الموضوع: محتار بين ماروتي ٢٠٠٩ واسبيرانيزا ٢٠٧

هل من مجيب

السلام عليكم ورحمة الله وبركاته حضرتك قصدك اسبيرانز نوعها ايه علشان الزملاء ياريت تحدد

عفوا انا اقصد اسبيرانزا a11 موديل ٢٠٠٧ وثمنها بيكون في حدود٣٥٠٠٠ جنيها زي تقريبا الماروتي موديل ٢٠٠٩ و شكرا لكم

السلام عليكم ورحمة الله وبركاته اولا ماروتى دى لعبة اطفال 3سلتدر 800 cc حتت ورقه وبعدين الماروتى 2009 كان سعرها 39 الف تتباع 35 دلوقتى لا مش معقول الماروتى سعرها من 20 او 25 لانها بتعجز بدرى اما شيرى a11 ده اسمها الحقيقى اسبيرانزا ده اسم اخترعه ابو الفتوح فلحين احنا قوى فى الاسماء لكن نخترع عربيه لا المهم a11 عربية كبيره وقويه العفشة كلها جولف2 والفيتس والموتور فورد اسكورت يعنى قطع غيارها مش هتزعلك المهم الحاله العامه للعربية تكون كويسه اهم حاجه الكهرباء ماتكونشى ملعوب فيها للاسف العربيه دى مش واخده حقها فى مصر لكن شوف لما غبور ياخد التوكيل سدقنى شيرى هتبقى الاولى فى مصر زى الفيرنا والانوس خليك فى a11 لانك مش هتلاقى عربيه 35 الف ده التوك توك 25 الف شوف المسخره ماروتى تتقارن بشيرى a11 ربنا يوفقك للصالح

طيب اية عيوب الشيري و اسعارها اية يعني اناممكن اجيب واحدة بالسعر دة و للموديل يكون اي سنة وشكرا لك مقداا

السلام عليكم ورحمة الله وبركاته زيها زى اى عربية ليها مميزات وعيوب هل فى سياره من بداية صناعة السيارات بلاعيوب انا جايب العربيه زيرو 2009 والحمد لله بدون مشاكل كبيره وكل صيانه بعملها بنفسى ماروحتش التوكيل غير 3 مرات وبس لان عندى خلفية بلميكانيكى المهم اول مشكله لوالكهربا فيها تعديل قطع الغيار معظمها وحشه اوبنركب ليها حجات الجولف افضل الصالون مكوناته وحشه سعراعادة البيع وحش لكن مش هتلاقى عربيه بلسعرده وده لان تجارالسيارات هما السبب والميزه الكبيره شنطه كبيره ولوقلبت الكرسى هتبقى نقل والله العظيم شيلت فيها ثلاجه ال جى والموتور يركب عليه الجولف ناس كتير عندها العربيه وحبنها وموتور الجولف 4 5 الاف والعفشه كلها تركبها جولف يعنى 80 فى المية المانى و20 صينى لوحببها اشتريها ولازم تعرف مفيش عربيه بلا عيوب وشكرا

الاستاذ احمد تحياتي انا عارف طبعا ان مافيش عربية بلا عيوب ولاكني عندي تجربة مريرة في للسيارة السابقة و للتي وريتني العذاب عند الميكانيكية واخيرا بعتها غير ماسوف عليها و علي ذلك انا حريص في اختياري المرة دي واللي يتلسع من الشوربة و شكرا

يعني ان مينفعش تقارن اصلا بالعربيتين دول
فانا هحبطك شوية واقولك لا دي ولا دي
انت بترمي فلوسك عالارض الماروتي دي توكتوك بنعني الكلمة وعربية حريمي بتاعت كمبوند مثلا
والصيني طبعا معروف بالسمعة الكوييييسة
فياريت متستعجلش وتدور علي عربية مناسبة لحضرتك
وربنا يوفقك في اختيارك