يا باشا طرق مصر كلها كده و ده الطبيعي، لو معملتش كده حيجي حمار يخبطك من ورا و يقولك انت غلطان.
بالنسبه لسؤالك اعتقد مفيش ضرر علي العربيه و لا حاجه و انظمه التعليق و العفشه مصممه لكده و وظيفتها امتصاص الصدمات البسيطه دي في الطرق السيئه لكن طبعا علي المدي البعيد انت بتستهلك العفشه بسرعه اكبر فممكن العفشه تحتاج تغيير بعد وقت اقل من الوقت الافتراضي بتاعها، ذي اللي بيقرص علي الماتور طبعا الماتور مش حيبوظ لكن علي المدي البعيد كفاءه الماتور حتقل في وقت اقل من اللي بيسوق هادي و مريح الماتور ... اما بقي لو الطريق بايظ خالص فلازم تهدي طبعا
لو حابب تطمن علي العربيه في اي مركز صيانه و انت بتعمل الصيانات الدوريه بيرفع العربيه و يربط العفشه فلو لاقي حاجه مش مظبوطه حيقولك بس طالما مفيش اصوات ترزيع او خبط في العفشه يبقي اطمن
المفضلات