فلوانس ولا سيراتو؟

**egyptian_lady** · 10-02-2016 10:52 AM

السلام عليكم
أنا أول مرة اعمل موضوع هنا .. بس محتارة جدا ونفسي حد بيفهم في السيارات يساعدني.

بعد ما بصيت على النت وفي بعض المعارض محتارة بين رينو فلوانس وكيا سيراتو
أنا عاجباني فلوانس اكتر بس في ناس بيقولولي انها حاتخسر كتير لما تتباع بس ده مش مهم اوي بالنسبة لي، الي مخوفني اكتر بصراحة انها عريضة اوي وخايفة ماعرفش اسوقها.

المشكلة اني عايزة عربية عائلية وده الي مخليني بافكر فيههم

ياريت تساعدوني

**hanyyacot** · 10-02-2016 10:57 AM

الفلوانس عربية ممتازة وعناصر الامان فيها عالية , فى اعادة البيع مش هاتنزل اوى زى مانتى متخيلة وليها سوق وطلب عليها دلوقتى , وان كان السيراتو لسه افضل فى اعادة البيع , الفلواني مش عريضة اوى ولا حاجة , هاتتعودى على ابعادها بعد اسبوع بالكتير ولكن فى المقابل هاتديكى وسع كبير فى الصالون و الشنطة , وعالية عن الارض مهما كان فيها حمولة , يبقى فقط ان الانتريور بتاع السيراتو احلى من الفلوانس بس مش بفرق كبير ودى وجهات نظر برضه. هاتى الفلوانس وهاتستمتعى فعلا وماتخافيش , انتشار العربية كويس جدا دلوقتى.

**pepo2011** · 10-02-2016 11:08 AM

Fluenceeeeeeeeeeeeeeeeeee

ممنوع إستخدام اللون الأحمر حيث أنه مخصص للمداخلات الإدارية
م.ع 7

**yasser100** · 10-02-2016 01:02 PM

هو الموضوع ده طبعا من ضمن المقارنات اللى قتلت بحثا في المنتدى....لو عملتى بحث هنا هاتلاقى المقارنات .

و لكن عموما ...الفلوينس اكتر امانا و اكتر ثبات على الطرق السريعه و السرعات العاليه و عفشه قويه لا تتأثر بسهوله في التحميل و لكن زى ما قولتى ابعادها اكبر من السيراتو ... عربية سفر اكتر من استخدام مدن هاتقابلك بعض المشاكل في الشوارع الضيقه و الركنه بسبب ابعاد العربيه .
إعادة البيع للفلوينس السعر اتغير تماما من وقت نزول الفلوينس 1 كعربيه بدون مشاكل نسبيا و حتى الفلوينس الفيس ليفت الان بعد تطوير الموتور و الفتيس و التكييف من شركة نيسان اللى هيه و رينو شركه واحده و ده طبعا زاد اعتمادية الفلوينس و لكن ما زال سعر إعادة البيع في صالح السيراتو كسوق يحكمه مزاج المستهلك .

في رايي الفلوينس شكلا افخم و دى طبعا ازواق .....صالون الفلوينس كخامات محترم و يغلب عليه الطابع الاوروبى الفرنسى من منظور انه كل الاوبشن موجوده بدون زحام لعين السائق و برضه دى اختلاف لوجهات نظر من شخص لاخر .
التوكيل جيد جدا و هو نفسه توكيل كيا .
و ربنا يوفق للخير :)

**borio1704** · 10-02-2016 07:12 PM

من وجهة نظري... الفروق بين الاتنين مش كبيرة..

الاتنين كوري
الاتنين ليهم نفس الحجم تقريبا ... داخليا وخارجيا
الأوبشنز في الاتنين متقاربة جدا..
بس أنا طبعا ميال للسيراتو بحكم إنها معايا بقالها أكتر من سنتين... وما اشتكتش منها أبدا... بل بالعكس... مبسوط بيها جدا.

عموما...مميزات السيراتو اللي أنا شايفها كما يلي:

موتور السيراتو أقوى بفرق 15-20حصان

فتيس السيراتو 6-سرعات مش CVT (أنا بعتبر ده ميزة قوية جدا)... والفتيس أداؤه كويس جدا وهو نفسه بتاع الهيونداي إيلانترا...
بس مش متأكد بصراحة إذا كانت الفلوانس فيها الفتيس الcvt بتاع النيسان... وحتى ده كمان من أسوأ ما أنتجت نيسان للأسف.. ومشاكله مسمعة هنا في السعودية.

اعتمادية السيراتو أفضل من الرينو... حتى وهي فيها موتور النيسان... ﻹن اعتمادية نيسان أصلا مش متقدمة.. بغض النظر عن كونها شركة يابانية.. بس الاعتمادية العالية المعروف بيها الياباني محصورة حاليا في 3 شركات بس... تويوتا وهوندا ومازدا بالترتيب.

