تقرير صيانة ٤٠.٠٠٠ كم لوجان ٢

**Amr Axel** · 25-04-2016 01:18 AM

تقرير صيانة ٤٠.٠٠٠ كم في فرينش موتورز
لوجان ٢ / نيو لوجان ٢٠١٥
بداية ده يعتبر اول صيانة تقيلة الي حدا ما ليا مع فرينش موتورز قبل كده حاجات بسية تيل فرامل و فحص و هكذا و للاسف كنت عايز اعمل الصيانات من بدري معاهم لانهم جنبي في الرحاب بس كنت مضطر مع التوكيل عشان عيوب الصناعة اللي بتتغير في الضمان كل صيانة
طبعا الصيانة بتكون باسبقية الوصول مش بالحجز يعني انا اصحي من ع السرير اقف قدامهم قبل ما يفتحوا و ده اللي حصل يومها
بداية مقابلة المهندسيين كويسة جدا و يحاول ينجزك في اسرع وقت استلموا العربية مني و كان ليا شوية ملاحظات زي دراع النور اللي بيعلق و بوابة الفريشر اللي بتعمل صوت زنة مع فتح السنتر او الابواب و تنفيس الشكمان المعتاد و زيت ع طلمبة الباور و مش فاكر ايه تاني و طلبت انهم يكشفوا ع تسريب زيت لاني كنت لسه مغير اويل سيل كرنك خلفي و كوبلن شمال كامل و اويل سيل كوبلن يمين في التوكيل في الضمان المهم استلموا العربية و بدأوا الشغل عالطول و قالولي بس خلال ساعتين و مخدتش كمان الوقت ده و ساعتها لقيت اعضاء جروب اتحاد رينو بيتدفقوا ع سبيل المثال
Kareem Salama Ahmeed EL Bahy
و ناس تانية بس مش عارف الاكونت بقي ��و Ramy El Shinawy اول ما عرف اللمة ديه جيه يجري يسلم علينا
و اخيرا العربية بتخلص الصيانة و صدموني او مكنتش صدمة اوي عشان اتعودت ��ان العربية محتاجة تغير جوان غيار خامس في الفتيس عشان تسريب الزيت و احتمال تحتاج علبة باور و دراع النور بس الكلام ده هيتم في فرع الشروق لانهم عندهم الامكانية للتغيير اسرع الموضوع كان مشكلة ليا شوية عشان مش عايز العربية تبات بعيد زي ساعة تعيير اويل سيل الكرنك الخلفي و الكوبلن و قعدت فيها ١٠ ايام تقريبا و خلصت الصيانة و حتي الحسابات تعاملهم كويس جدا المهم طلعت ع فرع الشروق و المكان ميتهوش خالص و سهل الوصول اليه و زي الرحاب الاستقبال كويس و محترم و المهندسين متعاونين و م / احمد عزت نزل بص ع العربية و اني اجي يوم من اوله عشان نغير الحاجات ديه في الضمان عشان مكنش هينفع اعملها في نفس اليوم لظروف شغلي و فعلا حددت يوم و روحت و استلموا العربية و قالولي هتخلص اخر اليوم ع ٤ كنت متأزم و بنكشهم عشان تخلص بدري �� و بصراحة خلصت ع الساعة ١٢-١ تقريبا و تم تغيير جوان غيار خامس في الفتيس و طلمبة الباور قالي هنتابعها عشان نتاكد بشكل قاطع انها محتاجة تتغير و ساعتها نغيرها و انه مش مجرد ترشيح و انهم طلبوا دراع نور عشان يتغير في الضمان و موضوع بوابة الفريشر هيتابعوها مع التوكيل و يردوا عليا اول ما يجي دراع النور او يوصلوا لحاجة لبوابة الفريشر مع التوكيل
و ساعتها قابلت Ahmed Mamdouh او corsair و اللي طلع معرفة قديمة بالمنتدي هنا ��
و بصراحة المهندسين متعاونين جدا هناك و استقبلهم و سرعتهم في انجاز الصيانة و العربية قدامك هم شغالين فيها و ان شاء الله هكمل معاهم
الصيانات في فرينش موتورز
تعليقي الوحيد ع فرع الرحاب ان مفيش عندهم غسيل للعربية بعد الصيانة عكس الشروق و فرع الشروق اني شايف العربية في الدور اللي فوق ع الشاشات بس لكن مش في البدروم عكس الرحاب العربية قدامي
و اراكم في تقارير صيانة اخري ان شاء الله ��

