مقارنة محيرة جداااااا والتصفية النهائية بين اللانسر والمازدا 3

**eng muhammad** · 09-02-2016 10:56 PM

السلام عليكم با أجدع منتدى...
عملت من يومين مقارنة بين مجموعة عربيات والتصفية النهائية دلوقتي بين اللانسر 2007 او 2008 1600 cc والمازدا 3 موديل 2007 و 2008 العربيتين عاجبني جدا ومحتاج اعرف مميزاتهم وعيوبهم بالتفصيل علما بأني دورت في أسعار قطع الغيار للعربيتين لقيت المازدا مش أغلى من اللانسر بل بالعكس في حاجات اللانسر أغلى فيها من المازدا.. فهل الكلام دة فعلا صحيح؟ وترشحولي ايه منهم مع العلم اني مش بغير العربية كتير يعني احتمالية اني ابيع العربية تاني هتكون قليلة.. مستني ردودكم لأنها مصيرية بالنسبالي

**AlphaCharlie** · 10-02-2016 02:32 AM

والله اللانسر كانت معايا حوالي 5 سنين وكان الملاحظة ان اسعار قطع غيارها غالية فعلا بالنسبة للاصلي وللاستيراد. لكن الكوري والتايواني الجديد رخيص.
لكن ياريت نعمل مقارنة بينها وبين قطع غيار مازدا لان المعروف عنها انها غالية

**eng muhammad** · 10-02-2016 12:22 PM

أفيدوناااااا يا أهل الخبرة أكرمكم الله

**eng muhammad** · 10-02-2016 08:06 PM

هل من مجيييب

**lancer06** · 11-02-2016 04:48 AM

بص يا فندم
الماذدا عربيه محترمه واشد من اللانسر من ناحيه الاداء وسرعه التجميع والاوبشن
لكن هتيجى تحسبها صح انتشار اللانسر اوسع بكتير
اداء معقول جدا رغم انها تعتبر ( فقيره ) شويه من ناحيه الاضافات يعنى بسعر ال ١٦٠٠ منها (الفاضيه ) بواحد ايرباج وكاسيت عادى شرايط وجنوط حديد والاصدار دا اسمه كلاسيك
تقدر تشترى مازدا ثرى اتنين اير باج وفتحه سقف وبصمه
تمام
كل واحد بيختار اللى يناسبه واللى محتاجه من العربيه ولولا اختلاف الازواق لبارت السلع
اركب العربيتين وحدد انت ميال لإيه
الاتنين يابانى والاتنين ممتازين
ولو عجبتك المازدا مفيهاش حاجه لما تضحى بقطع غيار غاليه شويه لكن عمرها طويل
ولو عاوز عربيه مريحه واعتماديه وبتاعت شقى مش ترفيه واعطال بسيطة يبقى لانسر
اعمل برده استخاره وتوكل على الله