شورا عليا ياريس ولا أفيو ولا بيرسونا ولا اوبترا ولا ميجان ولا لوجان

**محمد يحيى** · 07-03-2016 01:50 PM

بعد السلام عليكم ورحمة الله وبركاته
أنا نويت إن شاء الله أني اغير النوبيرا خلال الفترة الجاية
وعايز أشتري عربية موديلها مش أقل من 2007 ومش أعتقد إن الموديل ها يزيد عن ال 2010
لأن أنا حدودي تصل الى 75000 كأقصى تقدير مش أكتر من كده
عايز عربية تكون كبيرة نسبيا لأني واخد على كبر النوبيرا و تكون وسائل الأمان متاحة بشكل كنت مفتقدة في النوبيرا زي فرامل abs ووسائد هوائية إن أمكن - وعربية مشاكلها صيانتها وقطع غيارها معقولة - وإعادة بيعها مقبول - وتكون سيارة قيمة كعلامة تجارية
ففكرت في بعض الموديلات من خلال مواقع بيع السيارات
ومحتاج مشورة من الخبراء
كيا سيراتو الشكل بتاع 2006
هيونداي نيو أكسنت
تويوتا ياريس 2006 -2007
شيفرولية أفيو 2009
شيفرولولية أوبترا 2010
بروتون بيرسونا 2009
رينو ميجان 2007 : 2009
رينو لوجان 2010
أنا متحير بصراحة أنا أولوياتي سيكة فخامة يعني طابلوة يعجبني أشعر بالحداثة
والأمان طبعا

**محمد يحيى** · 07-03-2016 02:18 PM

وف يال هيونداي ماتريكس ال 2007
ملحوظة نسيت أكتبها ياريت تضعها في الحسبان
السيارة ها تقطع كل يوم حوالي 90 كيلو رايح جاي للشغل يعني مفترض تكون سيارة شقا وتستحمل
و ده معناه اني ها اغير سيور وبلي و حركات كتيير كل سنة او سنة ونصف بسبب اني بأعمل كيلومتر كتيير فعايز عربية مشاكلها صيانتها وقطع غيارها معقولة حاجة معقولة مش نفخ
عايز عربية تكون كبيرة نسبيا لأني واخد على كبر النوبيرا غير انها سيارة العائلة يعني السفر ها يكون بيها و تكون وسائل الأمان متاحة بشكل كنت مفتقدة في النوبيرا زي فرامل abs ووسائد هوائية إن أمكن
وكل اسبوع ها تكون محملة 4 على الكنبة خلال الزيارات العائلية يعني المفترض تكون كنبة واسعة ومريحة
كل ده وأنا طماع عايز عربية عادة بيعها مقبول - وتكون سيارة قيمة كعلامة تجارية

**hanyyacot** · 07-03-2016 02:34 PM

اعتقد الاوبترا هاتكون مناسبة لاحتياجاتك بس انا مش عارف فيها abs و لا لأ , بعد الاوبترا اعتقد البيرسونا هاتبقى كويسة وامان معاك فى السفر

**محمد يحيى** · 07-03-2016 02:44 PM

شكراً للمشاركة
ومنتظر باقى الاراء

**volociximab** · 07-03-2016 05:19 PM

ياريس
الكورى القديم متهالك
الافيو و الاوبترا اقل من اليابانى فى الاعتمادية
اختيارى حسب الاعتمادية_لو ممشاها و استخدامها نظيف
بقيت السيارات لا اعرف عنها شيئا
الامان فى اليارس ضعيف و المحرك صغير

**miam0502788391** · 07-03-2016 05:31 PM

تيجو 2000 سى سى افضل اختيار لحضرتك
والله الموفق

**fares_311** · 07-03-2016 06:34 PM

من ا للي قلت عليهم بيرسونا وسيراتو شكل قديم

**محمد يحيى** · 08-03-2016 09:24 AM

ألف شكر للمشاركة.. وأرجو المتابعة
الان من خلال ترشيحاتكم وترشيحات خارج المناقشةالاختيارات أصبحت محصورة بين :

ال سيراتو 2009 الشكل القديم
لانسر بومة 2007
هيونداي النترا 2006

وجزاكم االه خيراً