**adel_edrees** · 25-04-2016 02:35 PM

أحييك على تقريرك الرائع بس فى حاجة أنا ملاحظها كم الحاجة اللى أتغيرت فى عربيتك و هل ده سوء حظ و ألا الشكل الجديد هو المشكلة مع العلم أنه نفس الموتور بنفس كل حاجة علبة الباور وكمان التعليق هو هو نفسه المشكلة ان أنا خلصت الضمان و من سنة ونص تقريبا و ماعملتش بالعربية ألا 20000 20 ألف كيلو و لم أغير شئ الا البوابة فمعنى ظهور الحاجات دى بعدين معناها أن انا حأبيع اللى وراى و اللى أدامى علشان أصلحها فياريت تطمنى ؟؟؟؟؟؟؟؟ و لك جزيل الشكر

**Amr Axel** · 26-04-2016 07:01 PM

المشاركة الأصلية كتبت بواسطة adel_edrees

أحييك على تقريرك الرائع بس فى حاجة أنا ملاحظها كم الحاجة اللى أتغيرت فى عربيتك و هل ده سوء حظ و ألا الشكل الجديد هو المشكلة مع العلم أنه نفس الموتور بنفس كل حاجة علبة الباور وكمان التعليق هو هو نفسه المشكلة ان أنا خلصت الضمان و من سنة ونص تقريبا و ماعملتش بالعربية ألا 20000 20 ألف كيلو و لم أغير شئ الا البوابة فمعنى ظهور الحاجات دى بعدين معناها أن انا حأبيع اللى وراى و اللى أدامى علشان أصلحها فياريت تطمنى ؟؟؟؟؟؟؟؟ و لك جزيل الشكر

بص هو فيه حاجات عيب صناعة و اتغيرت في الضمان بس مشوفتش حد لحد دلوقتي غيري حصلت له ع سبيل المثال مساعدين امامي - كوبلن شمال كامل - اويل سيل كوبلن يمين
اما اللي لقيتهم زي حالتي سواء معارف او ناس كانوا واقفين جنبي في الصيانات فهي كالاتي
قطمة دريكسيون - دراع نور - اويل سيل كرنك خلفي - جوان غيار خامس في الفتيس - طلمبة باور - صوت بوابة الريسايكل و صوت تنفيس الشكمان
و خد بالك انا بتكلم ع الجديدة اللي معايا اما القديمة مشوفتش حد اشتكي في اكتر من البوابة و طلمبة البنزين و مفيش غير واحد اعرفه غير اويل سيل كرنك خلفي بعد ١٠٠ الف كم بس كده متقلقش و خليها ع الله

**Amr Axel** · 26-04-2016 07:02 PM

المشاركة الأصلية كتبت بواسطة mkaram84

مبارك عليك الصيانة وعقبال صيانة ال 100000 يا باشا
وكالعادة أحييك على تقريرك الرائع والمحايد

الله يكرمك يا باشا

**Amr Axel** · 20-05-2016 06:38 PM

المشاركة الأصلية كتبت بواسطة tamer_ali2666

العجيب ان تعليقات صاحب السيارة بالناس المعلقة عليها متقبلين وراضيين جدا بالمشاكل الى ظهرت على 40 الف كيلو كأن ده الطبيعي والى ركب عربيات يابانى او حتى كورى العيوب ده ممكن يجيب العربية ويبيعها ويعمل بها 200 300 الف كيلو ومايعرفش اصلا ان فيه عيوب اسمها كدة انا اتفهم جدا ان حد يحكى الى حصل معاه بس يكون ساخط ع العربية بماركتها بالى صنعها ويحذر الناس منها انما مايبقاش فرحان ومتقبل الوضع كدة العربيات ده لو شغالة برة مصر بتترمى رمية الكلب وبيتوقف بيعها وشراها في المستعمل عشان سمعتها واحنا هنا بنلم اي حاجة ونفرح بها .

