مشكلة في دبرياج يارس

**jannatravel** · 03-04-2016 06:44 PM

السلام عليكم يا شباب اليارس ؟

عندي مشكلة في عربية يارس 2007ماشية حوالي 45000 كيلو ... بتبان المشكلة في وسط الزحمة بحس ان العربية ، بتبتدي تندع كده أو كأنها هتبطل بالذات لمن أقف وأجي أنقلها على الاولاني في وسط الزحمة .
بس صحيح ان المشكلة مش كبيرة بس بقة مزعجة جداً بالذات بتحسس الي معاك انك مبتعرفش تسوق والعربية هتبطل منك وبتحسسك ان العربية بقت مهكعة وقدمت ... وكمان تحس ان فى رجة فى الماتور ساعت اما تطلع على الاول

بس انا حاسس ان الموضوع مش عيب طقم دبرياش حاسس انو عيب في كهربة العربية ... كأنها مش واخده كهربتها كفاية وهتبطل .

و علشان كده بقة صعب أحدد فين المشكلة بسبب البانزين المغشوش .

ياريت حد يفيدني ... ولكم جزيل الشكر والتقدير .

**jannatravel** · 04-04-2016 05:49 AM

انا فى انتظاركم ياأصدقاء ، مع العلم انى بحثت فى المنتدى فوجدت الاعضاء صرحوا بأن العيب فى نوع اسطوانة الدبرياج حينما تسخن ولكن هذا من 2010 فهل تم علاج هذة المشكلة حديثا ، افيدنى الموضوع صعب اوى فى الزحمة
ومعذرة هل فى احد من الاصدقاء يعرف مركز صيانة كويس فى طنطا او المنصورة انا اشتريت السيارة منذ 5 ايام ولكن بسبب هذا العيب كرهتها السيارة موديل 2007 عداد عامل 45000 كيلو مانيوال

**jannatravel** · 05-04-2016 11:07 AM

متابع

**jannatravel** · 07-04-2016 10:27 PM

متابع

**jannatravel** · 11-04-2016 08:22 AM

متابع ومنتظر

**jannatravel** · 13-04-2016 06:09 PM

ازيكم انا مستنى برده

**ahmed_eng2001** · 13-04-2016 07:43 PM

بصفة عامة ..... لو العربية بتقطع منك فى الطلعة ... يعنى من الثبات و انت طالع على الاول ... ده بيكون عيب ديسك و اسطوانة .... و فى الغالب كمان ... بتكون الاسطوانة بدأت تلق ...

متابع معاك لغاية لما حد متخصص يفيدنا اكتر

**jannatravel** · 14-04-2016 08:03 PM

جزاكم الله خيرا

**ahmed_eng2001** · 16-04-2016 04:53 PM

ممكن نتكلم شوية لغاية لما احد الاعضاء يفيدنا اكتر .....

لاحظ اداء العربية و العيب ده .... لو العيب زاد .. و بدأت تحس ان الرجة زادت ... ده يزود احتمالات تلف الاسطوانة

و لكن ... حاول تشوف البوجيهات اخبارها ايه .... فلتر البنزين ... مباين الكهربا .... عاوزين نتأكد ان الحاجات دى كويسة قبل ما نقول انها عيب اسطوانة

**القماش** · 16-04-2016 11:04 PM

اولا ممكن يكون فى زيت نزل على الاسطوانه والدسك ولما تسخن العربيه يعمل كده ويخلى الدبرياج ميرجعش يا اما الدسك والاسطوانه خلاص انتهوا
وعلشان تعرف العيب لو العربيه فى السحب ضعيفه كده الاسطوانه
ولو السحب تمام على السريع وفى المطالع
هيكون الدسك والاسطوانه تمام