مساعدة في اختيار خزان مياة

**غريب** · 10-02-2016 12:54 AM

السلام عليكم
كيف حالكم
انا كنت عايز اشتري خزان مياة يكفي 4 اسر نظرا لانقطاع المياة الدائم كل يوم لاكثر من 4 ساعات
عايز من حضراتكم تنصحوني بالاتي:
1- أفضل ماركة خزان مياة في مصر ايه وياريت الاسعار لو أمكن وارقام للتواصل
2- كام ليتر يكفي 4 أسر طن ولا أكثر ولا كام بظبط
3- هل هو عملي ولا ملوش لازمة يعني هيتعبني في التنظيف وخلافة ولا في أنواع جيدة بتحافظ علي المياة فية
4- أفضل فترة لبقاء الماء في الخزان يعني نستهلك المياه الي فية خلال كام يوم وطبع المياة هتكون مش للشرب للاستخدام العادي فقط

وجزاكم الله خيرا

**salam100100** · 10-02-2016 01:28 PM

انا هجاوب على قد معلوماتى

انسب مكان لشراء الخزانات السبتيه (خلف اركيديا)

واحد متر مكعب (1 طن) يكفى لاسره واحده (4 افراد) لمده اقل من يوم (تقريبا 450 جنيه)

السطح محتاج تجهيزات لاستقبال الخزان (مكان سهل للصيانه- محتاج يكون على مستوى اعلى من السطح- صرف احتياطى كصرف المطر فى حاله الطوارئ والتسريب)

اقتراح:
استخدام الخزان دائم وليس عند انقطاع المياه فقط - استخدام خزانين واحد الحكومه تملاه والتانى الموتور بيملاه
يعنى الخزان يملى من مياه الحكومه والشقق تسحب مياه من الخزان, لما مستوى المياه فالخزان تقل عن منسوب معين, يرجع الموتور يشتغل ويملى الخزان تانى

بكدا المياه مش هتكون راكده فالخزان وصالحه للطبخ والشرب

العيوب السائده للخزان
فالصيف المياه سخنه جدا والعكس سحيح
محتاج يتعقم كل من 3-6 اشهر

**ali ashraf** · 10-02-2016 03:13 PM

المشاركة الأصلية كتبت بواسطة salam100100

انا هجاوب على قد معلوماتى

انسب مكان لشراء الخزانات السبتيه (خلف اركيديا)

واحد متر مكعب (1 طن) يكفى لاسره واحده (4 افراد) لمده اقل من يوم (تقريبا 450 جنيه)

السطح محتاج تجهيزات لاستقبال الخزان (مكان سهل للصيانه- محتاج يكون على مستوى اعلى من السطح- صرف احتياطى كصرف المطر فى حاله الطوارئ والتسريب)

اقتراح:
استخدام الخزان دائم وليس عند انقطاع المياه فقط - استخدام خزانين واحد الحكومه تملاه والتانى الموتور بيملاه
يعنى الخزان يملى من مياه الحكومه والشقق تسحب مياه من الخزان, لما مستوى المياه فالخزان تقل عن منسوب معين, يرجع الموتور يشتغل ويملى الخزان تانى

بكدا المياه مش هتكون راكده فالخزان وصالحه للطبخ والشرب

العيوب السائده للخزان
فالصيف المياه سخنه جدا والعكس سحيح
محتاج يتعقم كل من 3-6 اشهر

انا مركب خزان 1 متر و بيعدى 10 او 15 يوم بدون استخدام و ساعات افضيه على الفاضى بالنسبة للغسيل بجيب واحد كل 6 شهور بيغسله بالصابون و بس و ده مش تعقيم كلام حضرتك عن التعقيم قصدك مثلا لتر كلور او برمنجنات مثلا و طبعا الخزان مش للشرب و لا الطبيخ فقط للحمامات و الغسيل الخ

**abokoko** · 10-02-2016 06:35 PM

الخزان الحديد مخلفن احسن
وبيتدهن بريمر مانع للصدا من الخارج
وبيدهن برايمر او طلا المراكب المانع للصدا علي اماكن اللحام من الداخل
وبيتعمل له طبه بمحبس من اسفل علشان لما يتغسل تفضي منه مياه الغسيل
وبيتركب له عوامه من الداخل علشان يفصل المياه لما يمتلي عند التعبئه
بيجمعه اللحام اعلي السطح
يعني بيجيب الصاج المجلفن ومعاه مكنه لحام ويجمعه ويلحمه اعلي السطح في مكانه
وبيتوضع علي قوالب طوب تخليه عالي علشان يعزله عن السطح لو في ما او مطر وكمان علشان تنزل تحته وتفتح محبس تنزيل المياه عند غسله

2 طن كلفني 1350 جنيه والعوامه بحوالي 75 غير المحابس واجره السباك والمواسير

فيه منه تخانات للصاج تقريبا 1.2و 1.5 مللي و ممكن اكتر
مش فاكر اللي عندي كام ملي

ميزته عن البلاسيتك عمره اطول وحد ممكن ينزل جواه يغسله بدون خوف من كسره وكمان ممكن تركب له قفل

**غريب** · 12-02-2016 02:17 AM

المشاركة الأصلية كتبت بواسطة salam100100

انا هجاوب على قد معلوماتى

انسب مكان لشراء الخزانات السبتيه (خلف اركيديا)

واحد متر مكعب (1 طن) يكفى لاسره واحده (4 افراد) لمده اقل من يوم (تقريبا 450 جنيه)

