الموضوع: ايه رايكم ؟

بسم الله الرحمن الرحيم
الموضوع بخصوص سوزوكي سويفت 93
انا معايا عربيه فيات 124 سبيشيال
نويت اشتري عربيه في حدود 30 الف جنيهوكان داخل دماغي الشاهين بس بعد لما اشتركت علي المنتدي (نايل موتور) وقريت شويه عن الشاهين كرهتها وبقي قدامي شويه خيارات منها الاكسيل والسويفت والصراحه السويفت دخلت دماغي بعد لما قريت عنها .
المشكله فين

روحت اسئل الكهربائي والميكانيكي وبعد لما فضلوا يفتكروا في اسم العربيه كتيييييييير قالولي انت ايه اللي يخليك تروح تشتري عربيه مش موجوده وملهاش قطع غيار وترمي فلوسك ف الارض (المدينه اللي انا منها في محاظه الشرقيه مفهاش الا واحد عندو العربيه ده) وفضلوا يقولوا هات الدايو لانوس وريح دماغك ليك وللزمن ولما تحب تبعها هتتباع علطول سيبك من الكلام اللي بتقال ع النت

انا عاوز ايه ؟
السعر 30 او 35 الف جنيه والزياده عشان فرق الحاله
العربيه تكون موفره ف البنزين والزيت وتحتهم ميت خط
يكون العربيه بتتصلح بسهوله عند اي حد وقطع غيارها متواجده في الشرقيه وبتعيش يعني الحاجه اللي اصلحا انساها بعد كده
لما اجي ابعها تتباع بسهوله وعربيه شبابيه وتنفع عيله اربع او خمس افراد