كيا سييد او سيات ليون

**mohamed 85** · 19-04-2016 03:27 PM

حيران جدا بين كيا سييد هاتش باك والسيات ليون

الكيا الهاين لاين مبقاش هاي لاين اوى شالوا منها التاتش سكرين والكاميرا الخلفية والتكييف بقة مش ديجيتال وكمان الجنط بقة 16 مش 17 والفرش مش جلد. فيها كل حاجة انت عايزها وكمان ضمان 5 سنين وارخص فى السعر 210.

الليون افخم واحلى بس اغلى يعنى عشان تجيب الهاي لاين دلوقتى بنتكلم فى 240 بالاوفر برايس وكمان ضمانها سنتين بس.

يا ريت تشاركونى رايكم للعلم انا هجيبها تقسيط وكنت ناوى مزيدش عن 200.

**hanyyacot** · 19-04-2016 04:14 PM

ممكن اديلك اختيار تالت تفكر فيه, البيجو 2008 الهاى لاين بتاعتها ب 220 و فيها سقف بانوراما , واكيد هاتبقى احسن من كيا سييد , و قريبة لاداء الليون وفى نفس الوقت انتشارها احسن من الاتنين مع قوة بيجو . ده اقتراح شخصى لو حابب توسع اختياراتك

**scientist9508** · 20-04-2016 06:47 PM

كلمه مختصره جدآ . . . . أن كان سعر إعادة البيع هام جدآ بالنسبه لك فإنسى السيات ليون و تحمل طمع وكيل كيا

**mohamed 85** · 21-04-2016 10:44 AM

شكراً يا رجالة على الردود . غالبا كدة كيا سييد بس فى ناس بتقول انها واطية اوى وبتاكل المطبات خصوصا لو فى ركاب ورا.

**stalky911** · 21-04-2016 03:46 PM

هو بس معلومة صغيرة في فرق كبييييييييييييير بين الثنين و الليون احلى بمراحل و اكثر انتشارا من البيجو 2008 على فكرة بس انا شايف ان سعرها مبالغ فيه جدا بس من احسن العربيات في هذه الفئة و انا بسوق الاثنين اكثر من مرة فى الشهر.
اعادة بيع للكيا طبعا بس الليون احسن بفرق شاسع فعلا.
السييد حلوة برده للامانة بالنسبة للتويوتا اوريس و بالنسبة انها كيا.. تعتبر احسن عربية امان فى كيا فى مصر بس برده الليون احسن بمراحل.
بالتوفيق ان شاء الله و لو تقدر فعلا هات الليون الهاي لين بس غير كده كيا سييد.

**mohamed 85** · 21-04-2016 04:45 PM

فعلا الليون أحلى ولكن مش هقدر عليها. بدور على كيا سييد بس مش لاقى الهاي لاين . دعواتكم لحسن الدولار عدى 11 جنيه والاسعار بتولع اكتر.

**ahmad--ezzat** · 21-04-2016 08:09 PM

الله يرحم زمن ايام مكان ال ٨٠ الف تجيب عربيه محترمه...

**melouk1** · 22-04-2016 11:13 AM

ليون طبعاً كفايه الامان و الثبات اللي استحالة هيتوجد في عربيه كوري

**hosamfares** · 05-05-2016 11:39 PM

بالنسبة لاعادة البيع لا الليون و لا السييد
مش كل الكيا هيبقوا اعادة بيعهم كويسة السييد بقالها فترة نازله و مش انتشرت زي الاوريس بردو رغم انها تويوتا الا انها مش انتشرت زي الكورولا
و يعيب السييد فعلا انها مش مصفحه من تحت
لو مش بتفكر في اعادة البيع انا مع السييد كعربية ناجحه جدا في اوروبا و مش هيبقى فيها مشاكل فتيس الليون يعني اعتمادية أعلى و توكيل افضل
على فكره كيا اعتماديتها عليت اوي مش زي زمان و اعلى من السيات و الفولكس