الموضوع: رينو ميجان بلاي ولا سيات ليون 1600 سي سي؟

المشاركة الأصلية كتبت بواسطة عقرب عجوز

بعيدا عن ان الرينو ماركة محترمة جدا وتوكيلها الي من احسن التوكيلات الموجودة وقطع غيارها المتوافرة واسعارها المعقولة . سيبك بقا من كل دة
طبعا النظام بتاع abs+ebdعاملين شغل جامد
العربيه و اسعه من جوه و شيك جدا التابلوه و كمان عاليه من علي الارض ودي ميزه كبيره عشان المطبات و العفشه مريحه جدا و العربيه روعه في الملفات بشكل كبير و العزل بتاعها روعه مش بتسمع اي صوت علي الطريق و الاوبشنز الي فيه كل حاجه من درجه حراره الجو استهلاك بنزين التكيف مش قوي زي الياباني بس مش سي برضو وبصراحة مشوفتش حد اشتكي من عيب جوهري فيها ودليل علي كدة انتشارها ف الشارع المصري بجد عربية ف الجون

كلام سليم تماماً و ضيف كمان إن السيات فيها مشكلة الفتيس ال dsg الأوتوماتيك اللي هي أسخف مشكلة في كل العربيات التي تنتمي لمجموعة فولكس فاجن زي فولكس و سيات و سكودا , و لا أعتقد إن في أي حد ممكن يشتري عربية جديدة مانيوال في الزمن و البلد دي.
بالإضافة إن العربية فعلاً أوسع و سعر إعادة البيع للرينو أفضل بمراحل من السيات.
توكل على الله و خلص في الرينو و مش حتندم إن شاء الله.
و ربنا يوفقك.

المشاركة الأصلية كتبت بواسطة nabiiiiil

انا عايز اعرف مين احسن في الثبات و التوكيل و قطع الغيار متوافرة ولا لا مش اكتر

بالنسبة لموضوع الثبات فدي نقطة في صالح السيات فعلاً و لو إن ثبات الرينو ممتاز إذا ما قورن بأي سيارة أخرى و لكن عند المقارنة بالسيات فالوضع مختلف , ولكن فكر بطريقة تانية , كم هناك من الطرق تسمح ليك بالجري للدرجة التي تحتاج معها إلى ثبات عالى , مش كتير و في الحالة دي إنت محتاج عربية عالة عن الأرض تساعد في عدم الحك في المطبات و تريحك من النقر اللي مالية الشوارع و موجودة حتى على الكباري.
أما بالنسبة للتوكيل و توافر قطع الغيار فالنقطة دي كلها في صالح الرينو بدون جدال , و ضيف على كده كمان أسعار قطع الغيار أفضل من السيات بمراحل.