سؤال عن فيرنا 2014

**sala7** · 11-04-2016 03:31 PM

السلام عليكم و رحمة الله و بركاته

لاهل الخبرة في هيونداي بدون اطالة

فيرنا 2014 - سعة المحرك 1600

بالنسبة لرقم الشاسيه الموجود في صدر حوض المحرك .. هو رقم شكله مطبوع باليد عن طريق الطرق
بعد البحث عن طريق الانترنت . لقيت ان الرقم لازم يكون 17 و ليس 18

انا محتاج الرقم ده علشان اشتري لاخويا قطع غيار اصليه من بره مصر .. لما روحت الوكيل قالي الرقم غلط .. يعني اقفل و اتصل تاني ولا ايه .. مش عارف

المطلوب من الساده الافاضل حد يدلنا على اي معلومة للاتي

- رقم الساسيه الصح نجيبه منين

- او لو حتى الارقام الاصلية قطع الغيار الاتيه ( سير كاتينه - بليه كتينه - سير دينامو - سير تكييف - تيل فرامل ) بس طبعا تكون الارقام الاكيدة لان هشتري و ابعت و غير قابلة للاسترجاع

الحقيقة مش عارف الفيرنا في مصر ليها اكتر من موتور ولا لا ... لكن دي صورة موتور عربية اخويا

اسف للازعاج .. و جزاكم الله كل خير

**AHMEDCAR** · 11-04-2016 05:14 PM

رقم سير الكتانيه 2431226050
بليه ثابته 2441026000
بليه متحركه 2481026020
سير تكييف 977131e000
سير باور 5723129100
تيل فرامل امامى 5810125a20
سير دينامو 2521226021

**sala7** · 11-04-2016 07:50 PM

المشاركة الأصلية كتبت بواسطة ahmedcar

رقم سير الكتانيه 2431226050
بليه ثابته 2441026000
بليه متحركه 2481026020
سير تكييف 977131e000
سير باور 5723129100
تيل فرامل امامى 5810125a20
سير دينامو 2521226021

جزاك الله خير يا بشمهندس احمد يا محترم

انا لما لقيت حاجه و اربعين مشاهدة و مشاركة واحده قلت الموضوع ده صعب و محتاج غبور شخصياً

طبعا حضرتك مشكور مجهودك و تعبك في المساعدة لنص المشكلة .. يتبقى النص الاخر و اللي هو رقم الشاسيه

هل رقم الشاسية هو الرقم الموجود فعلا ع الصدر ... ولا فيه رقم تاني موجود هو ده رقم الشاسيه

لاني قلت لاخويا ان عادة الرقم بيكون موجود في الشمال مقابل السواق تحت الازاز .. قالي مافيش حاجه

تحياتي لك

**AHMEDCAR** · 12-04-2016 03:11 PM

رقم الشاسيه اللى معاك مش هيشتغل على اى موقع حتى عند غبور لان العربيه دى محلى و انتاج مصانع غيور و ملهاش داتا فى كوريا كل الفيرنا فى مصر كده

**theman** · 17-04-2016 01:01 PM

سلام عليكم انا بفكر اجيب فيرنا موديلات من 2013 لحد 2015 بسعر من 70 لحد 82 بالكتير تكون فابريكا كلها ومش ماشية كتير هل ده اختيار كويس ولا اشوف بالسعر ده حاجة فئة اعلي بس هتكون مستهلكة اكتر طبعا انا عايز عربية قطع غيارها وصيانتها علي اد الايد وقليلة الاعطال سواقتي اكترها داخل البلد ممكن سفر 2 او3 مرات في السنة هل اختيار الفيرنا كويس ومناسب لطلباتي ولا اشوف حاجة تانية مستني ردودكم متبخلوش علينا بالنصيحة