مقارنه بين اﻻيفون والسمسونج

**besokate** · 11-03-2016 06:10 PM

ممكن لوسمحت مقارنه سريعه بين اﻻيفون 6 سعه 64 جيجا بايت وسامسونج جاﻻكسى نوت 5

**عقرب عجوز** · 12-03-2016 06:45 AM

بص الايفون شياكة وكل حاجة بس هتحس بوحدة فظيعة مش عملي بالمرة هو منظرة علي كانه تيلفون
لو ينفع تدخل في اختيارتك حاجة تانية شوف السوني z
او HTC تيلفون محترم جدا جدا ولا ارشح السامسونج اطلاقا

**ali ashraf** · 12-03-2016 02:19 PM

الفرق عموما بين الايفون و السامسونج ممكن تلخيصه فى حجتين اساسيتين من وجهة نظرى الشخصية و تحتمل الخطأ بس ده اللى شعرت به من استخدام الجهازين , الايفون متين و ديورابل و قليل جدا يهنج و سرعته معقولة جدا و عيبه برامجه المجانية محدودة و السامسونج برامجه لا نهاية لها و لكن عيبه يهنج كتير و مش متين و عمره قصير ...بالنسبة للشباب شايفهم بيغيروا السامسونج كل كام شهر و بالكتير سنة , انا بالنسبة لى معلى ايفون 4s لسة شغال معى و شكله لسه جديد و مش محتاج لبرامج كتير عليه

**besokate** · 13-03-2016 11:32 PM

يا جماعه انا عاوز الفرق ما بين نوعين محددين متنافسين مع بعض مش مقارنه عامه ما بين السامسونج واﻻيفون

**memo_p910** · 14-03-2016 12:32 AM

دي المقارنه الازليه اللي مش محسومه ابدا

**midostarmody** · 14-03-2016 01:03 AM

بص حضرتك انا معايا iPhone 6s plus 64 gb وكنت من مستخدمين سامسونج وجبت سونى زد 2 والصراحه السونى احلى من السامسونج بفارق رهيب لكن نيجى للموضوع و هلخصه لحضرتك بسرعه ليا صديق عزيز كان محتار وقلت له جيب ايفون بس هو جاب note5 وقالى الشاشه 2k وفعلا هيا كده والكاميرا 16 ميجا بيكسل وخواص الكلام وحجات تانيه كتير والرام 4 جيجا و بيصور 4k وبروسيسور عالى جدا لكن لما قعدنا مع بعض قالى بردو جبت.iphone فقلت ليه هقولك انا جبته ليه وليه ماجبتش نوت 5
1-الايفون 6s متين جدا جدا عكس note 5 شكل الايفون اجمل كتير ودى ازواق
2-موضوع الشاشه على الرغم ان الشاشه بتاعته 2k وانا الشاشه عندى 1080p الا انه اعترف ان جوده الاي فون احسن كتير من حيث جوده الشاشه لان عدد البيكسلات فى الاي فون تساوى عشرات من شاشات السامسونج
3- على الرغم من ان الرام عنده 4 جيجا وانا 2 جيجا الا ان مستحيل الاي فون يهنج حتى لو مشغل تطبيقات كتير ممتع فى سرعته عكس النوت 5 بيهنج لما تتقل عليه الشغل عن تجربه طبعا
4- ودى نقطه مهمه جدا الكاميرا نوت 5 16 ميجا بيكسل و الاي فون 6s plus 12 ميجا بيكسل معنى كده ان النوت احسن لا طبعا اولا هى مش بعدد الميجا بيكسل كاميرا الايفون 6s plus احسن ميه مره من النوت 5 فى جميع الظروف وصديقى صور صوره بالليل بالفلاش بالموبايلين وتفاجئ ان ايفون 6s plus رائع بكل المراحل تحس انك بتصور بنيكون او كانون ودول احسن كاميرات تصوير حتى ان الايفون كامرته زى Panasonic gh4.ودى كاميرا مش هقدر اقولك جودتها عامله ازاى فوق فوق فوق الممتازه غير كده iPhone 6s plus فيه optical image stabilization وبيصور 4k حقيقه ودى مكنتش موجوده فى الايفون فتخيل بقى جودتها هتكون ازاى
5-النظام ايفون السنه دي بجد متحسن كتير اوى iPhone 6s plus فيه خواص ممتازه زى 3d touch وخواص ممكن اتكلم عنها فى صفحتين فى المنتدى حاجه جميله جدا السنادى النوت 5 حلو جدا جدا بس لو هتجيب حاجه تبهرك كل شويه لازم iPhone 6s plus وخلى بالك plus مش العادى لان plus فيه كل المميزات دى وحاجات ثلاثيه الابعاد وصور متحركه 3d بشكل مبهر فيه فأنا ارشح ليك iPhone 6s plus هترتاح جدا بعده وهتدعيلى سيبك بقى من منظره وشياكه بس هو موبايل فوق الممتاز
والقرار يرجع لحضرتك والف مبروك مقدما