جميل لكن صوتها عالي وباور تقيل واستهلاك بنزين عالي وكنبة ضيقة
انا رايي المتواضع فكر في السنترا ..

طيب راي حضرتك بما ان حضرتك فاهم في الصني هو الشكل القديم اللي موديل من 2009 الي 2012 ايه اخباره في الثبات علي السرعات في السفر وهل الفتيس الاوتوماتيك بتاعها كويس ولا فيه مشاكل ارجو الافادة ؟

المشاركة الأصلية كتبت بواسطة theman

طيب راي حضرتك بما ان حضرتك فاهم في الصني هو الشكل القديم اللي موديل من 2009 الي 2012 ايه اخباره في الثبات علي السرعات في السفر وهل الفتيس الاوتوماتيك بتاعها كويس ولا فيه مشاكل ارجو الافادة ؟

الموديلات القديمة من النيسان صني الناس بتشكر فيها جدا ..خصوصا ان التقفيل المصري بدأمن 2006 تقريبا ...وفيه منها ياباني ياباني ...وكانت فيها سوبر صالون وده بيكون فيه جنوط سبور ومرايات ضم على ما اعتقد وABS وابانوس ....اما الموديلات الحديثة فيها EX Sallon فقط ومفيهاش الكماليات السابقة وتقفيل مصري ..
بالنسبة للثبات فثباتها كويس جدا بالرغم من ارتفاعها عن الارض وبالنسبة للسفر طبعا ممتازة لكن الكراسي متعبة شوية وديه حلها التنجيد واعادة فرشها ..وطبعا فتيس الياباني ممتاز شرط المحافظة عليه وتغيير الزيت في مواعيده......

المشاركة الأصلية كتبت بواسطة mummy_47

الموديلات القديمة من النيسان صني الناس بتشكر فيها جدا ..خصوصا ان التقفيل المصري بدأمن 2006 تقريبا ...وفيه منها ياباني ياباني ...وكانت فيها سوبر صالون وده بيكون فيه جنوط سبور ومرايات ضم على ما اعتقد وabs وابانوس ....اما الموديلات الحديثة فيها ex sallon فقط ومفيهاش الكماليات السابقة وتقفيل مصري ..
بالنسبة للثبات فثباتها كويس جدا بالرغم من ارتفاعها عن الارض وبالنسبة للسفر طبعا ممتازة لكن الكراسي متعبة شوية وديه حلها التنجيد واعادة فرشها ..وطبعا فتيس الياباني ممتاز شرط المحافظة عليه وتغيير الزيت في مواعيده......

طيب معلش اخر سؤال الصني 2011 و 2012 السوبر صالون لو مانيوال تبقي كويسة ولا لا واستهلاك البنزين بتاعها كويس ولا زي الاوتوماتيك اصل انا بفضل المانيوال اكتر بصراحة

المشاركة الأصلية كتبت بواسطة theman

طيب معلش اخر سؤال الصني 2011 و 2012 السوبر صالون لو مانيوال تبقي كويسة ولا لا واستهلاك البنزين بتاعها كويس ولا زي الاوتوماتيك اصل انا بفضل المانيوال اكتر بصراحة

اكيد هتكون كويسة ان شاء الله شرط الحالة والفحص كويس.. واستهلاك البنزين مش هيفرق كتير ...لكن ليه بتخاف من الاوتوماتيك ..الاوتوماتيك مريح جدا جدا ...الناس كلها بتجيب اوتوماتيك عشان ميجلهاش (قلو) في رجلها من كتر الزحمة والنقل ما بين اول وتاني ....جمد قلبك وهاتاوتوماتيك ومتخافش