رأيكم فى الماروتى 2008 كعربية تانية

**eng isec** · 02-04-2016 08:53 PM

محتاج رأيكم فى الماروتى مو 2008 وعداد 50000 كيلو كعربية للمدام من حيث الإعتمادية فى المشاورير الصغيرة داخل نطاق القاهرة خاصة بعد ما سمعن عن مشكلة طقم الكهرباء والكوندنسير لأنى قلقان من حدوث أعطال. الحقيقة انا معجب بالعربية خاصة انها مناسبة جدا من حيث السعر فى ظل إرتفاع أسعار السيارات المستعملة الغير معقول حالياً (الناس طالبة فى ال i10 موديل 2008 مانيوال 55 الف جنيه).

**scientist9508** · 03-04-2016 06:09 AM

1 - لا توجد أى مشاكل كهرباء فى الماروتى إطلاقآ . . فقط إستخدم قطع الغيار الأصليه

2 - فور شرائك للسياره قم بكشف دقيق على السياره ثم قم بعمل كل ما يلزم و ستنتسى كلمة أعطال تمامآ

**salam100100** · 03-04-2016 09:01 AM

انا نعايا الماروتى كعربيه ثانيه موديل 1988- عامله 45000 كم
للمدام بردو
عربيه انا شخصيا بستخدمها للمشاوير البهدله (العتبه- وسط البلد............)

عيبها الوحيد مفيهاش تكييف

**Mohamed Desoky** · 03-04-2016 10:10 AM

السلام عليكم ورحمة الله وبركاته الماروتى الجديده سعرها كام لان الزيرو افضل من المستعمل

**salam100100** · 03-04-2016 12:13 PM

المشاركة الأصلية كتبت بواسطة mohamed desoky

السلام عليكم ورحمة الله وبركاته الماروتى الجديده سعرها كام لان الزيرو افضل من المستعمل

مفيش منها زيرو
البديل بتاعها التو واعتقد كسرت ال65000 جنيه

**Mohamed Desoky** · 03-04-2016 05:36 PM

65 ليه كده انا كنت فاكر بلكتير 50 الف دى حتى 3 سلندر 800cc وانا مش مقتنع بلمحرك اللى اعرفه ان المحركات 2سلندر شفط و2 سلندر ضغط لكن 3 اشواط مش مقتنع بيه على المهم فى منها 4 سلندر الف ccتكون افضل وشكرا لرد حضرتك

**م أحمد** · 03-04-2016 08:11 PM

المشاركة الأصلية كتبت بواسطة mohamed desoky

65 ليه كده انا كنت فاكر بلكتير 50 الف دى حتى 3 سلندر 800cc وانا مش مقتنع بلمحرك اللى اعرفه ان المحركات 2سلندر شفط و2 سلندر ضغط لكن 3 اشواط مش مقتنع بيه على المهم فى منها 4 سلندر الف ccتكون افضل وشكرا لرد حضرتك

ال 4 سلندر كلهم فيهم شفط و ضغط و احتراق و طرد فى كل بستم على حدة

و ال 3 سلندر كلهم فيهم شفط و ضغط و احتراق و طرد فى كل بستم على حدة

و اى عدد سلندرات نفس الكلام

الفرق توقيت توزيع قوة البساتم على محور الدوران (عمود الكرنك)