السطح محتاج تجهيزات لاستقبال الخزان (مكان سهل للصيانه- محتاج يكون على مستوى اعلى من السطح- صرف احتياطى كصرف المطر فى حاله الطوارئ والتسريب)

اقتراح:
استخدام الخزان دائم وليس عند انقطاع المياه فقط - استخدام خزانين واحد الحكومه تملاه والتانى الموتور بيملاه
يعنى الخزان يملى من مياه الحكومه والشقق تسحب مياه من الخزان, لما مستوى المياه فالخزان تقل عن منسوب معين, يرجع الموتور يشتغل ويملى الخزان تانى

بكدا المياه مش هتكون راكده فالخزان وصالحه للطبخ والشرب

العيوب السائده للخزان
فالصيف المياه سخنه جدا والعكس سحيح
محتاج يتعقم كل من 3-6 اشهر

متشكر جدا لرد حضرتك
لكن انا هيكون استخدامي لية محدود يعني مثلا 4 ساعا تفي الويم او اكثر قليلا وعبارة عن استخدام الحمام والوضوء عشان كدا اعتقد طن يكفي

كنت عايز اعرف اسم شركة يكون حد جربها تكون كويسة
انا سالت عن شركة اسمه اسينا استارز قالولي سعر الطن ب 800 جنية وال 2 طن 1350 ايه رأي حضرتك في الاسعار دي

**غريب** · 12-02-2016 02:19 AM

المشاركة الأصلية كتبت بواسطة abokoko

الخزان الحديد مخلفن احسن
وبيتدهن بريمر مانع للصدا من الخارج
وبيدهن برايمر او طلا المراكب المانع للصدا علي اماكن اللحام من الداخل
وبيتعمل له طبه بمحبس من اسفل علشان لما يتغسل تفضي منه مياه الغسيل
وبيتركب له عوامه من الداخل علشان يفصل المياه لما يمتلي عند التعبئه
بيجمعه اللحام اعلي السطح
يعني بيجيب الصاج المجلفن ومعاه مكنه لحام ويجمعه ويلحمه اعلي السطح في مكانه
وبيتوضع علي قوالب طوب تخليه عالي علشان يعزله عن السطح لو في ما او مطر وكمان علشان تنزل تحته وتفتح محبس تنزيل المياه عند غسله

2 طن كلفني 1350 جنيه والعوامه بحوالي 75 غير المحابس واجره السباك والمواسير

فيه منه تخانات للصاج تقريبا 1.2و 1.5 مللي و ممكن اكتر
مش فاكر اللي عندي كام ملي

ميزته عن البلاسيتك عمره اطول وحد ممكن ينزل جواه يغسله بدون خوف من كسره وكمان ممكن تركب له قفل

شكرا جدا علي معلوماتك القمية دي
وهفكر في الصاج الملجلفن وهشوف هينفع ول الاء

**غريب** · 12-02-2016 02:48 AM

يا جماعة انا محتاج حد يقولي اس ماركة تكون كويسة ومجربة ومشهورة عشان اشتري منها الخزان لو امكن

**Mecha** · 12-02-2016 02:57 AM

ياريت ايضاح ازاي تتعقم مية الخزان
الخزان الافضل ، البلاستيك زي بولي بروبلين وهي نفس خامة مواسير الميه وبتركب عليه كل التجهيزات عوامه وممكن اتوماتيك
الخزان الحديد المجلفن منصحش بيه نهاءي . الميه بتاكل طبقة الجلفنه والصدا يبتدي . وتحس بطعم الحديد اللي هو معدن تقيل بيتلف الكلي.بالاضافه ان الجلفنه-الزنك- ليس افضل حالا

**abokoko** · 12-02-2016 01:09 PM

المشاركة الأصلية كتبت بواسطة mecha

ياريت ايضاح ازاي تتعقم مية الخزان
الخزان الافضل ، البلاستيك زي بولي بروبلين وهي نفس خامة مواسير الميه وبتركب عليه كل التجهيزات عوامه وممكن اتوماتيك
الخزان الحديد المجلفن منصحش بيه نهاءي . الميه بتاكل طبقة الجلفنه والصدا يبتدي . وتحس بطعم الحديد اللي هو معدن تقيل بيتلف الكلي.بالاضافه ان الجلفنه-الزنك- ليس افضل حالا

في البحر الاحمر التانك الحديد اللي هو صاج مجلفن هو المنتشر و هو الاعم هنا
غالبا الطدا بيبدا من مناطق اللحام ما بين الواح الصاج المجلفن او رايش واثار اللحام اللي بتلزق علي الصاج المجلفن
لكن الصاج المجلفن نفسه معمر جدا وبالذات التخانات الاكبر في المللي
كمان العمر الافتراضي للتانك الحديد كبير مقارنه بالتانك البلاستيك لان الاخير بيتكسر او بيشرخ
كمان التانك الحديد كنت بنزل جواه بنفسي واغسله من الداخل بس السن حاليا لا تسمح
كنان البلاستيك مع عدم النظافه بيربي طحالب وانا شفتها بنفسجزا اللحام في الحديد او حتي التانك كله ممكن يسال في كيماويات البنا الحديث ويشتري من ندهم دهان مانع للصدا ومضاد للبكتريا

**طارق _عبد السلام** · 12-02-2016 02:53 PM

انا عندى خزان البولى ايثيلين تقريبا هو كان واحد صديق مرشحه لى 750 لتر خفيف جدا كنت شايله لوحدى بدون مجهود...وراكب عندى من سنتين ومفيش طحالب اطلاقا ومفيش تسخين للمياه فى الصيف بالعكس المياه بتنزل منه بارده..وسعره كان لايتعدى ال500 جنيه