الموضوع: بسأل على اسعار قطع غيار و سمركة اكسنت ار بي (استيراد او جديدة)

السلام عليكم و رحمة الله و بركاته
لو سمحت انا عندي اكسنت ار بي 2012 (فضي)و الـbody اتهلك مني بس هي بصراحة عربية اصيلة و قولت بدل ما ابيعها اجددها بس انا مبحبش افاصل مع صنايعية من غير ما اعرف الاسعار في العموم و جيت هنا كالعادة عشان النصيحة و اعرف متوسط الاسعار
دلوقتي انا عايو اغير الاكصدامين لو استيراد يعمل كام و لو جديد بس ميكونش توكيل ولا برده يكون تعبان اوي بين البينين يعملوا كام؟
الرفرف شمال يعمل كام استيراد و كام جديد و الاقيه فين ؟
الفانوس الخلفي يعمل كام ؟ و ايه الافضل استيراد و لا جديد
كمان مكنة المية بتاعت المساحات الاقيها فين بره التوكيل و بكام؟

---------------------------------------------------------------------

اخر حاجةالسمكرة , انا سمعت عن ورشة نايل موتورز اللي في الحرفيين تبع كريم منير على ما اعتقد بس انا عايز اسئل بشكل مبدأي انا عارف انه لازم يشوف العربية عشان يحدد التكلفة لكن تقريبا كدة لو عايز اظبط السوكة اللي فوق الكوتش الشمال خلفي يعمل من كام لكام؟
و العتب هل العتب ينفع يترد حتى لو هيترش بس من غير ما ارش البيبان؟ وارده احين و لا اجبله cover احسن ولا الاتنين وده يعمل كام تقريبا و ده كام ؟

انا عارف ان محدش يعرف يحدد الاسعار بس انا عايز اسعار تقريبية بس مش اكتر و تحتمل الزيادة او النقصان
وشكرا ليكم جداً