الموضوع: نصيحة للمسافرين الى الخارج

المشاركة الأصلية كتبت بواسطة hilal

بوست مهم ورد الى على الفيس يخص المسافرين الى خارج البلاد
رايت ان اخبركم بمضمونه للعلم فقط:

على حضرات السادة المسافرين خارج ‫#‏مصر‬ قراءة البوست التالى: -
البنوك غيرت قواعد ومحددات التعامل بالعملات الاجنبية فى اول فبراير الجارى. كنت بتروح البنك تاخد بالالف دولار والاتنين بموجب التأشيرة وتذكرة السفر. دلوقتى البنك حايماطل فيك ولازم تتخانق علشان تاخد 500 دولار. وغالباً لو انت مش عميل او ماحدش موصى عليك, حاتاخد صابونة. ده بالنسبة لقبل السفر, تعالى بقى بعد ماتوصل بالسلامة. طبعاً حاتستخدم كروت الإئتمان. خد عندك بقى!

مش حاتسحب كاش من ماكينات الصراف الآلى برة بأكتر من 200 دولار فى اليوم! والجديد انهم غير الـ 3% فايدة على المبلغ المسحوب ورسوم استخدام ماكينة السحب, اللى هى حوالى 25 ج.م, فيه بقى عمولة تحويل جديدة 3.5%. ممكن تسحب كاش اربع مرات بس فى اليوم. وبرضة آخرك الـ 200 دولار!

نيجى للمشتريات | مسموحلك بعشر مشتريات يومية فقط! يعنى انت مزنوق ما بين كاش مش معاك وعمليات إئتمانية محدودة! دى حلها يبقى معاك اكتر من كارت او تسافر فى مجموعات وتخمس فى المصاريف. حايتحسب عليك نفس عمولة التحويل اللى فوق وسعر الفايدة لمبلغ المشتريات, ده غير فايدة الساحب Merchant Interest لو بتستعمل كارت إئتمان (خصم-مباشر). اما لو بتستعمل كارت Debit فا آخرك بالعملة مايعادل 16000 جنية حتى لو فى حسابك اللى يكفى وزيادة. وبرضة هما العشر مشتريات فى اليوم!

لو انت بقى حاتطول برة مصر, خد بقى القاضية. العشر مرات دول مش معناهم 300 مرة فى الشهر. ليك حد اقصى 150 مرة شراء باستخدام الكارت سواء Debit او Credit طول الشهر!

تعالى للتجارة الإليكترونية | مشترياتك على الانترنت مش حاتعدى الـ 6000 ج.م يومياً, يعنى بسعر النهاردة 660 دولار. حتى لو رصيدك يكفى. ده ممكن يعملك مشكلة قبل السفر اساساً.

الزتونة |
1) الـ 200 دولار اللى حاتاخدهم من المكنه, قبل ماتمسكهم فى ايدك حايكونوا اتحسبوا عليك بـ 1888 ج.م غير الفوايد! يعنى, بفرض انك حاتسدد فى نفس اليوم, الدولار واقف عليك برة بـ 9.45 جند سعر النهاردة!

2) معتادى السفر اللى كانو بيدفعوا برة تذكرة القطر وفلوس التاكسى والمتاحف والسينمات وكله كله بالكارت, الكلام ده خلاص. حاول تشوف بقال جنب الفندق تعمل عندة ابونية!

3) مافيش طريقة اقتصادية لتمويل نفقاتك خارج مصر من مدخرات محلية فى الفترات الطويلة. الـ 150 مرة شراء دول ممكن يجوعوك بجد. ومن ناحية تانية مش كل البلاد بتسمحلك تفتح حساب بنكى محلى لو انت زائر. اذا حاتسافر فترة طويلة خد جزء من مدخراتك وحطة فـ اى بنك فى جزر الكنارى!

4) علشان تاخد تأشيرة اصلا بتكون مضطر تحجز الفندق والطيران, غالباً بتعمل كدة عن طريق الانترنت. المبلغ المتاح ليك مايكفكيش تحجز عشر تيام فى فندق بسعر الليلة 70 دولار – اللى هو متوسط السعر فـ اوروبا- وبالتالى ممكن يسخفوا عليك فى السفارة ومايدوكش غير تأشيرة 9 تيام. وطبعاً 6000 جنية دول, لوبتحجز بيهم طيران اونلاين, مايودوكش تنزانيا.
الحل تتعامل مع شركات السياحة, اللى طبعاً حاتستغل الفرصة وتعورك.

*تتغير المبالغ واسعارالفائدة بحسب البنك

رحلة سعيدة! وتروح وماتجيش بالسلامة.

