الموضوع: الحمدلله انضميت لعائلة الاسبورتاجية

نسيت اقولكم طبعاً ناس كتير هاتقولي طيب كنت انتظرت الشكل الجديد طيب كنت شفت التوسان هي طبعاً ازواق الشكل الجديد الحقيقة شفتة علي النت والتوكيل لم يفصح بميعاد نزول السيارة الأسواق دي حاجة الحاجة التانية شايف انها هاتنزل غالية في ظل ارتفاعات الدولار الحالية وممكن اول فئة مثلاً تبقى علي الأقل 260 الف ولقيت كمان الشكل الحالي بالنسبة لي كويس وعاجبني وسعرة هايرتفع مع نزول السيارة الجديدة باسعارها العالية ومش هايكون في منها زيرو دي حاجة .. نيجي للتوسان طبعاً العربية ضخمة جداً علي نفس الموتور هوهو بتاع الآي اكس والاسبورتاج طبعاً هايبقي ضعيف عليها جداً بشهادة تجار كتير والعربية للأسف مفيش إقبال عليها وموجودة في جميع المعارض وشكلها من الإمام شبة الكريتا تماماً طبعاً في الأول والآخر ازواق وراحة نفسية لأن العربية زي الشقة لازم تكون مرتاح نفسياً ليها غير كدة مش هاتشتريها .. ولولا اختلاف وجهات النظر لتلفت السلع

المشاركة الأصلية كتبت بواسطة omar sarray

الف الف مبروك يا استاذى العزيز وربنا يكرمك ويباركلك فيها يارب ويسعدك فيها انت وناسك واهلك واحبابك ويسترها عليك من كل مكروهه وشر تقبل مرورى

امين يارب شكراً لدعواتك الجميلة ولزوقك ربنا يكرمك

المشاركة الأصلية كتبت بواسطة colin chapman

طبعاً جميلة وزي الفل الكلام هنا هاتبقي بكام وهاتنزل أمتي ومدة الحجز اد اية والاوفر بتاعها هايبقي كام .. لأن الشكل الموجود الحالي الي الآن ببتباع باوفر كبير الي الآن .. وربنا يوفق الجميع

المشاركة الأصلية كتبت بواسطة hosam_optrawy

الف الف مبروك واحسنت الإختيار

طيب حضرتك ماسألتش في التوكيل ؟ يعنى لو حد عايز يحجز في التوكيل ينفع ولا خلاص الحجز على الشكل الجديد ؟

واسعارها ايه في المعارض دلوقتى الفئه الأولى والتانيه

والف مبروك مره تانيه

الله يبارك فيك وسعدت بمرورك بالنسبة التوكيل لا يوجد حجز نهائي ولا للشكل الحالي ولا الجديد ولا افصاح منهم عن ميعاد نزول الشكل الجديد للسوق .. وبالنسبة للفئة الثانية غير موجودة نهائي موجود الفئة الأولى في بعض معارض وتصافي يعني لونين فقط الموجودين ابيض واسود ولا يتعدى 10 سيارات في مصر كلها بس الحقيقة ربنا كرمني بالفئة التانية بعد تعب ولف كتير جداً وكان سعرها 260 والأولى في ناس بتقول 237 الي 240