ارجو مساعدتى فى اصلاح هذا الخدش فى سيارتى

**ayman7689** · 26-03-2016 03:19 PM

السلام عليكم
ارجو مساعدتى فى اصلاح هذا الخدش فى سيارتى حيث اننى مستجد فى القيادة وتعلمت على سيارة حديثة

**erada** · 26-03-2016 06:32 PM

واضح انه مش مجرد خدش دا (قشط) بمعني الكلمة
عموما محتاج معجون وفيلر و رش عند اي بتاع دوكو كويس وهيبقا ممتاز ان شاء الله

**ayman7689** · 27-03-2016 08:44 AM

المشاركة الأصلية كتبت بواسطة erada

واضح انه مش مجرد خدش دا (قشط) بمعني الكلمة
عموما محتاج معجون وفيلر و رش عند اي بتاع دوكو كويس وهيبقا ممتاز ان شاء الله

انا ليس لدى اى خبرة وهذا القشط ناتج عن احتكاك بباب حديد ومن اين اجد المعجون والفيلر واى محل دوكو اذهب اليه وشكرا مرة اخرى

**erada** · 27-03-2016 10:15 PM

في البداية متحاولش تعملها بنفسك لانك طبعاً هتبوظ شكل العربية
تاني حاجة انا رايي لو انت لسه بتتعلم علي العربية ومفيش مشكلة بالنسبة لك ان لا قدر الله يكون في مرحلة التعليم دي شوية خبطات وحكات علي ما تتقن السواقة فانصحك بتاجيل التصليح شهر او شهرين علي ما تتعلم كويس خصوصاً في الركنات والشوارع الزحمة مع سواقين المكروباص والتكاتك والتريسيكلات ذات الصناديق المصفحة اللي ياما بهدلت الواحد!!!
بعد الشهر ده ان شاء الله لو في خبطات او شغل سمكرة او دوكو اعمله كله مع بعضه ووفر فلوسك ومجهودك
اما اني قلتلك معجون وفيلر الخ.. فده كان علشان اطمنك ان الموضوع بسيط مش علشان اقولك اعمله بنفسك وتبوظ شكل عربيتك
.
بالنسبة للحالة اللي عندك هتكلفك ما بين 50 الي 100 جنيه حسب شطارة بتاع الدوكو وشطارتك في الفصال بالإضافة لنوع عربيتك يعني لو غالية اكيد الصنايعي هيطمع (زبون ال مرسيدس مثلا غير زبون ال 128 وكلك نظر يا بيه!!! ) وكذلك صنايعي الحرفيين مثلا غير صنايعي الزمالك والشيخ زايد..
وفي النهاية ربنا يباركلك فيها ويكفيك شرها

**ayman7689** · 28-03-2016 12:01 AM

المشاركة الأصلية كتبت بواسطة erada

في البداية متحاولش تعملها بنفسك لانك طبعاً هتبوظ شكل العربية
تاني حاجة انا رايي لو انت لسه بتتعلم علي العربية ومفيش مشكلة بالنسبة لك ان لا قدر الله يكون في مرحلة التعليم دي شوية خبطات وحكات علي ما تتقن السواقة فانصحك بتاجيل التصليح شهر او شهرين علي ما تتعلم كويس خصوصاً في الركنات والشوارع الزحمة مع سواقين المكروباص والتكاتك والتريسيكلات ذات الصناديق المصفحة اللي ياما بهدلت الواحد!!!
بعد الشهر ده ان شاء الله لو في خبطات او شغل سمكرة او دوكو اعمله كله مع بعضه ووفر فلوسك ومجهودك
اما اني قلتلك معجون وفيلر الخ.. فده كان علشان اطمنك ان الموضوع بسيط مش علشان اقولك اعمله بنفسك وتبوظ شكل عربيتك
.
بالنسبة للحالة اللي عندك هتكلفك ما بين 50 الي 100 جنيه حسب شطارة بتاع الدوكو وشطارتك في الفصال بالإضافة لنوع عربيتك يعني لو غالية اكيد الصنايعي هيطمع (زبون ال مرسيدس مثلا غير زبون ال 128 وكلك نظر يا بيه!!! ) وكذلك صنايعي الحرفيين مثلا غير صنايعي الزمالك والشيخ زايد..
وفي النهاية ربنا يباركلك فيها ويكفيك شرها

جزاك الله خيرا عربيتى بى واى دى رحت لصنايعى قالى محتاجة شغل سمكرة ورش ومطلوب 500جنيه تنصحنى اروح لمين

**erada** · 28-03-2016 12:11 AM

اهم حاجة يكون صنايعي كويس وفي منطقتك وممكن تسال الأعضاء في المنتدي عن اقرب وافضل ناس في منطقتك لاني مقدرش اساعدك (انا من المحلة وكل تعاملاتي مع الورش تقريبا فيها)
500 جنيه مبالغ فيه وممكن يكون في تفاصيل مش واضحة في الصورة او ان الصنايعي طمع لان منظر البي واي دي فخيم شوية وهتحتاج تفاصل معاه