رحلة سعيدة! وتروح وماتجيش بالسلامة.

hilal

من تجربتي مع بنك مصر واكتر من مرة ورغم حصولي التاشيرة وعندي حساب في البنك رفضو يصرفولي ولو دولار واحد ، الكلام ده اتكرر مرتين في السنتين اللي فاتو ، فكده كده البنوك الحكومية ماشية بمزاجها ما بالكم بوضع زي دلوقت وازمة الدولار!

ahmed_eng2001

من نفس البوست يا استاذ هلال qnb قلل من 3000 لى 2000 فقط و البنك الاهلى و مصر نفس الليميت بتاع زمان الى ماتب البوست بيتعامل مع hsbc و هو بس الى قلل الليميت ل 250 للعملاء بتوعه نقرا الخبر كله عشان مفيش قرارات طلعت دى البنوك بتحافظ على الى عندها حاليا لان المضووع هيبقى صعب اوى بعدين

للأسف لا اريد ان اكون كالغراب الناعق على الاطلال و لكنى قد ذكرت هذا السيناريو البغيض المزعج و احسن وصغ له هو التخبط و التردد و القرارات العشوائية , خبر تقييد الصرافة على البطاقات الاتمانية قرأته بعينى على اكثر من موقع اقتصادى متخصص و تم رفعها من على النت !!! و السيد محافظ البنك المركزى ينفى بشدة و جسارة يحسد عليها اى نية لخفض قيمة الجنية المصرى ( طب بامارة ايه) و الخبر الوحيد عن البطاقات الاتمانية فى اليوم السابع فقط و هو ان بنك مصر يفكر فى تقيد الصرف على البطاقات الاتمانية بدون تفاصيل عموما ساحاول البحث عن المعلومات و التى سبق نشرها و " رفعت " من على النت ز و بالمناسبة هو مين اللى رفعها ؟

في سياق متصل، قال مصدر مصرفي بالبنك المركزي، «إن مصرفه لم يصدر تعليمات بفرض إتخاذ إجراءات جديدة لإتاحة الدولار للعملاء الأفراد، بغرض السياحة والسفر من البنوك (الكاش)، أو من خلال بطاقات الدفع الإلكترونى والمشتريات والتسوق بالخارج».
وأضاف المصدر، الذي فضل عدم ذكر اسمه، أن تعليمات «المركزي» السارية هي إتاحة النقد الأجنبى بمبالغ صغيرة في حدود المتاح لديها من موارد دولارية، مع إعطاء الأولوية لتلبية احتياجات السفر للتعليم والعلاج.
يأتي هذا في الوقت الذي بدأت بعض البنوك بالعاملة بالسوق المحلى مؤخرا، واتخاذ تدابير لترشيد إتاحة الدولار للعملاء الأفراد، من خلال تعديل حدود «الكاش» المسموح به أثناء السفر للخارج، وكذلك تقليص استخدامات البطاقات المدينة والدائنة، عند السحب النقدي والمشتريات.
ومن أبرز البنوك التى عدلت حدود «الكاش» لأغراض السياحة والسفر، البنك الأهلى المصري، وبنك «HSBC»، والبنك العربي الإفريقي الدولي، وعودة، وبلوم، والمشرق، كما تم تغيير محددات استخدام بطاقات البنك الأهلي المصري بالعملة الأجنبية، اعتبارا من أول فبراير 2016، ونص الرسالة التى تلقاها عملاء البنك 11 فبراير الجاري، وسط تأكيدات بتطبيق محتواها من أول الشهر الحالي.
وخفض البنك الأهلي المصري، الذي يعد أكبر البنوك الحكومية مؤخرا، حدود تغيير العملة بنحو ألف دولار، ليوفر لعملائه ألفين دولار، بدلاً من 3 آلاف.
كما قلص البنك الأهلي في مطلع فبراير الجاري، حد السحب اليومي لإستخدام بطاقات الخصم بالخارج من ما يعادل 8 آلاف جنيه، إلى 1600 فقط، أي ما يقارب 200 دولار، بالإضافة إلى زيادة عمولة السحب والمشتريات على تلك البطاقات، بما يزيد عن 1% لتصل لنحو 3.5% للمشتريات، مقابل 2% في السابق.
وأكدت مصادر، في تصريحات لـ«المصري اليوم»، أن البنك التجاري الدولي، يدرس أيضا تغيير محددات استخدام بطاقاته الإئتمانية بالعملة الأجنبية، وكذلك حدود تغيير العملة للمسافرين من عملائه لأغراض السفر والسياحة.
في الوقت نفسه، أكد مصدر رفيع المستوى بالبنك التجاري الدولى، عدم صدور تعليمات من البنك المركزي فى هذا الشأن، مضيفا: «أن كل بنك يتخذ قراراته حسب ظروفه والمتاح لديه من موارد النقد الأجنبي لاسيما الدولار».
من جانبه، أكد فتحى السباعي، رئيس بنك التعمير والإسكان، أن تلبية احتياجات العملاء المسافرين للخارج من الدولار، تأتي حسب المتاح من الموارد بكل بنك، وتتراوح بين 2000 إلى 5000 آلاف دولار للعمل بشرط وجود تذكرة وجواز السفر.
وأضاف «السباعي»، في تصريحات لـ«المصري اليوم»، «أن تعليمات البنك المركزي فى هذا الشأن تقتضى بإتاحة الدولار بمبالغ صغيرة لتلبية الاحتياجات».
انتهى النقل , هذا الخبر نشر على المصرى اليوم امس الاثنين 16 فبراير , المشكلة فى تصريحات البنك المركزى و سعر الدولار اللى اقل من سعر السوق ب 130 قرش ......السؤال الان احنا رايحين على فين ؟ ربنا يستر

ومين عاوز ذل البنك ، مبلغ علي فيزا اكترون . اشتري دولار من بره ومعاك لحد 10,000 دولار كاش في جيبك.انزل البلد الجديده افتح حساب وطلع كارت في المطار.