مساعدة فى تحديد نوع العربية اللى هشتريها

**Elmatriex** · 24-03-2016 02:09 AM

لو سمحتم يا جماعة محتار وعاوزكم تساعدونى فى اختيار العربية المناسبة عشان انا بجد احترت مابين اربع عربيات وكلهم هيونداى اولهم الينترا الشكل القديم لحد موديل ٢٠١١ (اللى هى حاليا هيونداى hd) وهيونداى i30 وهيونداى ix 20 واخيرا هيونداى ماتركس وانا اللى يهمنى الثبات و الفرامل وتكون موفرة فى البنزين وبصراحة شكل الماتركس مبيعجبنيش بس كل الناس اللى كلمتهم عليها بيشكروا فيها فارجو المساعدة مع توضيح السبب ولو هتستبعدوا حاجة ياريت تقولولى ليه وشكرا

**bluemail** · 24-03-2016 07:33 AM

حضرتك استخدامك للعربيه جوه المدينة ؟ ولا سفر؟
رينج السعر اللي انت محدده كام؟
محتاجها مانيوال ولا اوتوماتيك ؟
بص هو عموما حالة العربية هي اللي هتحدد ، كل ما كان الموديل احدث والعربية ماشية كيلومتر قليل ومفيهاش شغل اتعمل كتير كل ما كان افضل ، ماتنساش تكشف في مكان ثقة علشان تتاكد من حالة العربية
وبالتوفيق في اختيارك

**ahmed.zahra** · 24-03-2016 11:51 AM

النترا ثم ماتريكس

**Elmatriex** · 24-03-2016 12:34 PM

المشاركة الأصلية كتبت بواسطة bluemail

حضرتك استخدامك للعربيه جوه المدينة ؟ ولا سفر؟
رينج السعر اللي انت محدده كام؟
محتاجها مانيوال ولا اوتوماتيك ؟
بص هو عموما حالة العربية هي اللي هتحدد ، كل ما كان الموديل احدث والعربية ماشية كيلومتر قليل ومفيهاش شغل اتعمل كتير كل ما كان افضل ، ماتنساش تكشف في مكان ثقة علشان تتاكد من حالة العربية
وبالتوفيق في اختيارك

العربية هيبقى مشيها فى الاتنين جوة البلد وسفر والحمد لله الرنج اللى معايا يسمحلى اركب اى واحدة من الاربعة بس انا حابب انكم تساعدونى اختار منهم افضل واحدة على افتراض ان الاربع موديلات بحالة كويسة