مين قال اننا فرحانين او مبسوطين تفتكر اننا مش قرفانين و متغاظين لما تبقي مكاني ابقي قولي احساسك لكن الفكرة اني واخد الموضوع ببساطة عشان محرقش دمي مش اكتر لان ديه العربية الوحيدة اللي جبتها و حصل فيها كده مفيش اي عربية جبتها من اول الماروتي لحد ٣١٦ حصل فيها و لو عيب صناعة واحدة
و متقوليش برة بيحصل ايه انا عارف كويس بس لما نبقي زي برة ابقي قارن برة حضرتك لو السلعة معجبتكش ممكن ترجعها خلينا ساكتين :)
الملخص المفيد ان التوكيل بيغيرلك في الضمان و محدش هيقوله حاجة لانه عمل اللي عليه من وجهة نظرهم عايز تدخل في سكة وجع الدماغ و محضر و قضية و حماية مستهلك اتفضل بس انا للاسف مش فاضي لوجع الدماغ ده و معنديش وقت اعمله اصلا مع العلم انهم بقوا في سكتي و لو دخلت في الليلة ديه هروقهم بس كده كده طالما بيغير في الضمان و هم اللي بيبادروا بكده خلصت طالما حاجات بسيطة و للعلم ساعتها الشكوي ممكن تتحفظ او تلف لفة كبيرة بقي عشان تاخد تعويض و تقارير فنية و فحص و انذارات الخ الخ
مش هقول اكتر من كده
و للعلم هات لي عربية في الموديلات الحديثة موجودة هنا مفيهاش عيوب صناعة اصلي مش لاقي عربية الا و طلع فيها بلاوي اكتر من كده و سعرها اضعاف ديه يلا ما علينا d:

**adel_edrees** · 21-05-2016 12:57 AM

المشاركة الأصلية كتبت بواسطة tamer_ali2666

العجيب ان تعليقات صاحب السيارة بالناس المعلقة عليها متقبلين وراضيين جدا بالمشاكل الى ظهرت على 40 الف كيلو كأن ده الطبيعي والى ركب عربيات يابانى او حتى كورى العيوب ده ممكن يجيب العربية ويبيعها ويعمل بها 200 300 الف كيلو ومايعرفش اصلا ان فيه عيوب اسمها كدة انا اتفهم جدا ان حد يحكى الى حصل معاه بس يكون ساخط ع العربية بماركتها بالى صنعها ويحذر الناس منها انما مايبقاش فرحان ومتقبل الوضع كدة العربيات ده لو شغالة برة مصر بتترمى رمية الكلب وبيتوقف بيعها وشراها في المستعمل عشان سمعتها واحنا هنا بنلم اي حاجة ونفرح بها .

بص ياباشا بصيت و ألا لسه فى ناس كتير جدا جدا ما بتقولش أن عندها مشاكل فى عربياتها لحد ال 200 300 ألف كيلو اللى حضرتك بتتكلم فيهم أما أنهم مش محترفين يعنى بيركب و يدور و يمشى و خلاص ,ده كتير جدا من الناس كده أو أنه بيقول لو أنا قلت و غيرى قال على العيوب العربية سوقها حيقف و سعرها حينزل مافيش عربية بتنزل فى مصر فى الفئة السعرية دى ألا و فيها مشاكل و عيوب صناعة مميتة أكتر من دى بكتير و بعدين لو حضرتك لاحظت و قريت التعليق بتاعى أننا بأستفسر عن الحاجات الكتير فى العربية دى ممكن يكون نصيب صاحب الربية كده حأتخانق مع التوكيل و حأقولله ياعم أدينى فلوسى حيقوللك ماشى خدها خد 100 ألف خد 150 الف وشوف حتشترى بيهم أيه نيسان صنى و ألا أيمجراند و ألا فيرنا و ألا لانوس و ألا أيه بالظبط ياعم محدش فرحان بحاجة غاية ما فى الأمر ما باليد حيلة و بعدين اللى أنا فهمته من تعليق سيادتك اننا ناس هبل و مجاذيب و على طول فرحانين أبقى فكر شوية قبل ما تكتب كلام يؤخذ عليك

-

-

الموضوع: تقرير صيانة ٤٠.٠٠٠ كم لوجان ٢

LinkBack

أدوات الموضوع

عرض

تقرير صيانة ٤٠.٠٠٠ كم لوجان ٢ - انشر الموضوع فى :

-

-

-

-

-

المواضيع المتشابهه

تقرير صيانة 30000 كيلو لوجان

تقرير صيانة الـ10000 رينو نيو لوجان / لوجان 2

تقرير صيانة 20000 كيلو لوجان

تقرير صيانة 10000 لوجان اوتوماتيك مع شوية اسئلة

تقرير صيانة 20000 كيلو رينو لوجان

الكلمات الدلالية لهذا الموضوع

المفضلات

المفضلات

ضوابط المشاركة