الموضوع: بيجو 301 زيرو و قياس الزيت فوق الماكس

السلام عليكم

الحمد لله اشتريت 301 من 3 اسابيع وبصراحه مرجعتش مستوى الزيت والمياه لحد ما وصلت 550 كيلو قولت ابص عليه ، اتفاجئت ان الزيت معدي علامة الماكس ب 12 مم تقريبا يعني كل الحته البلاستيك البيضا ، طبعا العربيه كانت بارده وعلى سطع مستو ومسحت المقياس الاول وجربت بدل المره عشره

معقوله العربيه جيه بزيت زياده من بلدها ولا ده تتش مصري .. خصوصا ان واحد على الفيس قالي انه سأل التوكيل وقاله "سيب كل حاجه احنا مزودين شويه لحد معاد الصيانه"

ازاي الكلام ده ، زيادة الزيت خطر بتضرب سيلات وبتبوظ الكاتليك كونفرتر .. ولا انا غلطان

بصراحه قولت بلاش اضيع وقت في حوارات وهري مع مركز الخدمه اللي عندي .. وسحبت احتياطي منها 600 ملي

انا قلقان ليكون سيلات ولا حاجه ضربت في العربيه ؟
حد قابل حاجه زي كده في عربيته؟ ولا انا بشتغل نفسي

على فكره مستوى مياه التبريد برضه فوق الماكس

عذرا على الاطالة

الكتالوج بيقول تكون العربيه على سطح مستو والموتور متوقف 30 دقيقة على الأقل
منتظر ارائكم يا شباب