عندي مشكلة في كرونة لادا 2105، فاشتريت واحدة استعمال، وتم تركيبها امبارح للعربية، بعد ما الفني قفل شغل وكله تمام، طلعت اجرب العربية، لقيت صوت ( مختلف عن صوت الكرونة - انشف شوية ) بادئ بشكل منخفض جداً من اول ما ابدأ اتحرك بالعربية !
طلعت على طريق ووصلت للغيار الثالث والرابع، والصوت عمال يزيد معايا، لدرجة اني مش قادر اميز اذا كانت الكرونة الجديدة لها صوت ولا لا !

رجعت له تاني، جرب شوية، وقالي كده بلية الفردة اليمين ورا عايزة تتغير، اشتريت له واحدة جديدة وغيرناها، جربت تاني لقيت نفس الصوت لكن اقل من المرة اللي فاتت !

تفتكروا ديه مشكلة في الكرونة الجديدة ؟ ولا في تقفيل الشغل ؟ ولا ايه ؟

وشكراً.