دايو نوبيرا 2 محتاج المساعدة

**pepo2011** · 17-03-2016 08:19 AM

دي مشكلة كهربا دينامو وشحن
ولما تنور النور العالي هاتحصل نفس المشكلة
تابع الكهربا الاول

**mora_f** · 17-03-2016 08:59 AM

شكرا لرد و متابعة حضرتك انا هاحطها على الجهاز انهارده وهشوف ايه اللي هيحصل و بعدين اوديها لكهربائي يقيس الشحن

**pepo2011** · 17-03-2016 09:08 AM

بالظبط

**mora_f** · 19-03-2016 08:21 AM

حطيتها على الجهاز يوم الخميس و الفنى قالي قراءات الحساسات سليمة بس كمبيوتر العربية مأخر في الأستجابة لهذه القراءات ده اثناء دوران العربية و بعدين بطل و عمل ريستارت للكمبيوتر و جرب قياس كل حساسا علي حدة و العربية مبطلة و بعدين قالى الكمبيوتر ممكن يظبط لو شيلت فيشة سالب البطارية من بلليل للصبح و جرب و محصلش حاجة و كمان قالي انت عايز تغير ماتور قلب طرمبة البنزين ارجو من خبراء قسم الدايو الأفادة في موضوع تأخر الكنترول في الأستجابة للحساسات

**asas630** · 06-04-2016 04:33 PM

المشاركة الأصلية كتبت بواسطة mora_f

ليه لما برفع زرارين الزجاج الأمامي فقط ال ار بى ام بينزل شوية ويطلع (بيلعب يعنى) ممكن من المتخصصين يفدنى في المشكلة دى و شكرا لكم جميعا

راجع علي ارضي العربية والمشكلة تتحل

**mora_f** · 07-04-2016 08:56 AM

شكرا لرد حضرتك اراجع عليه ازاى انا وديتها لكهربائي و قالى ده طبيعي انا ماكينة الزجاج لما الزجاج يوصل للأخر تاخد من عزم الماتور وده طبيعي بس انا مش مصدق الكلام ده لأن العربية بتعمل حاجة غريبة مرة تدور وتبقي كويسة و مرة تانية تبقى مبرجلة و مخنوقة و مش بتسحب و صوت الماكينة عالى و مش لاقى حد يقولى حل للمشكلة دي

**hisham343** · 29-04-2016 08:04 PM

العربيات اللي فيها كمبيوتر بيتعملها ايدل ليرن عن طريق اجراء معروف ومذكور قبل ذلك بعد فصل كابل البطاريه لتجديد برمجة الكمبيوتر
عيب انخفاض الكهربا مع وجود حمل كهربائي سببه ان قواطيش البطاريه مش نضيفه او مش مربوطه كويس او ان ارضي العربيه مش مضبوط راجع علي ارضي العربيه كويس