شراء سنترا أم فلوينس 2016

**Khalid Idris** · 28-02-2016 09:46 PM

السلام عليكم ورحمة الله وبركاته

كنت محتاج من حضراتكم مساعدتي في المقارنة ما بين السنترا الهاي لاين 2016 والفلوينس e3 الفول أوبشن 2016.
أيهما أقوى وأفضل في كل شيء خصوصا وإن المحرك والفتيس واحد في السيارتين؟

شكرًا جزيلا مقدمًا؛؛

**hatemfox2005** · 28-02-2016 10:19 PM

من غير تفكير فلونس طبعا

**Khalid Idris** · 28-02-2016 10:47 PM

المشاركة الأصلية كتبت بواسطة hatemfox2005

من غير تفكير فلونس طبعا

شكرًا على ردك يا أ. حاتم، بس ممكن أعرف ليه تحديدا؟
اي الأسباب الي تخلي الفلوينس تتفوق على السنترا؟

**Yehya Badr** · 29-02-2016 12:25 AM

1) أنها تفقيل تركي متجرب في مصر لسنين
2) عفشة فرنسية قوية جدا و ثابتة علي الطريق
3) خامات أنضف
4) توكيل محترم عن نسيان اللي لسه مش عارفه تحل مشكلة الفرامل مع الصني الأقل تعقيدا من السنترا !
5) أنتشار اكبر و قطع غيار متوافرة اكثر

**Khalid Idris** · 29-02-2016 01:24 AM

معذرة لو كان الموضوع نُشر في القسم الخطأ!
يمكن لمشرفي القسم نقله إلى قسم المقارنات إذا أرادوا..

بارك الله فيكم.

**cupid** · 29-02-2016 01:27 AM

متاااااااابع

**salam100100** · 29-02-2016 08:23 AM

المشاركة الأصلية كتبت بواسطة Yehya Badr

1) أنها تفقيل تركي متجرب في مصر لسنين
2) عفشة فرنسية قوية جدا و ثابتة علي الطريق
3) خامات أنضف
4) توكيل محترم عن نسيان اللي لسه مش عارفه تحل مشكلة الفرامل مع الصني الأقل تعقيدا من السنترا !
5) أنتشار اكبر و قطع غيار متوافرة اكثر

"نسيان اللي لسه مش عارفه تحل مشكلة الفرامل مع الصني "
http://www.nilemotors.net/Nile/479899-a.html

**Yehya Badr** · 29-02-2016 01:04 PM

المشاركة الأصلية كتبت بواسطة salam100100

"نسيان اللي لسه مش عارفه تحل مشكلة الفرامل مع الصني "
http://www.nilemotors.net/nile/479899-a.html

حضرتك أن المعلومة دي من صاحب عربية نيسان صني 2016 عاملة 5000 كم و قالي باللفظ " الفرامل مش بتجمع معاك بسرعة فلو حصل موقف لا قدر اللة مس حتسعفك " يبقي مش عارفين حتي الأن يحلوا المشكلة مع عربيات زيرو !!!! و علي رأي المثل " أبعد عن الشر و غنيله" لما الصني البسيطة لسه فيها الشكلة و هي داخلة علي سنتين إمال السنترا حتكون أية ! فأبعد عن المخاطرة و التفقيل المصري المعروف يسوء جودته !

**أحمد عثمان** · 29-02-2016 08:09 PM

الفلوانس سيارة بكل المقاييس أفضل من السنترا من ناحية الوسع أو العلو عن الأرض أو الفخامة و الأوبشنز.
النقطة الوحيدة اللى هي فعلاً في صالح السنترا هي نقطة الثبات على الأرض و دي مردود عليها بأن كم طريق في مصر تقدر تجري عليه بطريقة تحتاج فيها ثبات عالى على الأرض , ده ناهيك إن ثبات الفلوانس مش وحش و لكن إحنا بنقارن بالسنترا هنا.
نصيحتي ليك خليك في الفلوانس لأنها في المجمل عربية أفضل.
و على فكرة الفلوانس دى أساساً مش فرنساوي , دي من إبداعات شركة سامسونج الكورية.
و كمان ماسكة سعر كويس أوي في البيع و قطع الغيار منتشرة و متوفرة نظراً لانتشار العربية.
توكل على الله و هات الرينو.
ربنا يوفقك.

**salam100100** · 01-03-2016 08:29 AM

المشاركة الأصلية كتبت بواسطة yehya badr

حضرتك أن المعلومة دي من صاحب عربية نيسان صني 2016 عاملة 5000 كم و قالي باللفظ " الفرامل مش بتجمع معاك بسرعة فلو حصل موقف لا قدر الله مس حتسعفك " يبقي مش عارفين حتي الأن يحلوا المشكلة مع عربيات زيرو !!!! و علي رأي المثل " أبعد عن الشر و غنيله" لما الصني البسيطة لسه فيها الشكلة و هي داخلة علي سنتين إمال السنترا حتكون أية ! فأبعد عن المخاطرة و التفقيل المصري المعروف يسوء جودته !

فى ملاك بيشتكوا من الفرامل وفى ملاك ثانين بيشكروا فالفرامل
مين فيهم اللى على حق؟
الاثنين
الاستطلاع مؤشر لاراء ملاكها- كل واحد يقراه ويحلله بطريقته

طيب السنترا ايه اخبارها ؟ مفيش معلومات كتير عنها (عشان جديده)
وجهه نظر "إمال السنترا حتكون أية" صحيحه الى اثبات قدارتها الحقيقيه
بدون معلومات كافيه منقدرش نحكم بنجاح عربيه من عدمه
ممكن نتوقع لكن منقدرش نجزم

الفلوينس لها مشاركات كتير على عكس السنترا ودا فى مصلحتها للمشترى لكن دا لا يعنى انها اكفء من السنترا
مينفعش تقارن عربيه بقالها 5 سنين بعريه لسه جديده