**محمد يحيى** · 04-04-2016 02:27 PM

اتفق مع كل الاراء السابقة

**eng isec** · 08-05-2016 08:25 PM

شكرا جدا لراي حضراتكم و انا فعلا اشتريتها و مبسوط منها جدا لدرجة اني من اول ما اشتريتها ركنت عربيتي الاساسية رينو فلوانس 2016 من كتر ما العربية بتنجز رغم اني كنت جايبها للمدام بس بصراحة مشعارف ابن اللزينا اللي صممها ازاي خلاها واسعة كدة انا فعلا هتجنن
انا طولي 180 و كنت بقول مستحيل اسوقها لان كان معايا بولونيز و اكسل و كنت دايما راسي خابطة في السقف قلت دية انسي اسساسا ممكن ادخلها
عايز اقول لحضرتك رجعت الكرسي لوري سنة اول مرة بعد الفلوانس راسي متخبطش في السقف و قاعد مرتاح و كمان 3 قاعدين وري مرتاحين و كمان طوال
ممكن اللي يقرا الكلام دة ميصدقنيش و فعلا عندهم حق بس فعلا العربية دية جننتني بس ممكن يكون علي حساب ان العربية من غير شنطة
بالنسبة للمطبات البلونيز عمرها ما حكت لكن الاكسل لازم تسلم علي كل مطبات الشوارع بدون استثناء صغير و كبير اللي هيجنني فعلا ان الماروتي لازم يكون المطب عالي جدا علشان تحكة رغم انها عجل 12 غير كدة ولا اي تاثير
العربية مش سحيبة مش بتجري
فراملها علي قدها لازم تبقي سواقتك عامل حساب اللي قدامك ممكن التيل بتاعها الاصلي مشعارف العربية هي كدة و لا دة عايز يتغير تيل بس معقولة
حبيت اقول رائيي بعد تقريبا 500 ك كرد جميل للموقع
مشاكل لو حد يقدر يفيدني فيها و اكون شاكر لمساعدتكم لي مقدما و لزوقكم
اول مشكلة ركبت كاست في العربية فا و انا مبطل العربية صوت الكاست جميل و نقي لكن و انا مشغل العربية صوت الماتور طالع في الكاست يعني لما ازود بنزين الصوت يطلع في السماعات رحت لكهربائي فصل الدينامو قالي دية مشكلة دينامو فا مش عارف دية اشتغالة و لا اية يا ريت لو حد حصل معاة المشكلة دية قبل كدة يا ريت يفيدني
تاني حاجة ان المدام 80 في المية هي اللي سايقة و بتتعلم لسة بس من تالت تفويلة العربية معدلها 170 ك في الصفيحة جوة البلد بنزين 92 دة كدة الفلوانس اوفر منها في البنزين مع التكييف
ثالث حاجة لما بحرق علي الغيار سنة بسمع صوت فرقعة من الشكمان او بقبقة دة ممكن يكون اية
شكرا لردكم مقدما

**م أحمد** · 08-05-2016 09:09 PM

المشاركة الأصلية كتبت بواسطة eng isec

شكرا جدا لراي حضراتكم و انا فعلا اشتريتها و مبسوط منها جدا لدرجة اني من اول ما اشتريتها ركنت عربيتي الاساسية رينو فلوانس 2016 من كتر ما العربية بتنجز رغم اني كنت جايبها للمدام بس بصراحة مشعارف ابن اللزينا اللي صممها ازاي خلاها واسعة كدة انا فعلا هتجنن
انا طولي 180 و كنت بقول مستحيل اسوقها لان كان معايا بولونيز و اكسل و كنت دايما راسي خابطة في السقف قلت دية انسي اسساسا ممكن ادخلها
عايز اقول لحضرتك رجعت الكرسي لوري سنة اول مرة بعد الفلوانس راسي متخبطش في السقف و قاعد مرتاح و كمان 3 قاعدين وري مرتاحين و كمان طوال
ممكن اللي يقرا الكلام دة ميصدقنيش و فعلا عندهم حق بس فعلا العربية دية جننتني بس ممكن يكون علي حساب ان العربية من غير شنطة
بالنسبة للمطبات البلونيز عمرها ما حكت لكن الاكسل لازم تسلم علي كل مطبات الشوارع بدون استثناء صغير و كبير اللي هيجنني فعلا ان الماروتي لازم يكون المطب عالي جدا علشان تحكة رغم انها عجل 12 غير كدة ولا اي تاثير
العربية مش سحيبة مش بتجري
فراملها علي قدها لازم تبقي سواقتك عامل حساب اللي قدامك ممكن التيل بتاعها الاصلي مشعارف العربية هي كدة و لا دة عايز يتغير تيل بس معقولة
حبيت اقول رائيي بعد تقريبا 500 ك كرد جميل للموقع
مشاكل لو حد يقدر يفيدني فيها و اكون شاكر لمساعدتكم لي مقدما و لزوقكم
اول مشكلة ركبت كاست في العربية فا و انا مبطل العربية صوت الكاست جميل و نقي لكن و انا مشغل العربية صوت الماتور طالع في الكاست يعني لما ازود بنزين الصوت يطلع في السماعات رحت لكهربائي فصل الدينامو قالي دية مشكلة دينامو فا مش عارف دية اشتغالة و لا اية يا ريت لو حد حصل معاة المشكلة دية قبل كدة يا ريت يفيدني
تاني حاجة ان المدام 80 في المية هي اللي سايقة و بتتعلم لسة بس من تالت تفويلة العربية معدلها 170 ك في الصفيحة جوة البلد بنزين 92 دة كدة الفلوانس اوفر منها في البنزين مع التكييف
ثالث حاجة لما بحرق علي الغيار سنة بسمع صوت فرقعة من الشكمان او بقبقة دة ممكن يكون اية
شكرا لردكم مقدما

عايزة تغيير كوندنسر و شكرا لحضرتك على المعلومات الجديدة عن الماروتى !!!