والحقيقة إن الاعتمادية هي اللي بتحدد سعر إعادة البيع.. ﻹن ببساطة كده.. محدش بيجيب عربية مستعملة وهو عارف إنها هتقرفه بمشاكلها..

بالنسبة لارتفاع العربية عن الأرض.. فأنا شخصيا ما حصلش معايا موقف لاحتكاك العربية بالأرض خالص... ومعظم اللي معاهم السيراتو محدش اشتكى منهم في النقطة دي على عكس السيراتو اللي قبلها.

آخر حاجة... لو نويتي عالسيراتو.. فالأفضل بدون شك تجيبي الفئة الفول أوبشن أو اللي قبلها.. لإن الاستاندارد منها متشال منه كمية حاجات ما ينفعش تتشال أصلا.

لو لسه محتارة.. رأيي تشوفي العربيتين على الطبيعة وتقعدي جواهم الاتنين.. حاجة زي كده ممكن تخلي رأيك يتحول للعكس تماما..

وخدي نظرة على الموضوع ده بالمرة

http://www.nilemotors.net/Nile/329150-a.html

...

**Hany Saad** · 13-02-2016 12:47 PM

طبعاً لو هنتكلم على مصر مش الخليج:

الفلوانس تتفوق عن السيراتو فى الأتى:

1- السيراتو بتحك فى شوارع و مطبات مصر و خصوصاً مطبات الأهالى او لو العربية محملة فى المطبات العادية، على عكس الفلوانس تماماً مش هتحسى بأى مشاكل من الناحية دى
2- الفلوانس كعفشة و أتزان هتحسسك بأمان ليك و لأسرتك و هى أفضل بكثير من السيراتو فى هذه النقطة
3- صاج الفلوانس و طلائه أفضل من السيراتو بكثير (ما عدا الأكصدام)
4- منظومة فرامل الفلوانس أفضل كثيراً من السيراتو (توجد شكاوى كثيرة من تاكل تيل و طنابير السيراتو و هى فى الضمان)

السيراتو تتفوق على الفلوانس فى الأتى:

1- موتور ناعم متناغم مع الفتيس و أفضل فى السحب من الفلوانس

كمشاكل و اعتمادية:

نفس الشىء فى الأتنين، مفيش أى مشاكل متكررة فى ايهم

سعر اعادة بيع:

افضل فى السيراتو نتيجة لسمعة الجيل السابق فقط و كمية مبيعاته

بالنسبة لفتيس الفلوانس ال Xtronic CVT ،مفيش أى مشاكل ظهرت منه لا فى مصر و لا فى الخارج...المشاكل كانت فى أجيال قديمة من ال CVT قبل التطوير، مش فى الجيل الحديث او ما يطلق عليه Xtronic CVT و هو موجود فى السيارات الأتية: نيسان قشقاى، نيسان تيدا، نيسان سنترا، نيسان جوك و الكثير دون أى مشاكل متكررة

حجم العربية مقارب للسيراتو، يمكن أكبر حاجة بسيطة و لكن الفرق لا يذكر

بالتوفيق

تحياتى

**Hany Saad** · 13-02-2016 02:51 PM

للأسف فيه مشكلة مزمنة فى فرامل السيراتو الجديدة، و لم تحل حتى الأن....صوت الفرامل ده شكوى عامة من ملاك السيراتو، التوكيل بينظف و يرجع الصوت تانى بعد فترة قصيرة.....طبعاً حتى لو ملهوش تأثير ميكانيكى فمش معقول أكون راكب عربية زيرو تمنها فى حدود ال 200 الف جنيه و أعد اسمع صوت فرامل بتحك و أروح كل شوية أنظفها دون جدوى او حل نهائى مع الأخذ فى الأعتبار ان التيل و الطنابير فابريكة أصلى، فما بالك بقطع ال after market

فيه للأسف عضو غير تيل و طنابير و رجعت المشكلة تانى بعد 1500 كم من التغيير...طبعاً ناهيك عن عدم توافر قطع الغيار بالسرعة المطلوبة:

http://www.nilemotors.net/Nile/447999-a.html

أتمنى حل المشكلة نهائياً

تحياتى

-

-

-

الموضوع: فلوانس ولا سيراتو؟

LinkBack

أدوات الموضوع

عرض

-

-

-

-

-

المواضيع المتشابهه

فلوانس اول فئه 155 ولا سيراتو خليجي abs abd

كروز سيراتو فلوانس

رينو فلوانس امكيا سيراتو

فلوانس vs سيراتو vs النترا

كيا سيراتو ام رينو فلوانس

الكلمات الدلالية لهذا الموضوع

المفضلات

المفضلات

ضوابط المشاركة