الموضوع: تسريب فى دائرة التكييف

هى العربية نوعها اية ؟

طيب بما انى طلعت عينى 100 مره فى مشكلة التكييف سواء فى الفكترا او البى ام ,, فهقول شوية معلومات يا رب تفيديك و حصلت تحت ايدى مش افتكاسات ..

اولا ,, فى الفكترا انا عملت طقم الاصلاح بس كان رخيص شوية فى الكمبريسور ,, كان تغيير الاويل سيلز ,, شغلو شهرين و شكرااا ,, فانا لا انصح بية خالص .. معلش لو طلع العيب فى الكمبريسور ,, هاتو جديد اصلى او انتاج شركات تانية . و هتلاقى محل واخد توكيل الكمبريسورات فى سوق القنال .. بيبيع جديد و اغلب انواع العربيات و بيكون انتاج اسيوى .. مش وحش و مش غالى اوى بالنسبة للاصلى .

فى اجهزة متوفرة عند اغلب بتوع التكييف ,, اللى هو بيكبس بيها و يشحن و يزيت و يعمل فاكيوم للدورة . الجهاز دة برضو بيقيس قوه الكباس ,, فى البى ام الراجل ركبو و دورت و شاف فى العدادات بتاعت الجهاز.. و عرف منها قوه الكمبريسور و كانت 80% فقالى كويس ما يتغيرش ..

لو طلع الكمبريسور .. يا ريت تغير معاه الدراير و الاكسبنشن فالف عشان تجيب من الاخر و لو عندك شجرة زى بتاعت الفكترا , غيرها ..

اتاكد ان مفيش تنفيث فى البلوف او السويتشات ...

اتاكد ان مروحة تبريد سربنتينة التكييف شغالة قدام عينك مع الكييف . و طبعا السربنتينه تكون نظيفة و مش مخبوطة او ملحومة او منفسة ..

... لو كل دة سليم يبقى مفيش غير التلاجة او الكويل الداخلى .. لو العربية موديل قديم دة بياكد احتمالية التلاجة ..

و دى قصة تانية خالص ..


هتلاقى فى مواضيعى اسم الراجل اللى استغلت معاه و كان فى مدينه نصر الحى السابع واد بيفهم اوى ..

الراجل اللى كبسلى الكمبريسور كان فى شارع الميرسيدس فى االحرفيين بس منصحش بية ..

يا رب اكون افدتك

المشاركة الأصلية كتبت بواسطة ahmedbasha14

متشكر جدا لحضرتك على الرد المفصل

بس نيجى لنقطة البداية إزاى أقدر أحدد إن المشكلة فى الكمبروسور ؟

الفنى كبس الدائرة ( شربنتينه - وصلات - .... إلخ ) وبدون الكمبروسور وتأكد إن كله تمام ومفيش تسريب ، علشان كده بيقترح أن التسريب ممكن يكون من الكمبروسور.

وأنا مش مقتنع إنى أعمل أى إصلاحات فى الكمبروسور إلا لما اتاكد 100 % ان فعلا دى مش مشكلة الكمبروسور

حضرتك عارف الصنايعية لو جيت معاهم سكه مش بيرحموك

مرة تانية متشكر جدا على رد حضرتك

العفو .. هات كومبريسور استيراد و ركبو و جرب .. او زى ما قولتلك روح لحد تانى يكبسو لوحدو .. الراجل اللى اتعاملت معاه فى الحى السابع كبسة لوحدة .

انصحك تعمل الاتى
شوف صنايعى شاطر ويكون فاضى
يفك الكمبروسر والسربنتينه والمواسير والثلاجة الداخليه كلهم برة فى الارض ويجمعهم برة العربيه ويضغطهم هوا
ويجيب حاجة واسعه زى الطشت او البانيو زي بتاع الكوتشات وتسقط الدورة كلها وهى مضغوطة هوا وهشوف التسريب ادام عينك ودة الطريقة البدائية
او تروح عند حد عندو مكنه لشحن الفريون والكشف على الدورة هو جهاز كده على بعضة بيكشفك على التسريب بانه بيضغط مع الهوا مادة فسفورية بتبينلك مكان التسريب منين بانها بتعمل بقعة فسفورية مكان التسريب وانت بتشوفها بالور عادى وتروح تلحمها او تغير القطعة اللى فيها التنفيس ده وخلاص

انصحك تعمل الاتى
شوف صنايعى شاطر ويكون فاضى
يفك الكمبروسر والسربنتينه والمواسير والثلاجة الداخليه كلهم برة فى الارض ويجمعهم برة العربيه ويضغطهم هوا
ويجيب حاجة واسعه زى الطشت او البانيو زي بتاع الكوتشات وتسقط الدورة كلها وهى مضغوطة هوا وهشوف التسريب ادام عينك ودة الطريقة البدائية
او تروح عند حد عندو مكنه لشحن الفريون والكشف على الدورة هو جهاز كده على بعضة بيكشفك على التسريب بانه بيضغط مع الهوا مادة فسفورية بتبينلك مكان التسريب منين بانها بتعمل بقعة فسفورية مكان التسريب وانت بتشوفها بالور عادى وتروح تلحمها او تغير القطعة اللى فيها التنفيس ده وخلاص