الموضوع: تقوية اضاءة الكورولا 2015!!

المشاركة الأصلية كتبت بواسطة ahmed.roshdy

اعضاء الجروب الكرام
حد جرب يقوي النور الاساسي للكورولا 2015 بتغيير اللمبات بـ
1- osram night breaker unlimited
او
2- philips x-treme vision +130%

اسلام عليكم يا استاذ احمد اتمني تتقبل مرورى و تدخلي ف موضوع حضرتك لو عاوز بجد تقوي النور يبقي حضرتك لازم تركب كتاوب و فيه كتاوت بتبقي فيشه ف فيشه من غير ما تقطع سلوك و لاحاجه حضرتك مش هتحس بفرق ف النور الا لما تركب كتاوت و سيبك من الكلام ف اللمبات و نوعها كده كده ف مصر مفيش و لا لمبه اصليه يعني كله صرف فلوس ع الفاضي جضرتك ركب كتاوت و اشتري لمبات 100 وات او اكتر من نوع كويس ف حدود 50 للجوز و اتفرج ع النور انا عملت كده عندي عشان ما اروحش ادفع 200 جنيه ف جوز لمبات فيليبس او اسرام و لما واحده تعطل يبقي راحت الفلوس حضرتك ركب اى نوع واته عالي و هتشوف النور مع الكتاوت عامل ازاى و لو حضرتك فعلا محتاج نور تشوف منه يبقي قدام حضرتك اختيارين اولهم كتاوت و لمبات عاليه او زينون و انا ما انصحش حضرتك بالزينون لان اعطاله كتير و هيقرفك بجد و يكرهك ف العربيه كل شويه دا لمبه فصلت دا اللمبه اضائتها مش مظبوطه دا اللمبه جايبه درجه تانيه غير التانيه و وجع قلب نصيحه اخويه ركب كتاوت فيشه ف فيشه و لمبتين 100 وات و اظبط الرجلاش كويس و جرب و هاتدعيلي باذن الله طبعا هتسمع كلام كتير ان اللمبات الفيليبس بتخلي الدنيا منوره قدامك صدقني مفيش لمبه اصليه ف مصر كلها الا اللي بتيجي من اوروبا بالطلب الباقي كله صيني درجه كويسه مش اكتر و حرام تدفع 500 جنيه ف 4 لمبات دا انا اجيب زينون عالي و واطي ب500 جنيه و اهو اسمه زينون و منظره احلا كمان من الهالوجين دي وجهه نظر شخصيه مش اكتر يا فندم اتمني تتقبل مروري و ربنا يكفيك شر العربيه