الموضوع: أحسن أنواع كاوتش للسيريون

عايز أعرف أحسن أنواع كاوتش للسيريون2013 مقاس 175/65/14 و أماكن البيع لو أمكن

أنا لسه مركب نفس المقاس اللي حضرتك بتتكلم عليه 175/65/14 لعربيتي سيريون أتوماتيك 1300 موديل 2011 . ماركة بيرللي تركي . من عند ( ممدوح غطاطي ) اللي في الداون تاون أسكندرية . الفردة عملت 420 جنيه . و أعتقد أن نوعية الكاوتش ده كويسة . و كمان غيرت البطارية من عندهم . جبت فارتا 40 أمبير ب 400 جنيه و خدو البطارية القديمة . عموما همه ناس كويسين في تعاملاتهم و توكيل معتمد لبطاريات فارتا و كاوتش بيريللي و كاوتش تاني ماركة ( أكليز ) أندونيسي بيتباع عندهم . مع العلم أن كاوتش العربية الأصلي كان دانلوب و البطارية كانت باناسونيك . عاشو معايا 5 سنين من تاريخ شرااا العربية عملت فيهم 12000 كيلو ( أثنى عشر ألف كيلو فقط لاغير ) . بس المشكلة أنه أثناء فحص العربية في التوكيل قالولي عندك ( بالونة ) في الكاوتش الفردة الشمال ورااا . و لازم تتغير .. روحت مغير ال 4 فرد .. طلع أن فيه حاجات في العربية لازم تتغير كل 5 سنين . سواء الواحد مشى بالعربية و لا ماا ماشش .. المهم أن ال 4 فرد أتكلفو 1680 جنيه و كمان 400 جنيه بطارية . يبئا كله على بعضه 2080 غير البقشيشات ( ههههه غرامة غير متوقعة بتاتا ) . ياترى كمان 5 سنين الكاوتش حيبئا بكام و البطارية بكام . هه يااا ميييين يعيش . و كل عام و أنتم بخير