جنوط سبور لعربيتي السيريون. أفيدوني أفادكم الله

**elwakeel** · 21-03-2016 03:39 PM

السلام عليكم

لما اشتريت السيريون كانت gl و فيها جنوط حديد ستوك بتاعت المصنع, اللي هيا جنوط عادية. مع الوقت و المطبات و المفاجئات في الطريق بدأت تتعوج و لما بروح اعمل تدوير للكاوتش كل 10 الاف الفني بتاع بريدجستون بينصحني اروح استعدلها عند بتاع كاوتش, استعدلت العجل اكتر من مرة بس اخر مرة و انا بدور الكاوتش الفني قاللي اكتر من فردة عندك فيها مشكلة لازم تشوف حل. انا فعلا برصص كتير بمعدل كل اسبوعين تلاته و بطلع بيها من الترصيص ناعمة و قويه و كلها حنيه و تدريجيا بحس بهزه فوق الميه بعد اسبوعين لتلاته, ولان طريقي اغلبه سفر ببقي متدايق جدا من الموضوع ده و برصص باستمرار

دلوقتي كذا واحد شار عليه اجيب جنوط سبور و استنضف حاجه ماليزي او تايواني و ابعد عن الصيني.

هل اتوكل علي الله و اجنط؟

ايه نصايح اللي المفروض اتبعها؟

هل محتاج اعدل حاجه في العفشة بعد التجنيط؟

الكاوتش اللي معايا مشي 33 الف, بريدجستون تورانزا جي اار 300 و بصراحة ممتاز. مقاسه 14/185/65

هل لما اجنط محتاج اغيره ولا ممكن اجيب جنوط تركب عليه؟

هل حد هنا ركب جنوط للسيريون يقدر يفيدنا بتجربته؟

افيدوني افادكم الله

**amr011111** · 21-03-2016 05:00 PM

طبعا ممكن تجيب جنوط نفس المقاس تركب على الكاوتش الموجود ومش هتحتاج اى تعديل فى العفشه

**mohamed_rhem** · 24-03-2016 12:26 PM

تجيب جنوط استيراد تعمل في حدود 2500

او تجيب اي جنط 14 بوصة 4*100 et 38

بس يكون ماركة معروفة علشان الجنوط مفيهاش هزار

وتجيب بلوف نيكل

بالتوفيق

**mido elsakkar** · 26-03-2016 02:15 PM

الافضل للعربية انك تجيبلها الجنوط الاسبور الاوريجينال بتاعها ومتعملش اللي انا عملته قبل كده لاني جبت جنوط سبور عادية وبسببها غيرت مساعدين امامي ومقصات وميزان وقصص وفي الاخر بعته بخسارة 1000 جنيه
عندك في الحرفيين عند واحد اسمه سيد الفراش
وفي دايهاتسو لاند ودا اسعارها نار ومنصحكش تجيب من عنده
لو مالاقتش في الحرفيين عليك وعلي المنصورة واحد اسمه محمد وده رقمه 01000980095 واسعاره اهدي من الحرفيين طبعا يعني نص اسعار الحرفيين