الموضوع: عايز أطلع دهب

الأيام اللي فاتت دي كانت ببلاش :) حمايا كان عندهم عرض في الشركة 3 ليالي فطار وغداء أوبن بوفيه ب170 جنيه للثلاث ايام :)

المشاركة الأصلية كتبت بواسطة msobhy

زى ما العنوان بيقول
عايز اطلع دهب
ان شاء الله هاطلع 3 أيام
اليوم الأول هايكون بلو هول
اليوم التانى هايكون وايت اند كلر كانيون
اليوم التالت مش عارف هاعمل فيه ايه وعايز مقترحاتكم لليوم ده

نيجى للأسئله
1- حد يعرف شركة سياحه محترمه اطلع عن طريقها او موتيل او كامب نضيف ممكن انزل فيه؟
2- اروح بالعربيه ولا لأ لأنى طالع انا وزوجتى و بصراحه مش عايز اطلع بالعربيه ف يبقى ايه البديل وبكاااااااااااااام؟
3- انا عمرى ما غطست مع العلم انى مدمن سنوركلينج - يا ترى الغطسه بتتكلف كام ومدتها قد ايه
4- حد يقول لى اعمل ايه في اليوم التالت ما عدا انى اروح ابوجالوم او انى اطلع سانت كاترين


الميزانيه على قد الايد يعنى مش عايزين بعزقه

السلام عليكم ورحمة الله وبركاته،،،

حضرتك ممكن تروح بأتوبيس شرق الدلتا. هو بحوالي 100 جنيه الميعاد بتاع 1 الصبح وده هو أفضل ميعاد عشان بتوصل هناك على 9 الصبح وتبدأ يومك.

عيوبه إنه أوتوبيس مش قد كده وبياخد وقت كتير جداً عشان الراحات وعشات بياخد وقت طويل في التفتيش في الكماين. لو رحت بعربيتك هاتاخد من 5 ل 6 ساعات.

العربيه هناك مالهاش لزمه عشان البلد صغيره أوي.

ممكن في اليوم الأخير ده تروح منطقه إسمها 3 pools دي منطقه أهدأ من بلو هول وفيها سنوركلنج وغطس برضو. بس المناظر فيها مش حلوه أوي زي بلوهول. بس أنا شخصياً بافضلها عن بلوهول لهدوئها.

ممكن تعمل غطسه إستكشافيه introductory dive من 200 لـ 300 حنيه